ಸಿರಿಯದ ಅಲ್ ಬಾಬ್ ಪಟ್ಟಣದಲ್ಲಿ ಆತ್ಮಾಹುತಿ ಬಾಂಬ್ ದಾಳಿ: 42 ಬಲಿ
Team Udayavani, Feb 24, 2017, 4:13 PM IST
ಬೇರೂತ್: ಸಿರಿಯದ ಅಲ್ ಬಾಬ್ ಪಟ್ಟಣದ ಹೊರ ಭಾಗದಲ್ಲಿ ಟರ್ಕಿ ಬೆಂಬಲಿತ ಬಂಡುಕೋರರ ಮೇಲೆ ಆತ್ಮಾಹುತಿ ಬಾಂಬರ್ ಓರ್ವ ನಡೆಸಿದ ಬಾಂಬ್ ದಾಳಿಗೆ 42 ಮಂದಿ ಬಲಿಯಾದರು. ಇದಕ್ಕೆ ಕೆಲವೇ ತಾಸು ಮುನ್ನ ಬಂಡುಕೋರರು ತಾವು ಅಲ್ ಬಾಬ್ ಪಟ್ಟಣವನ್ನು ಇಸ್ಲಾಮಿಕ್ ಉಗ್ರರಿಂದ ವಶಪಡಿಸಿಕೊಂಡಿರುವುದಾಗಿ ಹೇಳಿಕೊಂಡಿದ್ದರು.
ಅಲ್ ಬಾಬ್ ಪಟ್ಟಣದಿಂದ ಕೇವಲ ಎಂಟು ಕಿ.ಮೀ. ಈಶಾನ್ಯದಲ್ಲಿರುವ ಸೂಸಿಯಾನ್ ಗ್ರಾಮದಲ್ಲಿನ ಬಂಡುಕೋರರ ಕಮಾಂಡ್ ಸೆಂಟರ್ ಹೊರಭಾಗದಲ್ಲಿ ಆತ್ಮಾಹುತಿ ಬಾಂಬರ್, ಸ್ಫೋಟಕಗಳಿಂದ ತುಂಬಿದ್ದ ವಾಹನವನ್ನು ಸ್ಫೋಟಿಸಿ 42 ಮಂದಿಯನ್ನು ಬಲಿಪಡೆದ ಎಂದು ಸಿರಿಯದ ಮಾನವ ಹಕ್ಕುಗಳ ವಿಚಕ್ಷಣ ಕೇಂದ್ರ ಹೇಳಿದೆ.
ಆತ್ಮಾಹುತಿ ಬಾಂಬರ್ನ ಈ ದಾಳಿಯಲ್ಲಿ ಎರಡು ಕಮಾಂಡ್ ಪೋಸ್ಟ್ಗಳು ನಾಶವಾಗಿವೆ ಮತ್ತು ಭಾರೀ ಸಂಖ್ಯೆಯ ಹೋರಾಟಗಾರರನ್ನು ಗಂಭೀರವಾಗಿ ಗಾಯಗೊಳಿಸಿದೆ. ಮೃತರಲ್ಲಿ ಹೆಚ್ಚಿನವರು ಹೋರಾಟಗಾರರಾಗಿದ್ದಾರೆ.
ತತ್ಕ್ಷಣಕ್ಕೆ ಈ ದಾಳಿಯ ಹೊಣೆಯನ್ನು ಯಾರೂ ಹೊತ್ತಿಲ್ಲ; ಆದರೆ ದಾಳಿಯ ವೈಖರಿಯನ್ನು ನೋಡಿದಾಗ ಇದು ಐಸಿಸ್ ಉಗ್ರ ಸಂಘಟನೆಯದ್ದೇ ಕೃತ್ಯವೆನ್ನುವುದು ಸ್ಪಷ್ಟವಿದೆ ಎಂದು ಬ್ರಿಟನ್ ಮೂಲದ ವಿಚಕ್ಷಣ ಸಮೂಹ ಹೇಳಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Pak ಆತ್ಮಾಹುತಿ ದಾಳಿ: ಐವರು ಜಪಾನೀಯರು ಪಾರು
Israel – Iran: ಕ್ಷಿಪಣಿ ದಾಳಿಯ ಮೂಲಕ ಸೇಡು ತೀರಿಸಿಕೊಂಡ ಇಸ್ರೇಲ್; ಎಚ್ಚರಿಕೆ ನೀಡಿದ ಇರಾನ್
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ
ನನ್ನ ಪತ್ನಿಗೆ ಏನಾದರೂ ಆದರೆ…: ಸೇನಾ ಮುಖ್ಯಸ್ಥರಿಗೆ ಎಚ್ಚರಿಕೆ ನೀಡಿದ ಇಮ್ರಾನ್ ಖಾನ್
Heavy Rain: ಮರಳುಗಾಡು ದುಬೈನಲ್ಲಿ ಧಾರಾಕಾರ ಮಳೆ, ಪ್ರವಾಹ ಪರಿಸ್ಥಿತಿ-ಜನಜೀವನ ಅಸ್ತವ್ಯಸ್ತ