ಹುಡುಗಿ ಒಲಿಸಿಕೊಳ್ಳಲು ನಾಲಿಗೆ ಕತ್ತರಿಸಿಕೊಂಡ! 

Team Udayavani, Jul 22, 2017, 5:11 AM IST

ತಾನು ಪ್ರೀತಿಸಿದ ಹುಡುಗಿಯನ್ನು ಒಲಿಸಿಕೊಳ್ಳಲು ಹುಡುಗರು ಬಗೆಬಗೆಯ ಕಸರತ್ತುಗಳನ್ನು ಮಾಡುತ್ತಾರೆ. ಒಂದು ಹಂತದವರೆಗೆ ಎಲ್ಲವೂ ಓಕೆ. ಆದರೆ ತಮ್ಮ ಜೀವಕ್ಕೇ ಕುತ್ತು ತಂದುಕೊಳ್ಳುವಂಥ ಹುಚ್ಚಾಟಗಳಾಡಿದರೆ ಏನು ಕಥೆ? ಹೈದರಾಬಾದ್‌ ಬಳಿಯ ಹಳ್ಳಿಯೊಂದರ ಯುವಕನೊಬ್ಬ ತಾನು ಪ್ರೀತಿಸಿದ ಹುಡುಗಿ ಕೂಡ ತನ್ನನ್ನು ಪ್ರೀತಿಸುವಂತಾಗಲಿ ಎಂದು ತನ್ನ ನಾಲಿಗೆಯನ್ನು ದೇವರಿಗೆ ಅರ್ಪಿಸಿದ್ದಾನೆ.

 ಇಂಥ ಬಾಲಿಶ ಕೃತ್ಯಕ್ಕೆ ಕೈಹಾಕಿದ ಯುವಕನ ಹೆಸರು ಮಲ್ಲೇಶ್‌(23). ಈತ ಹೈದರಾಬಾದ್‌ನ ಕಂಪನಿ ಯೊಂದರಲ್ಲಿ ಕಾರು ಚಾಲಕನಾಗಿ ಕೆಲಸ ಮಾಡುತ್ತಿದ್ದಾನೆ. ದೇವರಿಗೆ ಹರಕೆಯ ರೂಪದಲ್ಲಿ ತನ್ನ ನಾಲಿಗೆ ಕತ್ತರಿಸಿ ಕೊಟ್ಟರೆ ತನ್ನ ಹುಡುಗಿ ತನ್ನನ್ನೇ ಮದುವೆಯಾಗುತ್ತಾಳೆ ಎಂಬ ನಂಬಿಕೆಯಿಂದ ಆತ ತನ್ನ ಹಳ್ಳಿಯ ಗ್ರಾಮದೇವತೆ ದೇವಸ್ಥಾನಕ್ಕೆ ತೆರಳಿ ನಾಲಿಗೆ ಕತ್ತರಿಸಿಕೊಂಡಿದ್ದಾನೆ. 

ಸದ್ಯ ಆತ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾನೆ. “ಆತ ಪ್ರೀತಿಸುತ್ತಿರುವ ಹುಡುಗಿ ಆತನನ್ನು ಮದುವೆಯಾಗು ವುದಿರಲಿ, ಆಸ್ಪತ್ರೆಗೆ ಬಂದು ಯೋಗಕ್ಷೇಮವನ್ನೂ ವಿಚಾರಿಸಲಿಲ್ಲ’ ಎಂದು ಆತನ ಸ್ನೇಹಿತರು ಹೇಳಿದ್ದಾರೆ.