ಹೊಸದಿಲ್ಲಿ: ಮ್ಯಾಡ್ರಿಡ್ನಲ್ಲಿ ಸಾಗುತ್ತಿರುವ ಎಟಿಪಿ ಮ್ಯಾಡ್ರಿಡ್ ಮಾಸ್ಟರ್ ಟೆನಿಸ್ ಕೂಟದ ಡಬಲ್ಸ್ನ ಸೆಮಿಫೈನಲ್ನಲ್ಲಿ ಭಾರತದ ಮಹೇಶ್ ಭೂಪತಿ ಮತ್ತು ರೋಹನ್ ಬೋಪಣ್ಣ ಅವರು ಪ್ರಬಲ ಹೋರಾಟ ಸಂಘಟಿಸಿದ್ದರೂ ಅಂತಿಮವಾಗಿ ಸೋಲನ್ನು ಕಂಡು ಹೊರಬಿದ್ದರು.ಈ ಮೊದಲು ನಡೆದ ಕ್ವಾರ್ಟರ್ಫೈನಲ್ ಕಾದಾಟದಲ್ಲಿ ಭಾರತದ ಲಿಯಾಂಡರ್ ಪೇಸ್ ಮತ್ತು ಜೆಕ್ನ ರಾಡೆಕ್ ಸ್ಟೆಪಾನೆಕ್ ಅವರು ದ್ವಿತೀಯ ಶ್ರೇಯಾಂಕದ ಮ್ಯಾಕ್ಸ್ ಮಿರ್ನಿ ಮತ್ತು ಡೇನಿಯಲ್ ನೆಸ್ಟರ್ ಅವರ ಕೈಯಲ್ಲಿ 3-6, 7-6, 2-10 ಅಂತರದಿಂದ ಸೋಲನ್ನು ಕಂಡಿದ್ದರು.ಏಳನೇ ಶ್ರೇಯಾಂಕದ ಭೂಪತಿ-ಬೋಪಣ್ಣ ಅವರು ರಾಬರ್ಟ್ ಲಿಂಡ್ಸ್ಟೆಡ್ ಮತ್ತು ಹೊರಿಯ ಟೆಕಾವ್ ಅವರ ಕೈಯಲ್ಲಿ 4-6, 6-1, 7-10 ಸೆಟ್ಗಳಿಂದ ಶರಣಾದರು. ಮೊದಲ ಸೆಟ್ ಸೋತ ಬಳಿಕ ತೀವ್ರ ಹೋರಾಟ ಸಂಘಟಿಸಿದ್ದ ಭೂಪತಿ-ಬೋಪಣ್ಣ ಅವರು ದ್ವಿತೀಯ ಸೆಟ್ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದರು. ಆದರೆ ನಿರ್ಣಾಯಕ ಸೂಪರ್ ಟೈಬ್ರೇಕರ್ನಲ್ಲಿ ಸೋಲನ್ನು ಕಂಡು ನಿರಾಶೆಗೊಳಗಾದರು.