ಮುಂಬಯಿ: ಸಚಿನ್ ತೆಂಡುಲ್ಕರ್ ಈ ವಯಸ್ಸಿನಲ್ಲೂ ನೀಡುತ್ತಿರುವ ಅತ್ಯುತ್ತಮ ಪ್ರದರ್ಶನಕ್ಕೆ ಕಾರಣವೇನು? ಅದನ್ನು ಸ್ವತಃ ತೆಂಡುಲ್ಕರ್ ಬಹಿರಂಗಪಡಿಸಿದ್ದಾರೆ.ಅವರು ಪ್ರತಿದಿನ ಬೆಳಗ್ಗೆ ಏಳುವಾಗಲೂ ತಮ್ಮ ಸಾಮರ್ಥ್ಯಕ್ಕೆ ತಕ್ಕ ಹಾಗೆ ಪ್ರದರ್ಶನ ನೀಡುವುದು ಹೇಗೆ ಎಂದು ಚಿಂತಿಸುತ್ತಾರಂತೆ. ತಮ್ಮ ಮೇಲೆ ತಮಗೆ ಇರುವ ನಿರೀಕ್ಷೆ ಮುಟ್ಟಲಿಕ್ಕೆ ತೀವ್ರವಾಗಿ ಯೋಚಿಸುತ್ತಾರೆ. ಆದ್ದರಿಂದಲೇ ಈಗಲೂ ಅವರು ವಿಶ್ರಾಂತಿ ರಹಿತ ಜೀವನ ನಡೆಸುತ್ತಿದ್ದಾರೆ. ಇಂತಹ ಒಂದು ಪರಿಸ್ಥಿತಿಯಿಂದಲೇ ಈಗಲೂ ನಿದ್ರೆಯಿಲ್ಲದ ರಾತ್ರಿಗಳನ್ನು ಕಳೆಯುತ್ತಿದ್ದೇನೆ. ಅದೇ ನನ್ನ ಯಶಸ್ಸಿನ ಗುಟ್ಟು ಎಂದು ನಿಯತಕಾಲಿಕೆಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.