ಪಟ್ನಾ : ಈ ವರ್ಷದ ಕೊನೆಯೊಳಗಾಗಿ ಬಿಹಾರ ಸರಕಾರವು ಇಲ್ಲಿನ ಗಾಂಧೀ ಮೈದಾನದಲ್ಲಿ ಅತ್ಯಂತ ಎತ್ತರದ ಗಾಂಧೀಜಿಯ ಮೂರ್ತಿಯೊಂದನ್ನು ಸ್ಥಾಪಿಸಲಿದೆ. ಸ್ಥಾಪಿಸಲು ಉದ್ದೇಶಿಸಲಾಗಿರುವ ಮಹಾತ್ಮಾ ಗಾಂಧಿಯವರ ಕಂಚಿನ ಪ್ರತಿಮೆ 40 ಅಡಿ ಎತ್ತರವಿದೆ. 24 ಅಡಿ ಅಗಲದ ಪೀಠದ ಮೇಲೆ ಅದನ್ನು ಸ್ಥಾಪಿಸಲಾಗುವುದು ಎಂದು ಸಚಿವ ದಾಮೋದರ್‌ ರಾವುತ್‌ ರವಿವಾರ ಹೇಳಿದರು.

ಈ ಮೂರ್ತಿ ಸ್ಥಾಪನೆಗೆ ಸಂಬಂಧಿಸಿದಂತೆ ದಿಲ್ಲಿ ಮೂಲದ ಖ್ಯಾತ ಶಿಲ್ಪಿ ರಾಮ್‌ ಸುತಾರ್‌ ಅವರ ಸಂಸ್ಥೆಯೊಂದಿಗೆ 40 ಕೋಟಿ ರೂಪಾಯಿಗಳ ಒಡಂಬಡಿಕೆಯನ್ನು ಸರಕಾರ ಈಗಾಗಲೇ ಮಾಡಿಕೊಂಡಿದೆ.