CONNECT WITH US  
Please Select Your Default Edition         ಕರ್ನಾಟಕ ಆವೃತ್ತಿ    |     ಕರಾವಳಿ ಆವೃತ್ತಿ     |     English Edition

ಹಂಬಲ್ ಪಿಜ್ಜಾ; ಪ್ರಮೋಶನ್ ಗೆ ಹೊಸ ಐಡಿಯಾ

ಸಿನಿಮಾದ ಪ್ರಮೋಶನ್‌ಗೆ ಹೊಸ ಹೊಸ ವಿಧಾನಗಳನ್ನು ಹುಡುಕುತ್ತಿದ್ದಾರೆ. ವಿಭಿನ್ನವಾಗಿ ಸಿನಿಮಾ ಪ್ರಮೋಶನ್‌ ಮಾಡಿದರೆ ಜನರಿಗೆ ಸಿನಿಮಾ ಬೇಗನೇ ತಲುಪುತ್ತದೆ ಎಂಬ ನಂಬಿಕೆಯಿಂದ ಬೇರೆ ಬೇರೆ ದಾರಿ ಹುಡುಕುತ್ತಲೇ ಇರುತ್ತಾರೆ ಸಿನಿಮಾ ಮಂದಿ. ಈಗ ಸಿನಿಮಾ ತಂಡವೊಂದು ಪಿಜ್ಜಾ ಮೂಲಕ ಸಿನಿಮಾ ಪ್ರಮೋಶನ್‌ ಮಾಡಲು ಹೊರಟಿದೆ. ಅದು "ಹಂಬಲ್‌ ಪೊಲಿಟಿಶಿಯನ್‌ ನೋಗರಾಜ್‌' ಚಿತ್ರತಂಡ.

ದಾನಿಶ್‌ ಸೇಠ್ ಅಭಿನಯದ "ಹಂಬಲ್‌ ಪೊಲಿಟಿಶಿಯನ್‌ ನೋಗರಾಜ್‌' ಚಿತ್ರದ ಚಿತ್ರೀಕರಣ ಮುಗಿದಿದ್ದು, ಈಗ ಬಿಡುಗಡೆಯ ಹಂತಕ್ಕೆ ಬಂದಿದೆ. ಅಕ್ಟೋಬರ್‌ ನಲ್ಲಿ ಚಿತ್ರ ಬಿಡುಗಡೆಯಾಗಲಿದ್ದು, ಚಿತ್ರತಂಡ ಈಗ ಪ್ರಮೋಶನ್‌ಗೆ ಅಣಿಯಾಗಿದೆ.

ಚಿತ್ರವನ್ನು ವಿಶೇಷವಾಗಿ ಪ್ರಮೋಟ್‌ ಮಾಡಬೇಕೆಂಬ ಕಾರಣಕ್ಕೆ "ಹಂಬಲ್‌ ಪಿಜ್ಜಾ ನೋಗರಾಜ್‌' ಎಂಬ ಕಾನ್ಸೆಪ್ಟ್ ಮಾಡಿದ್ದು, ಈ ಕಾರ್ಯಕ್ರಮ ಇದೇ ಶುಕ್ರವಾರ  ಕೋರಮಂಗಲದಲ್ಲಿ ನಡೆಯಲಿದೆ. 

ಅದು "ಹಂಬಲ್‌ ಪಿಜ್ಜಾ ನೋಗರಾಜ್‌' ಅನ್ನು ಬಿಡುಗಡೆ ಮಾಡಲಿದೆ. ಇದಲ್ಲದೇ ಮುಂದಿನ ದಿನಗಳಲ್ಲಿ ಮತ್ತಷ್ಟು ವಿಭಿನ್ನ ರೀತಿಯಲ್ಲಿ ಚಿತ್ರವನ್ನು
ಜನರಿಗೆ ತಲುಪಿಸುವ ಉದ್ದೇಶ ಕೂಡಾ ಚಿತ್ರ ತಂಡಕ್ಕಿದೆ. ದಾನಿಶ್‌ ಸೇಠ್, ರೋಜರ್‌ ನಾರಾಯಣ್‌, ವಿಜಯ್‌ ಚೆಂಡೂರು ಮುಂತಾದವರು ನಟಿಸುತ್ತಿರುವ ಈ ಚಿತ್ರಕ್ಕೆ ಸಾದ್‌ ಖಾನ್‌ ನಿರ್ದೇಶಕರು. ಚಿತ್ರವನ್ನು ಪುಷ್ಕರ್‌ ಮಲ್ಲಿಕಾರ್ಜುನಯ್ಯ, ಹೇಮಂತ್‌ರಾವ್‌ ಹಾಗೂ ರಕ್ಷಿತ್‌ ಶೆಟ್ಟಿ ಸೇರಿ ನಿರ್ಮಿಸಿದ್ದಾರೆ. 

Back to Top