ಲಂಡನ್‌: ಭಾರತದ ಇರ್ಫಾನ್‌ ಕೊಲ್ಹೊತ್ತಮ್‌ ತೋಡಿ ರಾಷ್ಟ್ರೀಯ ದಾಖಲೆ ನಿರ್ಮಿಸಿದರೂ ಲಂಡನ್‌ ಒಲಿಂಪಿಕ್ಸ್‌ನ 20 ಕಿ.ಮೀ. ನಡಿಗೆ ಸ್ಪರ್ಧೆಯಲ್ಲಿ ಪದಕ ಗೆಲ್ಲುವಲ್ಲಿ ವಿಫ‌ಲರಾಗಿದ್ದಾರೆ.

ಶನಿವಾರ ನಡೆದ ರೇಸ್‌ನಲ್ಲಿ ಇರ್ಫಾನ್‌ ಕೊಲ್ಹೊತ್ತಮ್‌ ತೋಡಿ 1:20.21 ನಿಮಿಷಗಳಲ್ಲಿ ಗುರಿ ಮುಟ್ಟಿ ಅಗ್ರ 10ರೊಳಗೆ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾದರು. ಈ ಹಿಂದೆ 1.29.09 ನಿಮಿಷಗಳಲ್ಲಿ ಗುರಿ ಮುಟ್ಟಿದ್ದು ಅವರ ಹಿಂದಿನ ವೈಯಕ್ತಿಕ ಶ್ರೇಷ್ಠ ಸಾಧನೆಯಾಗಿತ್ತು. ಇದೇ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಭಾರತದ ಮತ್ತೂಬ್ಬ ಸ್ಪರ್ಧಿ ಗುರ್ಮಿತ್‌ ಸಿಂಗ್‌ (1:23.34 ನಿ.) 33ನೇ ಸ್ಥಾನಿಯಾಗಿ ರೇಸ್‌ ಪೂರೈಸಿದರು.

ಚೀನಾದ ಚೆಂಗ್‌ ಡಿಂಗ್‌ (1:18.46ನಿ.) ಒಲಿಂಪಿಕ್‌ ದಾಖಲೆಯೊಂದಿಗೆ ಚಿನ್ನದ ಪದಕ ಗಳಿಸಿದರೆ, ಗ್ವಾಟೆಮಾಲದ ಎರಿಕ್‌ ಬೆರಾಂಡೊ (1:18.57ನಿ.) ಮತ್ತು ಚೀನಾದ ಜೆಲಿನ್‌ ಕ್ಲಿ (1:19.44) ಕ್ರಮವಾಗಿ ಬೆಳ್ಳಿ ಮತ್ತು ಕಂಚಿನ ಪದಕ ಗಳಿಸಿದರು.