ಕಾರಿನ ಇಂಜಿನ್ನಲ್ಲಿ 10 ಅಡಿ ಉದ್ದದ ಕಾಳಿಂಗ! Watch
Team Udayavani, Jun 20, 2017, 4:18 AM IST
ಇತ್ತೀಚೆಗಷ್ಟೇ ಸಿಂಗಾಪುರದಲ್ಲಿ ಹಾವೊಂದು ಮನೆಯ ಏಸಿ ಒಳಗೆ ಸೇರಿಕೊಂಡು ಇಲಿ ತಿನ್ನುತ್ತಿದ್ದ ಸುದ್ದಿಯನ್ನು ಓದಿದ್ದೀರಿ. ಈಗ ಅಂಥದ್ದೇ ಘಟನೆಯೊಂದು ಚೀನದಲ್ಲಿ ನಡೆದಿದೆ. ಆದರೆ ಈ ಬಾರಿ ಹಾವು ಸೇರಿಕೊಂಡಿದ್ದು ಮನೆಯೊಳಗಲ್ಲ, ಕಾರಿನ ಇಂಜಿನ್ ಒಳಗೆ.
ಚೀನಾದ ಪೀಪಲ್ಸ್ ಡೈಲಿ ಎಂಬ ವೆಬ್ಸೈಟ್ನಲ್ಲಿ ಇತ್ತೀಚೆಗೆ ಒಂದು ವೀಡಿಯೋವನ್ನು ಪ್ರಕಟಿಸಲಾಗಿತ್ತು. ಪೊಲೀಸರ ತಂಡವೊಂದು ಕಾರಿನ ಇಂಜಿನ್ನಲ್ಲಿ ಸೇರಿಕೊಂಡಿದ್ದ 10 ಅಡಿ ಉದ್ದದ ಕಾಳಿಂಗ ಸರ್ಪವನ್ನು ಪ್ರಯಾಸದಿಂದ ಹೊರತೆಗೆಯುತ್ತಿರುವ ವೀಡಿಯೋ ಅದಾಗಿತ್ತು. ಈ ಕಾಳಿಂಗ 4.6 ಕೇಜಿ ತೂಕವಿತ್ತಂತೆ. ಪೊಲೀಸರು ಇದನ್ನು ಒಯ್ಯಲು ತಂದಿದ್ದ ಚೀಲದಲ್ಲಿ ಇದನ್ನು ತೂರಿಸಲೂ ಆಗಲಿಲ್ಲವಂತೆ.