ಬಿಸ್ಕಿಟ್‌ ತಿನ್ನಲು ಹೋಗಿ ಡಬ್ಬದೊಳಗೆ ಮುಖ ಸಿಕ್ಕಿಸಿಕೊಂಡಿತು

Team Udayavani, Sep 17, 2017, 5:01 AM IST

ಮನೆಯಲ್ಲಿರುವ ನಾಯಿಗಳಿಗೆ ನೀವು ಎಷ್ಟೇ ಉತ್ತಮ ಆಹಾರ ನೀಡಿ, ಆದರೂ ಅವು ಕುರುಕಲು ತಿಂಡಿಗಾಗಿ ಹುಡುಕಾಡುವುದನ್ನು ಬಿಡುವುದಿಲ್ಲ. ಅಮೆರಿಕದಲ್ಲಿ ಶಿಹುವಹುವ ತಳಿಯ ನಾಯಿಯೊಂದು ಹೀಗೆ ಕುರುಕಲು ತಿಂಡಿಗಾಗಿ ಹುಡುಕಾಡಿ ಗಾಜಿನ ಬಿಸ್ಕಿಟ್‌ ಜಾರ್‌ನೊಳಗೆ ಮುಖ ಹುದುಗಿಸಿಕೊಂಡಿತ್ತು.

ಇದನ್ನು ನೋಡಿ ಕಣ್ಣೀರಿನ ಧಾರೆಯನ್ನೇ ಹರಿಸಿದ ಅದರ ಯಜಮಾನ ಅದರ ಮುಖ ಹೊರತೆರೆಯಲು ಪ್ರಯತ್ನಪಟ್ಟರು. ಆಗದೇ ಇದ್ದಾಗ ಅಗ್ನಿ ಶಾಮಕ ದಳಕ್ಕೆ ಕರೆ ಮಾಡಿ ತನ್ನ ನಾಯಿಯನ್ನು ಉಳಿಸಿಕೊಡಲು ಕೇಳಿಕೊಂಡರು. ಕಡೆಗೆ ಅಗ್ನಿ ಶಾಮಕ ದಳದ ಪ್ರಾಣಿ ರಕ್ಷಣ ತಜ್ಞ ಆಂಟಾಂನ್‌ ಫಿಲಿಪ್ಸ್‌ರನ್ನು ನಾಯಿಯ ಚರ್ಮವನ್ನು ಹಿಂದಕ್ಕೆ ಸರಿಸುತ್ತಾ ಅದರ ಮುಖವನ್ನು ಸುಲಭವಾಗಿ ಜಾರಿಯಿಂದ ತೆಗೆದರು.