Updated at Fri,18th Aug, 2017 5:49PM IST
Please Select Your Default Edition         ಕರ್ನಾಟಕ ಆವೃತ್ತಿ    |     ಕರಾವಳಿ ಆವೃತ್ತಿ     |     English Edition

ಮೆಟ್ರೋ ರೈಲಲ್ಲಿ ಹಾವಿನೊಡನೆ ಪ್ರಯಾಣ!

ತೀರಾ ಅಸಾಮಾನ್ಯ ಎಂಬಂಥ ಸ್ಥಳಗಳಲ್ಲಿ ಹಾವು ಕಾಣಿಸಿಕೊಂಡ ವಿಡಿಯೋ, ಫೋಟೋಗಳು ಈಗಂತೂ ಇಂಟರ್‌ನೆಟ್‌ ತುಂಬಾ ತುಂಬಿ ಹೋಗಿವೆ. ಏಸಿ, ವಿಮಾನ, ಕಾರ್‌ ಇಂಜಿನ್‌ನಲ್ಲಿ ಹಾವು ಪತ್ತೆಯಾದ ಫೋಟೊ ನೋಡಿಯಾಯಿತು. ಈಗ ಬಾಸ್ಟನ್‌ನ ಮೆಟ್ರೊ ರೈಲಿನಲ್ಲಿ ಹಾವೊಂದು ಪತ್ತೆಯಾದ ಫೋಟೊ ಟ್ವಿಟರ್‌ನಲ್ಲಿ ಸಾಕಷ್ಟು ಚರ್ಚೆಗೆ ಗ್ರಾಸವಾಗುತ್ತಿದೆ. ಈ ಹಾವು ತಾನಾಗೇ ಬಂದು ರೈಲಿನೊಳಗೆ ಸೇರಿಕೊಂಡಿದ್ದರೆ ಬಹುಶಃ ಇಷ್ಟೊಂದು ಚರ್ಚೆಯಾಗುತ್ತಿರಲಿಲ್ಲ ಎನಿಸುತ್ತದೆ. ಈ ಹಾವನ್ನು ಪ್ರಯಾಣಿಕನೊಬ್ಬ ತಂದು ತನ್ನ ತೊಡೆ ಮೇಲೆ ಕೂರಿಸಿ ಪ್ರಯಾಣಿಸುತ್ತಿದ್ದ. ಪ್ರಯಾಣಿಕರೊಬ್ಬರು ಅದರ ಫೋಟೊ ತೆಗೆದು ಟ್ವಿಟರ್‌ನಲ್ಲಿ ಹರಿಬಿಟ್ಟಿದ್ದಾರೆ.

ಹಾವು ಮೆಟ್ರೋದ ಒಳಗೆ ತರಲು ಯುವಕನಿಗೆ ಅನುಮತಿ ಕೊಟ್ಟವರ್ಯಾರು? ಯಾರಿಗಾದರೂ ಕಚ್ಚಿದ್ದರೆ ಏನು ಗತಿ? ಎಂಬೆಲ್ಲಾ ಚರ್ಚೆಗಳಿಂದ ಶುರುವಾಗಿ, ಯುವಕನ ತೊಡೆ ಮೇಲೆ ಹಾವಿದ್ದದ್ದನ್ನು ನೋಡಿಯೂ ಪ್ರಯಾಣಿಕರು ಆತನ ಪಕ್ಕ ಯಾವ ಧೈರ್ಯದ ಮೇಲೆ ಕುಳಿತಿದ್ದರು? ಇದರ ಹಿಂದಿನ ಮರ್ಮವೇನು? ಎಂದು ಚರ್ಚೆ ನಡೆಯುತ್ತಲೇ ಇದೆ.

Back to Top