ಜಿಎಸ್‌ಟಿ ಸಾಧಕ-ಬಾಧಕ ಆತಂಕ: ಮುಂಬಯಿ ಶೇರು 140 ಅಂಕ ಕುಸಿತ

Team Udayavani, Jun 23, 2017, 11:56 AM IST

ಮುಂಬಯಿ : ಏಶ್ಯನ್‌ ಶೇರು ಪೇಟೆಗಳಲ್ಲಿ ಮಿಶ್ರ ಪ್ರತಿಕ್ರಿಯೆ ತೋರಿ ಬಂದ ಹಿನ್ನೆಲೆಯಲ್ಲಿ  ಹಾಗೂ ಇದೇ ಜುಲೈ 1ರಿಂದ ಜಿಎಸ್‌ಟಿ ಜಾರಿಗೆ ಬರಲಿದ್ದು ಅದರ ಸಾಧಕ-ಬಾಧಕಗಳ ಬಗೆಗಿನ ಕಳವಳದಿಂದಾಗಿ, ಲಾಭ ನಗದೀಕರಣಕ್ಕೆ ಹೂಡಿಕೆದಾರರು ಮುಂದಾದ ಕಾರಣ ಮುಂಬಯಿ ಶೇರು ಪೇಟೆಯ ಸೆನ್ಸೆಕ್ಸ್‌ ಸೂಚ್ಯಂಕ ಇಂದು ಮಧ್ಯಾಹ್ನ  12 ಗಂಟೆಯ ಹೊತ್ತಿಗೆ 140.48 ಅಂಕಗಳ ನಷ್ಟಕ್ಕೆ ಗುರಿಯಾಗಿ 31,150.26 ಅಂಕಗಳ ಮಟ್ಟದಲ್ಲಿ ವ್ಯವಹಾರ ನಿರತವಾಗಿತ್ತು.

ರಾಷ್ಟ್ರೀಯ ಶೇರು ಮಾರುಕಟ್ಟೆಯ ನಿಫ್ಟಿ ಸೂಚ್ಯಂಕ 57.15 ಅಂಕಗಳ ನಷ್ಟಕ್ಕೆ ಗುರಿಯಗಿ 9,572.85 ಅಂಕಗಳ ಮಟ್ಟದಲ್ಲಿ ವ್ಯವಹಾರ ನಿರತವಾಗಿತ್ತು.

ಬೆಳಗ್ಗಿನ ವಹಿವಾಟಿನಲ್ಲಿ ಪವರ್‌ ಗ್ರಿಡ್‌, ಎನ್‌ಟಿಪಿಸಿ, ವಿಪ್ರೋ, ರಿಲಯನ್ಸ, ಇಂಡಸ್‌ ಇಂಡ್‌ ಬ್ಯಾಂಕ್‌ ಟಾಪ್‌ ಗೇನರ್‌ ಎನಿಸಿದವು. 

ಬ್ಯಾಂಕ್‌ ಆಫ್ ಬರೋಡ, ಗೇಲ್‌, ಎಸ್‌ಬಿಐ, ಟಾಟಾ ಮೋಟರ್‌, ಬಾಶ್‌ ಟಾಪ್‌ ಲೂಸರ್‌ ಎನಿಸಿದವು.