ಕರುವನ್ನು ಮದುವೆಯಾದ 74ರ ವೃದ್ಧೆ

Team Udayavani, Jul 23, 2017, 5:22 AM IST

ಕಿಮ್‌ಹಾಂಗ್‌ಪೂರ್ವಜನ್ಮದಲ್ಲಿ ನಂಬಿಕೆ ಉಳ್ಳವರಿಗೆ ತಮ್ಮ ಪ್ರೀತಿ ಪಾತ್ರರು ಮತ್ತೆ ಹುಟ್ಟಿಬಂದಿದ್ದಾರೆ ಎಂಬ ಅನುಮಾನ ಮೂಡಿದರೆ ಏನೆಲ್ಲಾ ಅವಾಂತರವಾಗುತ್ತದೆ ಎಂಬುದಕ್ಕೆ ಕಾಂಬೋಡಿಯಾದಲ್ಲಿ ನಡೆದಿರುವ ಘಟನೆಯೇ ಸಾಕ್ಷಿ.

ಕಿಮ್‌ ಹಾಂಗ್‌(74) ಎಂಬ ವೃದ್ಧೆ ತನ್ನ ಪತಿ “ಕರು’ವಿನ ರೂಪದಲ್ಲಿ ಮರುಹುಟ್ಟು ಪಡೆದಿದ್ದಾರೆ ಎಂದು ನಂಬಿ ಕರುವನ್ನು ಮದುವೆಯಾಗಿದ್ದಾರೆ. ಅವರ ಪತಿಯ ನಿಧನ ಅವರನ್ನು ತೀರಾ ಘಾಸಿಗೊಳಿಸಿತ್ತು. ಪ್ರತಿ ದಿನ ಪತಿಯ ಧ್ಯಾನದಲ್ಲಿದ್ದ ಅವರಿಗೆ ಒಂದು ದಿನ ಪತಿಯೇ ಬಂದು “ನಮ್ಮ ಮನೆಯಲ್ಲಿ ಜನಿಸಿರುವ ಕರು ನಾನೇ’ ಎಂದರಂತೆ.ತಡಮಾಡದೇ ಹೋಗಿ ಆಕೆ ಕರುವನ್ನು ಮದುವೆಯಾಗಿದ್ದಾರೆ.

“ನನ್ನ ಗಂಡ ಬದುಕಿದ್ದಾಗ ನನ್ನ ಜೊತೆ ವರ್ತಿಸುತ್ತಿದ್ದ ರೀತಿಯೇ ಕರುವೂ ವರ್ತಿಸುತ್ತದೆ. ನನ್ನ ನೋಡಿದ ಕೂಡಲೆ ಪ್ರೀತಿ ತೋರುತ್ತದೆ. ಅದಕ್ಕಾಗಿ ಇದು ನನ್ನ ಗಂಡನೇ ಎಂಬ ಖಚಿತತೆ ಇದೆ’ ಎಂದು ಅವರು ಹೇಳಿದ್ದಾರೆ. ಇದನ್ನು ಅವರ ಕುಟುಂಬ ಮತ್ತು ಊರಿನವರೂ ನಂಬಿದ್ದಾರೆ. ಸದ್ಯ ಆ ಕರುವಿಗೆ ರಾಜಾತಿಥ್ಯ ನಡೆಯುತ್ತಿದೆ.