ಪಾಕ್ ಪುಂಡ ದೇಶವೆಂದು ಪರಿಗಣಿಸಿ: ಮಾಜಿ ಅಮೆರಿಕ ಸೆನೆಟರ್ ಪ್ರೆಸ್ಲರ್
Team Udayavani, Jul 21, 2017, 4:01 PM IST
ವಾಷಿಂಗ್ಟನ್ : “ಉತ್ತರ ಕೊರಿಯದಂತೆ ಪಾಕಿಸ್ಥಾನನ್ನು ಒಂದು ಪುಂಡ ದೇಶವೆಂದು ಅಮೆರಿಕ ಪರಿಗಣಿಸಬೇಕು ಮತ್ತು ಭಯೋತ್ಪಾದನೆ ವಿರುದ್ಧ ಹೋರಾಡಲು ಭಾರತದೊಂದಿಗೆ ಮಹಾ ಮೈತ್ರಿಕೂಟವನ್ನು ರೂಪಿಸಬೇಕು’ ಎಂದು ಅಮೆರಿಕದ ಮಾಜಿ ರಿಪಬ್ಲಿಕನ್ ಸೆನೆಟರ್ ಲ್ಯಾರಿ ಪ್ರೆಸ್ಲರ್ ಹೇಳಿದ್ದಾರೆ.
“ಭಯೋತ್ಪಾದನೆ ವಿರುದ್ಧ ತಾನು ಹೋರಾಡುವುದಾಗಿ ಹೇಳಿ ಅಮೆರಿಕದ ನೆರವು ಪಡೆದು ಅಮೆರಿಕಕ್ಕೇ ಮೋಸ ಮಾಡಿದ್ದಲ್ಲದೇ ಅಮೆರಿಕವನ್ನು ಪಾಕಿಸ್ಥಾನ ಬ್ಲಾಕ್ ಮೇಲ್ ಮಾಡಿದೆ. ಅಮೆರಿಕಕ್ಕೆ ಮಾರಕಪ್ರಾಯವೆನಿಸಿರುವ ಉಗ್ರರನ್ನು ಪಾಕಿಸ್ಥಾನ ಪೋಷಿಸಿ ಆಸರೆ, ಪ್ರೋತ್ಸಾಹ ನೀಡಿದೆ. ಆದುದರಿಂದ ಪಾಕಿಸ್ಥಾನವನ್ನು ಅಮೆರಿಕ ಪುಂಡ ದೇಶವೆಂದು ಪರಿಗಣಿಸಬೇಕು’ ಎಂದು ಪ್ರೆಸ್ಲರ್ ಹೇಳಿದರು.
“ಪಾಕಿಸ್ಥಾನ ಭಯೋತ್ಪಾದನೆಯ ವಿಷಯದಲ್ಲಿ ತನ್ನ ನೀತಿಯನ್ನು ಬದಲಾಯಿಸುವ ವರೆಗೂ ಅದನ್ನು ಭಯೋತ್ಪಾದಕ ದೇಶವೆಂದೇ ಅಮೆರಿಕ ಘೋಷಿಸಬೇಕು. ಈ ವಿಷಯದಲ್ಲಿ ನಾನು ಮಾತ್ರವಲ್ಲದೆ ಇತರ ಅನೇಕ ಪ್ರಮುಖ ವಿದೇಶಾಂಗ ನೀತಿ ಪರಿಣತರು ಇದೇ ರೀತಿಯ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ನಿಜಕ್ಕಾದರೆ 1992ರಷ್ಟು ಹಿಂದೆಯೇ ಮೊದಲ ಬುಶ್ ಆಡಳಿತೆ ಪಾಕಿಸ್ಥಾನವನ್ನು ಒಂದು ಭಯೋತ್ಪಾದಕ ದೇಶವೆಂದು ಘೋಷಿಸುವುದನ್ನು ಗಂಭೀರವಾಗಿ ಚಿಂತಿಸುತ್ತಿತ್ತು’ ಎಂದು ಪ್ರೆಸ್ಲರ್ ಹೇಳಿದರು.
ದಕ್ಷಿಣ ಡಕೋಟದ ಮಾಜಿ ಅಮೆರಿಕನ್ ಸೆನೆಟರ್ ಆಗಿರುವ 75ರ ಹರೆಯದ ಪ್ರಸ್ಲರ್ ಅವರು ‘Neighbours in Arms: An American Senator’s Quest for Disarmament in a Nuclear Subcontinent’ ಎಂಬ ತಮ್ಮ ಹೊಸ ಪುಸ್ತಕದಲ್ಲಿ ಪಾಕಿಸ್ಥಾನ ಕುರಿತಾದ ತಮ್ಮ ಖಚಿತ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Vijayapura; ಯತ್ನಾಳ್ ವಿರುದ್ಧ ಚುನಾವಣಾ ಆಯೋಗಕ್ಕೆ ದೂರು: ಶಿವಾನಂದ ಪಾಟೀಲ
Reliance Jio Profit; ರಿಲಯನ್ಸ್ ಜಿಯೊ ನಿವ್ವಳ ಲಾಭ ಶೇ 13ರಷ್ಟು ಹೆಚ್ಚಳ
Vijayapura; ಚುನಾವಣಾ ಬಾಂಡ್ ತನಿಖೆಯಾದರೆ ಮೋದಿ ಜೈಲಿಗೆ: ಎಂ.ಬಿ. ಪಾಟೀಲ್
Dharwad; ಕಾಂಗ್ರೆಸ್ ಬಂದ ಮೇಲೆ ಅಪರಾಧ ಪ್ರಕರಣಗಳ ಸಂಖ್ಯೆ ಹೆಚ್ಚಳ: ಸಚಿವ ಜೋಶಿ ಗಂಭೀರ ಆರೋಪ
Bridge Collapse: 8 ವರ್ಷಗಳಿಂದ ನಿರ್ಮಾಣವಾಗುತ್ತಿದ್ದ ಸೇತುವೆ ಕುಸಿತ… ತಪ್ಪಿದ ದುರಂತ