Readers’ Recipe : ಗೋಬಿ ಪಕೋಡ

Team Udayavani, Apr 17, 2017, 11:45 PM IST

ಬೇಕಾಗುವ ಸಾಮಗ್ರಿಗಳು
ಕಾಲಿಫ್ಲವರ್‌ ಹೂಗೊಂಚಲು – ಒಂದು ಕಪ್‌ 
ಕಡ್ಲೆ ಹಿಟ್ಟು – ಒಂದು ಕಪ್‌ 
ಕಾಯಿಮೆಣಸು – ಎರಡು 
ಕೆಂಪು ಮೆಣಸಿನ ಪುಡಿ – ಒಂದು ಟೀ ಚಮಚ
ಅಜವಾನ- ಒಂದು ಟೀ ಚಮಚ
ಗರಂ ಮಸಾಲಾ – ಒಂದು ಟೀ ಚಮಚ
ಅಡುಗೆ ಸೋಡಾ – ಒಂದು ಚಿಟಿಕೆ
ಉಪ್ಪು- ರುಚಿಗೆ ತಕ್ಕಷ್ಟು
ಎಣ್ಣೆ – ಒಂದು ಕಪ್‌ 
ನೀರು – ಒಂದು ಕಪ್‌ 

ಮಾಡುವ ವಿಧಾನ
ಆರಂಭದಲ್ಲಿ ಕಡ್ಲೆಹಿಟ್ಟಿಗೆ ನೀರನ್ನು ಬೆರೆಸಿ ಅರೆದಪ್ಪವಾದ ಹಿಟ್ಟನ್ನು ಸಿದ್ಧಪಡಿಸಿಟ್ಟುಕೊಳ್ಳಿ.

ಈ ಹಿಟ್ಟಿನಲ್ಲಿ ಗಂಟುಗಳು ಉಂಟಾಗದಂತೆ ಅದನ್ನು ಚೆನ್ನಾಗಿ ಕಲಕಿರಿ.

ಅಜವಾನ, ಕೆಂಪು ಮೆಣಸಿನ ಪುಡಿ, ಉಪ್ಪು, ಅಡುಗೆ ಸೋಡಾ, ಕಾಯಿ ಮೆಣಸು, ಹಾಗೂ ಗರಂ ಮಸಾಲಾವನ್ನು ಇದಕ್ಕೆ ಸೇರಿಸಿರಿ.

ಇವೆಲ್ಲವನ್ನೂ ಚೆನ್ನಾಗಿ ಬೆರೆಸಿರಿ ಹಾಗೂ ಬಳಿಕ ಮಿಶ್ರಣವನ್ನು ಬದಿಗಿರಿಸಿರಿ.

ಈಗ ತವಾದಲ್ಲಿ ಎಣ್ಣೆಯನ್ನು ಬಿಸಿ ಮಾಡಿರಿ. ಎಣ್ಣೆ ಕುದಿಯುವಷ್ಟರ ಮಟ್ಟಿಗೆ ಬಿಸಿಯಾದ ಬಳಿಕ, ಕಾಲಿಫ್ಲವರ್‌ನ ಹೂಗಳನ್ನು ಹಿಟ್ಟಿನಲ್ಲಿ  ಹಾಕಿ, ಹಿಟ್ಟು ಅವುಗಳಿಗೆ ಲೇಪನಗೊಳ್ಳುವಂತೆ ಮಾಡಿರಿ.ಇನ್ನು ಹಿಟ್ಟು ಮೆತ್ತಿರುವ ಕಾಲಿಫ್ಲವರ್‌ ಹೂಗಳನ್ನು ಎಣ್ಣೆಯಲ್ಲಿ ಹಾಕಿರಿ. ಗೋಬಿ ಪಕೋಡವು ಹೊಂಬಣ್ಣಕ್ಕೆ ತಿರುಗುವವರೆಗೆ ಹಾಗೂ ಗರಿಗರಿಯಾಗಿ ಕಂಡುಬರುವಂತಾಗುವವರೆಗೆ ಪಕೋಡಾಗಳನ್ನು ಗಾಢವಾಗಿ ಕರಿಯಿರಿ.

– ಪ್ರಮೀಳಾ, ದೇರೆಬೈಲು