ದರೋಡೆಗೆಂದು ಬಂದ, ಅಡುಗೆ ಮಾಡಿ ಹೋದ

Team Udayavani, May 29, 2017, 4:20 AM IST

ಅನ್ನದ ಬೆಲೆ ಹಸಿದವನಿಗಷ್ಟೇ ಗೊತ್ತು ಎಂಬ ಮಾತಿದೆ. ಅದಕ್ಕೇ ಇರಬೇಕು ಹಣ ಕೊಳ್ಳೆ ಹೊಡೆಯಲು ಬಂದ ಈತ ಮೊದಲು ಹಸಿವು ತಣಿಸಿಕೊಳ್ಳೋಣ ಎಂದು ಪ್ಲ್ರಾನ್‌ ಬದಲಿಸಿದ್ದು. ಮಿಷನ್‌ ಇಂಪಾಸಿಬಲ್‌ ಶೈಲಿಯಲ್ಲಿ ಅಮೆರಿಕದ ರೆಸ್ಟಾರೆಂಟ್‌ವೊಂದಕ್ಕೆ ನುಗ್ಗಿದ ಕಳ್ಳನ
ಕಥೆಯಿದು. ಚಾವಣಿ ಹಾಗೂ ಗೋಡೆಯಲ್ಲಿ ರಂಧ್ರ ಕೊರೆದು ಸಿನಿಮೀಯ ಮಾದರಿಯಲ್ಲಿ ನುಗ್ಗಿದ ಕಳ್ಳ ನೇರವಾಗಿ ಕ್ಯಾಷ್‌ ಕೌಂಟರ್‌ನತ್ತ ಚಲಿಸತೊಡಗಿದ. ಮೊದಲೇ ಆತನಿಗೆ ಹೊಟ್ಟೆ ಚುಂಯ್‌ಗುಡುತ್ತಿದ್ದು. ಹೇಳಿಕೇಳಿ ಅದು ಹೋಟೆಲ್‌ ಬೇರೆ. ಆಹಾರದ ಘಮ ಮೂಗಿಗೆ ಬಡಿಯುತ್ತಿತ್ತು. ಕೌಂಟರ್‌ ಬದಲು ಅಡುಗೆ ಮನೆ ಪ್ರವೇಶಿಸಿ ಯಾವ ಬಾಣಸಿಗನಿಗೂ ಕಮ್ಮಿಯಿಲ್ಲ ಎಂಬಂತೆ ಸ್ಟೀಕ್‌ ಸ್ಯಾಂಡ್‌ವಿಚ್‌, ಫ್ರೈ ತಯಾರಿಸಿದ. ಆದರೆ, ಕೊರೆದ ರಂಧ್ರ ಚಿಕ್ಕದಿದ್ದ ಕಾರಣ ಎಲ್ಲವನ್ನೂ ಹೊತ್ತೂಯ್ಯಲು ಸಾಧ್ಯವಾಗದೇ, ಆಹಾರವನ್ನು ಅಲ್ಲೇ ಬಿಟ್ಟು
ಹೋಗಬೇಕಾಯಿತು. ಇದೆಲ್ಲ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಒಟ್ಟಿನಲ್ಲಿ ಇವನ ಕಥೆಯನ್ನು “ಕೊಂಡು ಹೋದ’ ಎನ್ನಬೇಕಷ್ಟೇ ಹೊರತು “ಉಂಡೂ ಹೋದ’ ಎನ್ನಲಾಗದು.