ಹಕ್ಕಿಗಳ ಓಡಿಸಲು ಹೋಗಿ ಬೋರಲು ಬಿದ್ದ ಆನೆ ಮರಿ! Viral Video
Team Udayavani, Jun 25, 2017, 10:21 AM IST
ಏನಪ್ಪಾ ನೀನು, ಆನೆ ಥರ ಇದ್ದಿ. ಓಡಲು ಆಗುತ್ತದೆಯಾ ಎಂದು ದಪ್ಪನೆಯ ವ್ಯಕ್ತಿಗಳಿಗೆ ಛೇಡಿಸುತ್ತೇವೆ. ಆದರೆ ಅಂಥ ಆನೆಯೇ ಮುಗ್ಗರಿಸಿ ಬಿದ್ದರೆ ಹೇಗಿರುತ್ತದೆ. ದಕ್ಷಿಣ ಸ್ವೀಡನ್ನ ಬೊರಾಸ್ ಮೃಗಾಲಯದಲ್ಲಿ ಇಂಥದೊಂದು ಘಟನೆ ನಡೆದಿದೆ. ಮಾತ್ರವಲ್ಲ ಆ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ, ಮೆಚ್ಚುಗೆ ಗಳಿಸಿದೆ.
ಝೂನಲ್ಲಿರುವ ಆನೆ ಮರಿ ತನ್ನ ಸುತ್ತಲೂ ಕುಳಿತಿದ್ದ ಹಕ್ಕಿಗಳನ್ನು ಓಡಿಸುತ್ತಾ ಮಜಾ ತೆಗೆದುಕೊಳ್ಳುತ್ತಿತ್ತು. ಒಂದು ಹಂತದಲ್ಲಿ ಹಕ್ಕಿಗಳನ್ನು ಓಡಿಸಿಕೊಂಡು ಹೋಗಿ ಅದು ಬೋರಲು ಬಿದ್ದಿತು. ಈ ದೃಶ್ಯಾವಳಿ ಹೊಟ್ಟೆಹುಣ್ಣಾಗಿಸುವಂತೆ ನಗುವಂತೆಯೂ ಮಾಡುತ್ತದೆ.