ಲೇಬಲ್‌ ಓದದೇ ಮುಖಕ್ಕೆ ಪೇಂಟ್‌ ಮೆತ್ತಿಕೊಂಡ ಹುಡುಗಿ

Team Udayavani, Sep 16, 2017, 3:50 AM IST

ಜೀವನದಲ್ಲಿ ಮುಖ್ಯವಾಗಿ ಕಲಿಯಬೇಕಿರುವ ಪಾಠವೊಂದಿದೆ. ಅದೇನೆಂದರೆ, “ಬಳಸುವ ಮುನ್ನ ಲೇಬಲ್‌ ಸಂಪೂರ್ಣವಾಗಿ ಓದಿ’. ಇದನ್ಯಾಕೆ ಹೇಳುತ್ತಿದ್ದೇವೆ ಎಂದರೆ ಅಮೆರಿಕದ ಲೀಹ್‌ ಎಂಬ ಹುಡುಗಿ ಮುಖದ ತುಂಬಾ ಪಾಲ್ಮರ್‌ ಬಣ್ಣ ಬಳಿದುಕೊಂಡಿದ್ದಾಳೆ. ಎಷ್ಟೇ ತೊಳೆದರೂ ಅದು ಹೋಗುತ್ತಿಲ್ಲ.

ನಾಟಕಗಳ ಪೋಸ್ಟರ್‌, ಕಲಾ ತರಗತಿಗಳಲ್ಲಿ ಬಳಸಲೆಂದೇ ಪಾಲ್ಮರ್‌ ಕಂಪನಿಯ “ಗ್ಲಿಟರ್‌ ಪೋಸ್ಟರ್‌ ಪೇಂಟ್‌’ ಎಂಬ ಬಣ್ಣ ತಯಾರಿಸುತ್ತದೆ. ಇದರ ಲೇಬಲ್‌ನಲ್ಲಿ “ವಾಶೆಬಲ್‌ ‘(ತೊಳೆಯಬಹುದು) ಎಂದಿದೆ. ಜೊತೆಗೆ ಪೇಯಿಂಟಿಂಗ್‌ ಮಾಡುವಾಗ ಮೈಮೇಲೆ ಚೂರು ಬಣ್ಣ ತಾಕಿದರೆ, ನೀರಿನಲ್ಲಿ ತೊಳೆದಾಗ ಹೋಗುತ್ತದೆ ಎಂದಿದೆ. ಆದರೆ ಈ ಹುಡುಗಿ ಇದನ್ನು ಸಂರ್ಪೂಣವಾಗಿ ಓದದೇ ಮುಖಕ್ಕೆ ಮೆತ್ತಿಕೊಂಡಿದ್ದಾಳೆ. ಈಗ ಕಂಪನಿ ಮೇಲೆ ಕೋರ್ಟ್‌ ಮೆಟ್ಟಿಲೇರುತ್ತೇನೆ ಎನ್ನುತ್ತಿದ್ದಾಳೆ.