CONNECT WITH US  
Please Select Your Default Edition         ಕರ್ನಾಟಕ ಆವೃತ್ತಿ    |     ಕರಾವಳಿ ಆವೃತ್ತಿ     |     English Edition

ನೆಟ್‌ಫ್ಲಿಕ್ಸ್‌ ಡೀಲ್‌: ದಂಗಲ್‌ ಹಿಂದಿಕ್ಕಿದ ಬಾಹುಬಲಿಗೆ 25.5 ಕೋಟಿ

ಹೊಸದಿಲ್ಲಿ : ಎಸ್‌ ಎಸ್‌ ರಾಜಮೌಳಿ ಅವರ ಬೃಹತ್‌ ಬ್ಲಾಕ್‌ ಬಸ್ಟರ್‌ ಸಿನೇಮಾ ಎಂದೇ ವಿಶ್ವಖ್ಯಾತಿ ಪಡೆದಿರುವ "ಬಾಹುಬಲಿ-2' ಚಿತ್ರ ಅನೇಕ ದಾಖಲೆಗಳನ್ನು ಮುರಿದಿದೆಯಲ್ಲದೆ ಹಲವಾರು ಹೊಸ ದಾಖಲೆಗಳನ್ನು ಬರೆದಿದೆ. 

ಪ್ರಭಾಸ್‌ ನಟನೆಯ ಬಾಹುಬಲಿ-2 ಚಿತ್ರ ಭಾರತೀಯ ಚಿತ್ರರಂಗದ ಈ ವರೆಗಿನ ಇತಿಹಾಸದ ಅತ್ಯಂತ ಮಹೋನ್ನತ ಚಿತ್ರರತ್ನವೆನಿಸಿದ್ದು ಇದರ ಬಾಕ್ಸ್‌ ಆಫೀಸ್‌ ಗಳಿಕೆ ಭಾರತೀಯ ಚಿತ್ರದ ವಿಶ್ವ ದಾಖಲೆಯೇ ಆಗಿದೆ. 

ಆಮಿರ್‌ ಖಾನ್‌ ಅವರ ದಂಗಲ್‌ ಚಿತ್ರ ಮಾತ್ರವೇ ಬಾಹುಬಲಿಗೆ ಸೆಡ್ಡು ಹೊಡೆದು ನಿಂತಿದ್ದ ಚಿತ್ರವಾಗಿತ್ತು. ಆದರೂ ಬಾಹುಬಲಿ-2 ಚಿತ್ರದ ಸ್ಟ್ರೀಮಿಂಗ್‌ ಹಕ್ಕನ್ನು 25.5 ಕೋಟಿ ರೂ.ಗೆ ಪಡೆದಿರುವ ನೆಟ್‌ಫ್ಲಿಕ್ಸ್‌ ಡೀಲ್‌ನಲ್ಲಿ ದಂಗಲ್‌ ಚಿತ್ರ ಹಿಂದೆ ಬಿದ್ದಿರುವುದಾಗಿ ಬಾಲಿವುಡ್‌ ಲೈಫ್ ಡಾಟ್‌ ಕಾಮ್‌ ವರದಿ ಮಾಡಿದೆ.

ನೆಟ್‌ಫ್ಲಿಕ್ಸ್‌ ಡೀಲ್‌ನಲ್ಲಿ ಆಮಿರ್‌ ಖಾನ್‌ ಅವರ ದಂಗಲ್‌ ಚಿತ್ರದ ಸ್ಟ್ರೀಮಿಂಗ್‌ ಹಕ್ಕು 20 ಕೋಟಿಗೆ ಸೇಲಾಗಿತ್ತು. ಬಾಹುಬಲಿ-2 ಚಿತ್ರ ಇದನ್ನು ಮೀರಿ 25.5 ಕೋಟಿ ರೂ. ಸ್ಟ್ರೀಮಿಂಗ್‌ ಹಕ್ಕು ಮಾರಾಟ ಸಂಪಾದನೆಯನ್ನು ದಾಖಲಿಸಿದೆ.

Back to Top