ಮೊಸಳೆ ಬಾಯಿಂದ ಮರಿ ಆನೆ ಕಾಪಾಡಿದ ಹಿರಿ ಆನೆ Viral Video
Team Udayavani, Apr 19, 2017, 3:41 AM IST
ಇತ್ತೀಚಿನ ದಿನಗಳಲ್ಲಿ ರಸ್ತೆ ಅಪಘಾತದಲ್ಲಿ ಯಾರಾದರೂ ಗಂಭೀರವಾಗಿ ಗಾಯಗೊಂಡು ನರಳುತ್ತಿದ್ದರೆ ಅವರಿಗೆ ಸಹಾಯ ಮಾಡುವ ಬದಲು ವಿಡಿಯೋ ಚಿತ್ರೀಕರಿಸಿ ಫೇಸ್ ಬುಕ್ನಲ್ಲಿ ಲೈವ್ ವಿಡಿಯೋ ಹರಿಬಿಡುವ ವಿಕೃತಿಯೇ ಹೆಚ್ಚು. ಮಾನವರಿಗಿಂತ ಪ್ರಾಣಿ ಸಂಕುಲವೇ ಎಷ್ಟೋ ಮೇಲು ಎಂಬುದಕ್ಕೆ ನಿದರ್ಶನವಾಗುವಂಥ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ದಕ್ಷಿಣ ಆಫ್ರಿಕಾದ ಅಭಯಾರಣ್ಯದಲ್ಲಿ ಆನೆಗಳ ಹಿಂಡೊಂದು ನೀರು ಕುಡಿಯಲು ಹೊಂಡದ ಬಳಿ ಬರುತ್ತದೆ. ಗುಂಪಿನಿಂದ ಚೂರು ದೂರದಲ್ಲಿ ನೀರು ಕುಡಿಯುತ್ತಿದ್ದ ಮರಿಯಾನೆಯ ಸೊಂಡಿಲನ್ನು ಮೊಸಳೆಯೊಂದು ಹಿಡಿಯುತ್ತದೆ. ಆನೆಮರಿಯನ್ನು ಮೊಸಳೆ ಆ ಹೊತ್ತಿನ ಊಟ ಮಾಡಿಕೊಳ್ಳಲು ಹವಣಿಸಿದಂತಿತ್ತು. ಪಾಪ ಆನೆಮರಿ ಕೂಡ ಮೊಸಳೆ ಬಾಯಿಂದ ಪಾರಾಗಲು ತನ್ನೆಲ್ಲ ಶಕ್ತಿ ಮೀರಿ ಪ್ರಯತ್ನಿಸುತ್ತದೆ. ಆದರೂ ಮೊಸಳೆ ತನ್ನ ಪಟ್ಟು ಬಿಡುವುದಿಲ್ಲ.
ಇದನ್ನೆಲ್ಲ ನೋಡುವಷ್ಟು ನೋಡಿದ ಆನೆಗಳ ಹಿಂಡಿನ ಹಿರಿಯ ಆನೆ, ಗುಂಪಿನ ಕಿರಿಯ ಸದಸ್ಯನನ್ನು ಕಾಪಾಡಲು ಮುನ್ನುಗ್ಗುತ್ತದೆ. ಮರಿಯನ್ನು ಮೊಸಳೆ ಬಾಯಿಂದ ಕಾಪಾಡುತ್ತದೆ.