ಜಾನುವಾರುಗಳಿಗೂ ಆಧಾರ್‌ ಸಂಖ್ಯೆ?

Team Udayavani, Apr 25, 2017, 3:45 AM IST

ನವದೆಹಲಿ: ದೇಶಾದ್ಯಂತ ಇರುವ ಪ್ರತಿ ಹಸು ಮತ್ತು ಅದರ ಸಂತತಿಗೆ “ವಿಶಿಷ್ಟ ಗುರುಧಿತಿನ ಸಂಖ್ಯೆ’ಯನ್ನು ಕಡ್ಡಾಯಗೊಳಿಸಬೇಕು ಎಂದು ಕೇಂದ್ರ ಸರ್ಕಾರ ಸೋಮವಾರ ಸುಪ್ರೀಂ ಕೋರ್ಟ್‌ಗೆ ತಿಳಿಸಿದೆ.

ಭಾರತ-ಬಾಂಗ್ಲಾ ಗಡಿ ಮೂಲಕ ನಡೆಯುವ ಹಸುಗಳ ಕಳ್ಳಸಾಗಣೆ ತಡೆಯುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಳ್ಳಬೇಕಿದೆ ಎಂದಿ ರುವ ಸರ್ಕಾರ, ಗೃಹ ಸಚಿವಾಲಯದ ಜಂಟಿ ಕಾರ್ಯದರ್ಶಿಗಳ ನೇತೃತ್ವದಲ್ಲಿ ರಚಿಸಿ ದ್ದ ಸಮಿತಿಯ ವರದಿಯನ್ನು ಕೋರ್ಟ್‌ಗೆ  ಒಪ್ಪಿ ಸಿದೆ. ಹಸುಗಳ ಕಳ್ಳಸಾಗಣೆ ತಡೆಯಲು ತುರ್ತು ಕ್ರಮ ಕೈಗೊಳ್ಳುವ ಇಂಗಿತ ವ್ಯಕ್ತಪಡಿ ಸಿರುವ ಕೇಂದ್ರ, ಈ ನಿಟ್ಟಿನಲ್ಲಿ ಪ್ರತಿ ಜಿಲ್ಲೆ ಯಲ್ಲೂ ಕನಿಷ್ಠ 500 ಹಸುಗಳ ವಾಸಕ್ಕೆ ಅಗತ್ಯ ವಿರುವ ಗೋಶಾಲೆ ನಿರ್ಮಿಸಿ, ಬಿಡಾಡಿ (ನಿರಾಶ್ರಿತ) ದನಗಳ ಸುರಕ್ಷತೆಗೆ ಆದ್ಯತೆ ನೀಡ ಬೇಕು. ಅಲ್ಲದೆ, “ಬಿಡಾಡಿ ದನಗಳನ್ನು ಪೋಷಿಸುವ ಜವಾಬ್ದಾರಿ ಆಯಾ ರಾಜ್ಯ ಸರ್ಕಾರಗಳದ್ದಾಗಿದೆ,’ ಎಂದು ತಿಳಿಸಿದೆ.

ಹಾಲು ನೀಡದ, ವಯಸ್ಸಾದ ಹಸುಗಳ ಬಗ್ಗೆಯೂ ವಿಶೇಷ ಕಾಳಜಿ ತೋರಿರುವ ಕೇಂದ್ರ, ಸಂಕಷ್ಟದಲ್ಲಿರುವ ಕೃಷಿಕರ ಸ್ಥಿತಿಗತಿ ಸುಧಾರಿಸಲು ವಿಶೇಷ ಯೋಜನೆ ಜಾರಿಧಿಗೊಳಿಸುವ ಸೂಚನೆ ನೀಡಿದೆ. ಜಾನುವಾ ರುಗಳಿಗೆ ಗುರುತಿನ ಸಂಖ್ಯೆ ನೀಡುವ ಕುರಿತು ಕೇಂದ್ರ ಈ ವರ್ಷಾರಂಭಧಿದಲ್ಲೇ ಪ್ರಸ್ತಾಪಿಸಿತ್ತು.

ಸಂಖ್ಯೆ ಏನು, ಹೇಗೆ?: ಪ್ರಸ್ತುತ ನಾಗರಿಕರಿಗೆ ನೀಡಿರುವ ರೀತಿಯಲ್ಲೇ ಜಾನುವಾರುಗಳಿಗೂ ವಿಶಿಷ್ಟ ಗುರುತು ಸಂಖ್ಯೆ ನೀಡಲಾಗುತ್ತದೆ. ಈ ಸಂಖ್ಯೆಯಲ್ಲಿ ಎಷ್ಟು ಅಂಕಿಗಳಿರಲಿವೆ ಎಂಬ ಬಗ್ಗೆ ಇನ್ನೂ ಸ್ಪಷ್ಟನೆ ಇಲ್ಲ. ಹೀಗೆ ನೀಡುವ ಸಂಖ್ಯೆಯನ್ನು ಲೋಹದ ಪಟ್ಟಿಯಲ್ಲಿ ಅಚ್ಚೊತ್ತಿ, ಅದನ್ನು ಜಾನುವಾರುಗಳ ಕಿವಿಗೆ ಹಾಕಲಾಗುತ್ತದೆ. ಇಲ್ಲವೇ ಬೆಲ್ಟ್ ರೀತಿಯ ಪಟ್ಟಿಯಲ್ಲಿ ಸಂಖ್ಯೆ ನಮೂದಿಸಿ, ಜಾನುವಾರು ಗಳ ಕೊರಳಿಗೆ ಹಾಕಲೂಬಹುದು.