ಇಂದು ಅಂಬಿ, ನಾಳೆ ರವಿಚಂದ್ರನ್ ಬರ್ತ್ಡೇ
Team Udayavani, May 29, 2017, 12:03 PM IST
ಮೇ ಬಂತೆಂದರೆ ಸಾಕು ಅಂಬರೀಷ್ ಹಾಗು ರವಿಚಂದ್ರನ್ ಅಭಿಮಾನಿಗಳಿಗೆ ಎಲ್ಲಿಲ್ಲದ ಖುಷಿ ಮತ್ತು ಸಂಭ್ರಮ. ಅದಕ್ಕೆ ಕಾರಣವನ್ನು ಹೇಳಬೇಕಿಲ್ಲ. ಯಾಕೆಂದರೆ, ಮೇ 29 ರೆಬೆಲ್ಸ್ಟಾರ್ ಅಂಬರೀಷ್ ಅವರ ಹುಟ್ಟುಹಬ್ಬ. ಮೇ 30 ರವಿಚಂದ್ರನ್ ಅವರ ಹುಟ್ಟುಹಬ್ಬ. ಹೀಗಾಗಿ ಒಂದು ದಿನದ ಅಂತರದಲ್ಲಿ ಇಬ್ಬರು ಸ್ಟಾರ್ ನಟರ ಬರ್ತ್ಡೇ. ಹೀಗಾಗಿ ಇಬ್ಬರು ಅಭಿಮಾನಿಗಳಿಗೆ ಸಂಭ್ರಮವೋ ಸಂಭ್ರಮ.
ಅಂಬರೀಷ್ ಇಂದು (ಸೋಮವಾರ) ತಮ್ಮ 65 ನೇ ಹುಟ್ಟುಹಬ್ಬ ಆಚರಿಸಿಕೊಂಡರೆ, ರವಿಚಂದ್ರನ್ ಅವರು 56 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾರೆ. ಎಂದಿನಂತೆ ಇಬ್ಬರ ಅಭಿಮಾನಿಗಳೂ ಕೂಡ ಪ್ರೀತಿಯ ನಾಯಕ ನಟರ ಮನೆಯ ಮುಂದೆ ಸಾಲುಗಟ್ಟಿ, ಶುಭಾಶಯ ಹೇಳಲು ಸಜ್ಜಾಗಿದ್ದಾರೆ.
ದೂರದ ಊರುಗಳಿಂದ ಆಗಮಿಸುವ ಅಭಿಮಾನಿಗಳು ಹಿಂದಿನ ದಿನದ ರಾತ್ರಿಯೇ ನಟರ ಮನೆಯ ಮುಂದೆ ಹಾಜರಾಗಿ, ಶುಭಾಶಯ ಹೇಳುವ ಪರಿಪಾಠ ಬೆಳೆಸಿಕೊಂಡು ಬಂದಿದ್ದಾರೆ. ಇನ್ನು, ಇಬ್ಬರು ನಟರು ಪರಸ್ಪರ ಶುಭಾಶಯ ಹೇಳುವ ಮೂಲಕ ಕೇಕ್ ಕತ್ತರಿಸಿ, ಅಭಿಮಾನಿಗಳ ನಡುವೆ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದೂ ಇದೆ. ಅಂತೂ ಈ ಎರಡು ದಿನಗಳು ಅಭಿಮಾನಿಗಳ ಪಾಲಿಗೆ ಸಂಭ್ರಮದ ದಿನಗಳಂತೂ ಹೌದು.
ರವಿಚಂದ್ರನ್ ಅಭಿನಯದ ಮೂರು ಚಿತ್ರಗಳು ಚಿತ್ರೀಕರಣದಲ್ಲಿವೆ. “ರಾಜೇಂದ್ರ ಪೊನ್ನಪ್ಪ’, “ದಶರಥ’ ಹಾಗೂ ‘ಬಕಾಸುರ’ ಚಿತ್ರಗಳಲ್ಲಿ ರವಿಚಂದ್ರನ್ ನಟಿಸುತ್ತಿದ್ದಾರೆ. ಇನ್ನು, ಅಂಬರೀಷ್ ಅವರು ಎಂದಿನಂತೆ ರಾಜಕಾರನದಲ್ಲಿ ಬಿಜಿಯಾಗಿದ್ದಾರೆ. “ಕುರುಕ್ಷೇತ್ರ’ ಚಿತ್ರದಲ್ಲಿ ಅಂಬರೀಷ್ “ಭೀಷ್ಮ’ನ ಪಾತ್ರ ನಿರ್ವಹಿಸಲಿದ್ದಾರೆ ಎಂಬ ಮಾತೂ ಸಹ ಕೇಳಿಬರುತ್ತಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Gobi Manchurian ಬ್ಯಾನ್ ಎಫೆಕ್ಟ್: ಚಾಟ್ಸ್ ಮಾರಾಟ ಕುಸಿತ
Book Brahma ಸ್ವಾತಂತ್ರ್ಯೋತ್ಸವ ಕಥಾ ಸ್ಪರ್ಧೆ, ಕಾದಂಬರಿ ಪುರಸ್ಕಾರ- 2024: ವಿವರಗಳು
Toravi Narasimha Temple: ಮನೆದೇವರ ದರ್ಶನ ಪಡೆದ ಸಚಿವ ಪ್ರಹ್ಲಾದ ಜೋಶಿ
ಡೀಸೆಲ್ ಇಲ್ಲದೆ ನಿಂತ ವಾಹನ… ಕಸವನ್ನು ಹೆಗಲ ಮೇಲೆ ಹೊತ್ತು ವಿಲೇವಾರಿ ಮಾಡಿದ ಪೌರಕಾರ್ಮಿಕ
Chitradurga; ನಾವು ಯಾರನ್ನೂ ಕಾಯಲ್ಲ, ನಾಮಿನೇಷನ್ ಪಕ್ಕಾ…: ಎಂ.ಚಂದ್ರಪ್ಪ