ದುಬೈ ವಿಮಾನದಲ್ಲಿ 7 ಕೆ.ಜಿ ಅಕ್ರಮ ಚಿನ್ನಸಾಗಾಟ;ಸಿಬಂದಿಗಳು ಶಾಮೀಲು?
Team Udayavani, Jul 25, 2017, 4:09 PM IST
ಮಂಗಳೂರು: ಇಲ್ಲಿನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಮಂಗಳವಾರ ಬೆಳಗ್ಗೆ ದುಬೈನಿಂದ ಬಂದಿಳಿದ ವಿಮಾನದಲ್ಲಿ ಅಕ್ರಮವಾಗಿ ಸಾಗಾಟ ಮಾಡುತ್ತಿದ್ದ ಸುಮಾರು 7 ಕೆ.ಜಿಯಷ್ಟು ಚಿನ್ನವನ್ನು ಕಂದಾಯ ಗುಪ್ತಚರ ನಿರ್ದೇಶನಾಲಯ ಅಧಿಕಾರಿಗಳು ವಶಕ್ಕೆ ಪಡೆದಿರುವ ಬಗ್ಗೆ ವರದಿಯಾಗಿದೆ. ವಿಮಾನ ಸಂಸ್ಥೆಯ ಇಂಜಿನಿಯರ್ ಈ ಕೃತ್ಯದಲ್ಲಿ ಶಾಮಿಲಾಗಿದ್ದಾರೆ ಎಂದು ಹೇಳಲಾಗಿದ್ದು, ಈ ಹಿಂದೆ ಪತ್ತೆಯಾಗಿದ್ದ ಚಿನ್ನ ಸಾಗಾಣಿಕೆಯಲ್ಲೂ ಇವರ ಪಾತ್ರವಿದೆ ಎನ್ನಲಾಗಿದೆ.
ಈ ಬಗ್ಗೆ ಅಧಿಕಾರಿಗಳು ತನಿಖೆ ಮುಂದುವರಿಸಿದ್ದಾರೆ.