ಕೋಲ್ಕತಾ: ನಾಯಕ ಗೌತಮ್‌ ಗಂಭೀರ್‌ ಅವರ ಅರ್ಧಶತಕದಿಂದಾಗಿ ಕೋಲ್ಕತಾ ನೈಟ್‌ರೈಡರ್ ತಂಡವು ಐಪಿಎಲ್‌ನ ಬುಧವಾರದ ಪಂದ್ಯದಲ್ಲಿ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡವನ್ನು 8 ವಿಕೆಟ್‌ಗಳಿಂದ ಭರ್ಜರಿಯಾಗಿ ಸೋಲಿಸಿದೆ.



ಬಿಗು ದಾಳಿಯಿಂದಾಗಿ ಪಂಜಾಬ್‌ ಮೊತ್ತವನ್ನು 124 ರನ್ನಿಗೆ ನಿಯಂತ್ರಿಸಿದ್ದ ಕೋಲ್ಕತಾ ತಂಡವು ಆಬಳಿಕ ಗಂಭೀರ್‌ ಅವರ ತಾಳ್ಮೆಯ ಆಟದಿಂದಾಗಿ 16.3 ಓವರ್‌ಗಳಲ್ಲಿ ಎರಡು ವಿಕೆಟ್‌ ನಷ್ಟದಲ್ಲಿ ಗುರಿ ತಲಪಿತು. ಈ ಜಯದಿಂದ ಕೋಲ್ಕತಾ ಆರು ಅಂಕಗಳೊಂದಿಗೆ ಅಂಕಪಟ್ಟಿಯಲ್ಲಿ ಮೂರನೇ ಸ್ಥಾನಕ್ಕೇರಿತು.



ಗಿಲ್‌ಕ್ರಿಸ್ಟ್‌ ಲಯ ಕಂಡುಕೊಂಡ ಹೊತ್ತಿನಲ್ಲೇ ಸ್ನಾಯು ಸೆಳೆತಕ್ಕೊಳಗಾಗಿ ಕ್ರೀಸ್‌ ತೊರೆಯುವ ಅನಿವಾರ್ಯತೆಗೆ ಸಿಲುಕಿದರು. ಆಗ ಪಂಜಾಬ್‌ 5.5 ಓವರ್‌ಗಳಲ್ಲಿ 44 ರನ್‌ ಮಾಡಿತ್ತು. ಗಿಲ್ಲಿ 23 ಎಸೆತಗಳಿಂದ 28 ರನ್‌ ಗಳಿಸಿದ್ದರು. ಹೊಡೆದದ್ದು 3 ಬೌಂಡರಿ. ಕೊನೆ ಹಂತದಲ್ಲಿ ಮತ್ತೆ ಕ್ರೀಸಿಗೆ ಆಗಮಿಸಿದ ಗಿಲ್‌ಕ್ರಿಸ್ಟ್‌ ಕೊನೆಗೆ 40 ರನ್‌ ಗಳಿಸಿ ಅಜೇಯರಾಗಿ ಉಳಿದರು. ಈ ವೇಳೆ ಒಂದು ಸಿಕ್ಸರ್‌ ಬಾರಿಸಿದರು.



ಶಾನ್‌ ಮಾರ್ಷ್‌ ಬಿರುಸಿನ ಬ್ಯಾಟಿಂಗ್‌ ಪ್ರದರ್ಶಿಸಿದರೂ ಬ್ರೆಟ್‌ ಲೀ ಅದಕ್ಕೆ ಕಡಿವಾಣ ಹಾಕುವಲ್ಲಿ ಯಶಸ್ವಿಯಾದರು. 30 ಎಸೆತ ಎದುರಿಸಿದ ಮಾರ್ಷ್‌ 33 Ãನ್‌ ಹೊಡೆದರು. 4 ಬೌಂಡರಿ ಬಾರಿಸಿದ್ದರು. ಅವರನ್ನು ಹೊರತುಪಡಿಸಿದರೆ ಡೇವಿಡ್‌ ಹಸ್ಸಿ, ಮನ್‌ದೀಪ್‌ ಸಿಂಗ್‌, ಡಿಮಿಟ್ರಿ ಮಸ್ಕರೇನಸ್‌ ನಿರಾಶೆ ಮೂಡಿಸಿದರು.



ಬ್ರೆಟ್‌ ಲೀ ಮತ್ತು ಸುನಿಲ್‌ ನಾರಾಯಣ್‌ ತಲಾ ಎರಡು ವಿಕೆಟ್‌ ಪಡೆದರು.

ಈ ಪಂದ್ಯಕ್ಕಾಗಿ ಕೆಕೆಆರ್‌ 3 ಬದಲಾವಣೆ ಮಾಡಿಕೊಂಡಿತ್ತು. ಶಕಿಬ್‌ ಅಲ್‌ ಹಸನ್‌, ರಿಯಾನ್‌ ಟೆನ್‌ ಡೊಶೆಟ್‌ ಮತ್ತು ಜೈದೇವ್‌ ಉನಾದ್ಕತ್‌ ಬದಲು ಮೆಕಲಮ್‌, ಬ್ರೆಟ್‌ ಲೀ ಮತ್ತು ಬಾಲಾಜಿ ಅವರನ್ನು ಆಡಿಸಲಾಗಿತ್ತು. ಪಂಜಾಬ್‌ ತಂಡದಲ್ಲಿ ಬಿಪುಲ್‌ ಶರ್ಮ ಬದಲು ವಲ್ತಾಟಿಗೆ ಜಾಗ ಕಲ್ಪಿಸಲಾಗಿತ್ತು.



ಕೋಲ್ಕತಾ ತಂಡದ ಆರಂಭ ಉತ್ತಮವಾಗಿತ್ತು. ಗಂಭೀರ್‌ ಮತ್ತು ಬ್ರೆಂಡನ್‌ ಮೆಕಲಮ್‌ ಮೊದಲ ವಿಕೆಟಿಗೆ 5.5 ಓವರ್‌ಗಳಲ್ಲಿ 53 ರನ್‌ ಗಳಿಸಿದ್ದರು. ಈ ಹಂತದಲ್ಲಿ ಚಾವ್ಲಾ ಎಸೆತದಲ್ಲಿ 15 ರನ್‌ ಗಳಿಸಿದ ಮೆಕಲಮ್‌ ಔಟಾದರು. ಬಿಸ್ಲಾ 11 ರನ್‌ ಗಳಿಸಿದ್ದರೆ ಕ್ಯಾಲಿಸ್‌ ಮತ್ತು ಗಂಭೀರ್‌ ಇನ್ನಷ್ಟು ಕುಸಿತ ಕಾಣದಂತೆ ನೋಡಿಕೊಂಡು ತಂಡದ ಗೆಲುವನ್ನು ಸಾರಿದರು.



ಗಂಭೀರ್‌ 44 ಎಸೆತಗಳಿಂದ 7 ಬೌಂಡರಿ ಮತ್ತು 1 ಸಿಕ್ಸರ್‌ ನೆರವಿನಿಂದ 66 ರನ್‌ ಗಳಿಸಿದ್ದರೆ ಕ್ಯಾಲಿಸ್‌ 30 ರನ್‌ ಗಳಿಸಿ ಅಜೇಯರಾಗಿ ಉಳಿದರು.

ಸ್ಕೋರುಪಟ್ಟಿ

ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌:

ಆ್ಯಡಂ ಗಿಲ್‌ಕ್ರಿಸ್ಟ್‌ ಔಟಾಗದೆ 40

ಪಾಲ್‌ ವಲ್ತಾಟಿ ಸಿ ಬಿಸ್ಲಾ ಬಿ ಲೀ 8

ಶಾನ್‌ ಮಾರ್ಷ್‌ ಸಿ ಬಿಸ್ಲಾ ಬಿ ಲೀ 33

ಮನ್‌ದೀಪ್‌ ಸಿಂಗ್‌ ಸಿ ಭಾಟಿಯ ಬಿ ಬಾಲಾಜಿ 6

ಡೇವಿಡ್‌ ಹಸ್ಸಿ ರನೌಟ್‌ 10

ಪರಾಸ್‌ ದೋಗ್ರ ಸಿ ಕ್ಯಾಲಿಸ್‌ ಬಿ ನಾರಾಯಣ್‌ 6

ಡಿ. ಮಸ್ಕರೇನಸ್‌ ಸಿ ತಿವಾರಿ ಬಿ ಭಾಟಿಯ 9

ಪಿಯೂಷ್‌ ಚಾವ್ಲಾ ಬಿ ನಾರಾಯಣ್‌ 9

ಇತರ 3
ಒಟ್ಟು (20 ಓವರ್‌ಗಳಲ್ಲಿ 7 ವಿಕೆಟಿಗೆ) 124

ವಿಕೆಟ್‌ ಪತನ: 1-24, 2-62, 3-86, 4-87, 5-101, 6-103. 7-124

ಬೌಲಿಂಗ್‌:

ಬ್ರೆಟ್‌ ಲೀ 4-0-26-2

ಜಾಕ್‌ ಕ್ಯಾಲಿಸ್‌ 3-0-23-0

ಸುನೀಲ್‌ ನಾರಾಯಣ್‌ 4-0-24-2

ಲಕ್ಷ್ಮೀಪತಿ ಬಾಲಾಜಿ 4-0-20-1

ಯೂಸುಫ್ ಪಠಾಣ್‌ 1-0-7-0

ರಜತ್‌ ಭಾಟಿಯ 4-0-23-1

ಕೋಲ್ಕತಾ ನೈಟ್‌ರೈಡರ್

ಬ್ರೆಂಡಮ್‌ ಮೆಕಲಮ್‌ ಸಿ ಮಸ್ಕರೇನಸ್‌ ಬಿ ಚಾವ್ಲಾ 15

ಗೌತಮ್‌ ಗಂಭೀರ್‌ ಔಟಾಗದೆ 66

ಮನ್ವಿಂದರ್‌ ಬಿಸ್ಲಾ ಬಿ ಚಾವ್ಲಾ 11

ಜಾಕ್‌ ಕ್ಯಾಲಿಸ್‌ ಔಟಾಗದೆ 30

ಇತರ: 5

ಒಟ್ಟು (16.3 ಓವರ್‌ಗಳಲ್ಲಿ 2 ವಿಕೆಟಿಗೆ) 127

ವಿಕೆ‌ಟ್‌ ಪತನ: 1-53, 2-74

ಬೌಲಿಂಗ್‌:

ಪ್ರವೀಣ್‌ ಕುಮಾರ್‌ 3-1-23-0

ಡಿಮಿಟ್ರಿ ಮಸ್ಕರೇನಸ್‌ 4-0-23-0

ಹರ್ಮೀತ್‌ ಸಿಂಗ್‌ 2-0-26-0

ಪಿಯೂಷ್‌ ಚಾವ್ಲಾ 4-0-19-2

ಭಾರ್ಗವ್‌ ಭಟ್‌ 3.3-0-32-0

ಪಂದ್ಯಶ್ರೇಷ್ಠ: ಗೌತಮ್‌ ಗಂಭೀರ್‌