ಹೊಸದಿಲ್ಲಿ: ಮುಂದಿನ ವರ್ಷ (2013) ಐಐಟಿ, ಎನ್ಐಟಿ ಮತ್ತು ಐಐಐಟಿಗಳಿಗೆ ಸೇರಬಯಸುವ ವಿದ್ಯಾರ್ಥಿಗಳು ಹೊಸ ತರದ ಪ್ರವೇಶ ಪರೀಕ್ಷೆ ಎದುರಿಸಬೇಕಾಗುತ್ತದೆ. ಕೋರ್ಸ್ನ ಪ್ರವೇಶಕ್ಕೆ ಈ ಪರೀಕ್ಷೆಯ ಫಲಿತಾಂಶದೊಂದಿಗೆ ಪ್ಲಸ್ ಟು ಪರೀಕ್ಷೆಯ ಫಲಿತಾಂಶಗಳನ್ನು ಕೂಡ ಜತೆಯಾಗಿ ಪರಿಗಣಿಸಲಾಗುವುದು.ಮಾನವ ಸಂಪದ ಅಭಿವೃದ್ಧಿ ಸಚಿವ ಕಪಿಲ್ ಸಿಬಲ್ ಈ ವಿಚಾರವನ್ನು ಐಐಟಿಯ ಜಂಟಿ ಮಂಡಳಿಗಳ ಸಭೆಯಲ್ಲಿ ಹೇಳಿದರು. ಈ ಬಗ್ಗೆ ಮಂಡಳಿಗಳೊಳಗೆ ಯಾವುದೇ ಅಭಿಪ್ರಾಯ ವ್ಯತ್ಯಾಸವಿಲ್ಲವೆಂದು ಅವರು ಹೇಳಿದರು. ಕೋರ್ಸುಗಳಿಗೆ ಸೇರಬಯಸುವ ಮಂದಿ ಹೊಸ ವಿಧಾನದ ಪರೀಕ್ಷೆಯನ್ನು ಕಡ್ಡಾಯವಾಗಿ ತೇರ್ಗಡೆ ಮಾಡಬೇಕಾಗುತ್ತದೆ ಎಂದು ಅವರು ಹೇಳಿದರು.