ವಿಶಿಷ್ಟ ಪ್ರೇಮಿಗಳು : ಮದುವೆಗೆ ರೆಡಿ ಅನ್ಯಲಿಂಗಿ ಜೋಡಿ!
Team Udayavani, Aug 23, 2017, 9:05 AM IST
ಮುಂಬೈ: ಭಾರತದಲ್ಲಿ ಅನ್ಯಲಿಂಗೀಯರು ಉತ್ತಮ ಸಾಮಾಜಿಕ ಜೀವನ ನಡೆಸುವುದು ಈಗಲೂ ದುಸ್ತರವಾಗಿದೆ. ಇನ್ನು ಮದುವೆಯಾಗಿ ಮಕ್ಕಳನ್ನು ಪಡೆದು ಸಂಸಾರ ಹೊಂದುವುದು ದೂರದ ಮಾತೇ ಸರಿ. ಅಂತಹುದರಲ್ಲಿ ಇಲ್ಲೊಂದು ಅನ್ಯಲಿಂಗಿ ಜೋಡಿಗೆ ಲಿಂಗ ಬದಲಾವಣೆಯ ಕೇಂದ್ರದಲ್ಲೇ ಪ್ರೇಮ ಅಂಕುರಿಸಿ, ಇದೀಗ ಮದುವೆಯಾಗುವ ಹಂತಕ್ಕೆ ತಲುಪಿದ್ದಾರೆ. ಹೆಣ್ಣಾಗಿ ಹುಟ್ಟಿ ಈಗ ಗಂಡಾಗಿ ಲಿಂಗಾಂತರಗೊಂಡಿರುವ ಆರವ್ ಅಪ್ಪುಕುಟ್ಟನ್ (46) ಮತ್ತು ಗಂಡಾಗಿ ಹುಟ್ಟಿ ಹೆಣ್ಣಾಗಿ ಲಿಂಗ ಬದಲಿಸಿಕೊಂಡಿರುವ ಸುಕನ್ಯಾ ಕೃಷ್ಣ (21) ಪರಸ್ಪರ ಪ್ರೀತಿಸಿ ಮದುವೆಯಾಗಲಿಚ್ಛಿಸುತ್ತಿರುವ ಜೋಡಿ.
ಇಬ್ಬರೂ ಮುಂಬೈನ ಲಿಂಗ ಪರಿವರ್ತನಾ ಕೇಂದ್ರದಲ್ಲಿ ಭೇಟಿಯಾಗಿದ್ದರು. ಬಳಿಕ ಇವರು ಪರಸ್ಪರ ಬಹಳ ಹತ್ತಿರವಾದರು. ಈಗ ಜೀವನ ಪರ್ಯಂತ ಒಟ್ಟಿಗೇ ಬಾಳಲು ನಿರ್ಧರಿಸಿದ್ದಾರೆ. ಬಂಧುಗಳ ಸಮ್ಮುಖದಲ್ಲಿ ನ್ಯಾಯಸಮ್ಮತವಾಗಿ ಮದುವೆಯಾಗುವ ಆಸೆ ಹೊಂದಿದ್ದಾರೆ. ‘ತಮ್ಮ ಲಿಂಗಗಳ ಕುರಿತ ಸರ್ಕಾರದ ಅಧಿಕೃತ ದಾಖಲೆಗಾಗಿ ನಾವು ಕಾಯುತ್ತಿದ್ದೇವೆ. ದಾಖಲೆ ಕೈ ಸೇರಿದರೆ ಮದುವೆಯಾಗಲು ನಮಗೆ ಯಾವುದೇ ಅಡ್ಡಿಯಿರುವುದಿಲ್ಲ. ಆದರೆ ಸಮಾಜ ನಮ್ಮ ಮದುವೆಯನ್ನು ಹೇಗೆ ಸ್ವೀಕರಿಸುತ್ತದೋ ಎಂಬ ಭಯ ಇದೆ’ ಎನ್ನುತ್ತಾರೆ ಆರವ್. ಮದುವೆಯಾದ ಬಳಿಕ ಮಗುವನ್ನು ದತ್ತು ತೆಗೆದುಕೊಂಡು ಸಂಪೂರ್ಣ ಸಂಸಾರ ಹೊಂದುವ ಇಂಗಿತವೂ ಈ ಜೋಡಿಗಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Lok Sabha Poll 2024: ಪ್ರಧಾನಿ ಮೋದಿ ಕ್ಯಾಬಿನೆಟ್ ಗೆ RLJP ಮುಖಂಡ ಪರಾಸ್ ರಾಜೀನಾಮೆ
ಮಗಳ ಸಾವಿಗೆ ನೀವೇ ಕಾರಣವೆಂದು ಗಂಡನ ಮನೆಗೆ ಬೆಂಕಿಯಿಟ್ಟ ಕುಟುಂಬಸ್ಥರು: ಅತ್ತೆ – ಮಾವ ಮೃತ್ಯು
ಉಚಿತವಾಗಿ ಕೆಲಸಕ್ಕೆ ಬರಲು ನಿರಾಕರಿಸಿದ್ದಕ್ಕೆ ಕಾರ್ಮಿಕರ ಗುಡಿಸಲಿಗೆ ಬೆಂಕಿಯಿಟ್ಟ ವ್ಯಕ್ತಿ
AI; ನಿಮ್ಮ ಮಕ್ಕಳ ‘ಧ್ವನಿ’ ಕೇಳಿ ಮೋಸ ಹೋಗದಿರಿ ಜೋಕೆ!
Lok Sabha ಅಖಾಡಕ್ಕೆ ಲಾಲು ಪ್ರಸಾದ್ ಪುತ್ರಿ ಡಾ| ರೋಹಿಣಿ ಹೆಜ್ಜೆ