ಚೀನಾದ ಗಾಜಿನ ಸೇತುವೆಯಲ್ಲಿ ಬಿರುಕು!

Team Udayavani, Oct 11, 2017, 4:28 AM IST

ಚೀನಾದ ಹ್ಯುಬೀಯ 3,800 ಅಡಿ ಎತ್ತರದ ಗಾಜಿನ ಸೇತುವೆಯಲ್ಲಿ ಓಡಾಡುವುದು ಈಗ ಸುರಕ್ಷಿತವಲ್ಲ. ಏಕೆಂದರೆ ನೀವು ಸೇತುವೆ ಮೇಲೆ ಕಾಲಿಡುತ್ತಿದ್ದಂತೆ ಸೇತುವೆ ಬಿರುಕು ಬಿಡಲು ಆರಂಭಿಸುತ್ತದೆ. ಸಂಪೂರ್ಣ ಸುರಕ್ಷಿತ ಎಂದು ನಂಬಿಸಲಾಗಿದ್ದ ಸೇತುವೆ ಕಥೆ ಇಷ್ಟೇನಾ ಎಂದು ನೀವು ಮೂಗು ಮುರಿಯುತ್ತಿದ್ದೀರಾ?

ಖಂಡಿತಾ ಸೇತುವೆಗೆ ಏನೂ ಆಗಿಲ್ಲ. ಚೀನಾದ ಪ್ರಮುಖ ಗಾಜಿನ ಸೇತುವೆಯಲ್ಲಿ ಸಂದರ್ಶಕರನ್ನು ಚಕಿತಗೊಳಿಸಲು(ಬೆಚ್ಚಿ ಬೀಳಿಸಲು) ಹೊಸ ವೈಶಿಷ್ಟéವನ್ನು ಪರಿಚಯಿಸಲಾಗಿದೆ. ಅದೇನೆಂದರೆ ಸೇತುವೆ ಅಂತ್ಯ ಭಾಗದಲ್ಲಿ ಜನರು ಸೇತುವೆ ಮೇಲೆ ಕಾಲಿಡುತ್ತಿದ್ದಂತೆ ಗಾಜು ಮುರಿಯುತ್ತಿರುವಂತೆ ಕಾಣುತ್ತದೆ. ಶಬ್ದ ಕೂಡಾ ತೀರಾ ನೈಜವಾಗಿರುವುದರಿಂದ ಜನ ಪ್ರಾಣ ಭಯದಿಂದ ಕೂಗಿಕೊಳ್ಳಲು ಆರಂಭಿಸುತ್ತಾರೆ.