ಮಾಲೀಕಳ ಧ್ವನಿ ಅನುಕರಿಸಿ ಗಿಣಿ ಮಾಡಿತು ಆನ್ಲೈನ್ ಶಾಪಿಂಗ್
Team Udayavani, Sep 22, 2017, 4:02 AM IST
ಈಗಿನ ಕಾಲದಲ್ಲಿ ಮಾನವ ಮಾತ್ರ ತಂತ್ರಜ್ಞಾನಕ್ಕೆ ಒಗ್ಗಿ ಹೋಗಿಲ್ಲ. ಪ್ರಾಣಿ ಪಕ್ಷಿಗಳೂ ತಂತ್ರಜ್ಞಾನ ಬಳಸುವಂತಾಗಿವೆ.ಇದಕ್ಕೆ ಸಾಕ್ಷಿ ಲಂಡನ್ನ ಸಾಕು ಗಿಣಿ “ಬಡ್ಡಿ’ ಅಮೆಜಾನ್ನಲ್ಲಿ ಅಲೆಕ್ಸಾ ವಾಯ್ಸ ಕಂಟ್ರೋಲ್ ವ್ಯವಸ್ಥೆ ಬಳಸಿ ಆನ್ಲೈನ್ ಶಾಪಿಂಗ್ ಮಾಡಿದೆ. ಅಷ್ಟಲ್ಲದೇ ತಾನು ಶಾಪಿಂಗ್ ಮಾಡಿದ ವಸ್ತುವನ್ನು ಚಿನ್ನದ ಬಣ್ಣದ ಬಾಕ್ಸ್ನಲ್ಲಿ ಗಿಫ್ಟ್ ಪ್ಯಾಕ್ ಮಾಡಿಸಿದೆ.
ಈ ಸುದ್ದಿಯನ್ನು ಲಂಡನ್ ಸುದ್ದಿ ವೆಬ್ಸೈಟ್ ಒಂದು ವರದಿ ಮಾಡಿದೆ. ಗಿಣಿ ವಾಯ್ಸ ಕಂಟ್ರೋಲ್ಡ್ ಸ್ಮಾರ್ಟ್ ಸ್ಪೀಕರ್ ಬಳಸಿ 10 ಪೌಂಡ್(880 ರೂ.)ಗೆ ಶಾಪಿಂಗ್ ಮಾಡಿದೆ. ಅದು ಶಾಪಿಂಗ್ ಮಾಡಲು ತನ್ನ ಯಜಮಾನಿಯ ಧ್ವನಿಯನ್ನು ಚಾಚೂ ತಪ್ಪದೇ ಅನುಕರಣೆ ಮಾಡಿದೆ.
ಅಮೆಜಾನ್ನಲ್ಲಿ ವಾಯ್ಸ ಸಂದೇಶದ ಮೂಲಕ ವಸ್ತುಗಳನ್ನು ಆರ್ಡರ್ ಮಾಡಬಹುದು. ಬಡ್ಡಿ “ಅಲೆಕ್ಸಾ’ ಎಂದು ಹೇಳಿದೆ, ಅಮೆಜಾನ್ ನಿಮ್ಮ ಆರ್ಡರನ್ನು ಧೃಡೀಕರಿಸುತ್ತೀರಾ ಎಂದು ಕೇಳುತ್ತದೆ. ಆಗ ಗ್ರಾಹಕರು “ಯೆಸ್’ ಎನ್ನಬೇಕು, ಆಗಲೂ ಬಡ್ಡಿ “ಎಸ್’ ಎಂದು ದೃಢೀಕರಿಸಿದೆ ಎಂದು ಅಮೆಜಾನ್ ಸಿಬ್ಬಂದಿ ಹೇಳಿದ್ದಾರೆ.