ಸಾರಿಗೆ ದಂಡವನ್ನು ಈಗಿನ್ನು ಡೆಬಿಟ್ ಕಾರ್ಡ್ ಮೂಲಕ ಪಾವತಿಸಬಹುದು !
Team Udayavani, Jul 26, 2017, 5:51 PM IST
ಚೆನ್ನೈ : ಟ್ರಾಫಿಕ್ ಸಿಗ್ನಲ್ ಉಲ್ಲಂಘನೆಗೈದುದಕ್ಕೆ ನಗದು ದಂಡನೆಗೊಳಗಾಗುವ ಮೋಟಾರು ವಾಹನ ಚಾಲಕರು ಈಗಿನ್ನು ದಂಡ ಮೊತ್ತವನ್ನು ತಮ್ಮ ಡೆಬಿಟ್ ಅಥವಾ ಕ್ರೆಡಿಟ್ ಕಾರ್ಡುಗಳ ಮೂಲಕ, ಪೊಲೀಸರ ಕೈಯಲ್ಲಿರುವ ಪಾಯಿಂಟ್ ಆಫ್ ಸೇಲ್ ಮಶೀನಗಳಲ್ಲಿ, ಪಾವತಿಸಬಹುದಾಗಿದೆ.
ಈ ಮೂಲಕ ಸರಕಾರ ನಗದು ರಹಿತ ವಹಿವಾಟು ಮತ್ತು ಪಾರದರ್ಶಕತೆಗೆ ಹೆಚ್ಚಿನ ಒತ್ತು ನೀಡಿದೆ.
ಸರಕಾರವೀಗ ಸಾರಿಗೆ ದಂಡ ಮೊತ್ತವನ್ನು ಸ್ಥಳದಲ್ಲೇ ನಗದು ರಹಿತವಾಗಿ ಮತ್ತು ಸಂಪೂರ್ಣ ಪಾರದರ್ಶಕತೆಯೊಂದಿಗೆ ಡೆಬಿಟ್/ಕ್ರೆಡಿಟ್ ಕಾರ್ಡ್ ಮೂಲಕ ಪಾವತಿಸುವುದಕ್ಕಾಗಿ ನೂರು ಪಿಓಎಸ್ ಮಶೀನ್ಗಳನ್ನು ಒದಗಿಸಿರುವುದಾಗಿ ನಗರ ಪೊಲೀಸ್ ಪ್ರಕಟನೆ ತಿಳಿಸಿದೆ.