ಲಂಡನ್ : ವನಿತೆಯರ 1,500 ಮೀ. ಸ್ಪರ್ಧೆಯಲ್ಲಿ ಟರ್ಕಿ ಚಿನ್ನ ಮತ್ತು ಬೆಳ್ಳಿಯ ಪದಕ ಗೆದ್ದು ಅಚ್ಚರಿಗೊಳಿಸಿದೆ. ಶುಕ್ರವಾರ ನಡೆದ ಈ ಸ್ಪರ್ಧೆಯಲ್ಲಿ 4:10.23 ಸೆ.ನಲ್ಲಿ ಗುರಿ ತಲುಪಿದ ಆಸ್ಲಿ ಕಾಕಿರ್ ಅಲ್ಪೆಕಿನ್ ಅವರು ಚಿನ್ನ ಗೆದ್ದ ಸಾಧನೆ ಮಾಡಿದರು.ಯುರೋಪಿಯನ್ ಚಾಂಪಿಯನ್ ಆಗಿರುವ ಅಲ್ಪೆಕಿನ್ 2004ರಿಂದ 2006ರ ವರೆಗೆ ನಿಷೇಧಿತ ದ್ರವ್ಯ ಸೇವಿಸಿದ ಕಾರಣಕ್ಕೆ ನಿಷೇಧಕ್ಕೆ ಒಳಗಾಗಿದ್ದರು. ತನ್ನ ತಂಡದ ಸದಸ್ಯೆ ಗೇಮ್ಸ್ ಬುಲುಟ್ ಜತೆ ತೀವ್ರ ಪೈಪೋಟಿ ನೀಡಿದ ಅಲ್ಪೆಕಿನ್ ಚಿನ್ನ ಗೆಲ್ಲುವಲ್ಲಿ ಯಶಸ್ವಿಯಾದರು. ಇದು ಟ್ರ್ಯಾಕ್ ಆಂಡ್ ಫೀಲ್ಡ್ನಲ್ಲಿ ಟರ್ಕಿಯ ಮೊದಲ ಚಿನ್ನವಾಗಿದೆ.ಹಲ್ಸಿಂಕಿಯಲ್ಲಿ ನಡೆದ ಯುರೋಪಿಯನ್ ಕೂಟದ ಬೆಳ್ಳಿ ಜಯಿಸಿದ್ದ (ಅಲ್ಪೆಕಿನ್ ಚಿನ್ನ ಜಯಿಸಿದ್ದರು) ಬುಲುಟ್ ಇಲ್ಲಿ ತನ್ನ ನಿರ್ವಹಣೆಯನ್ನು ಉತ್ತಮಪಡಿಸಿ ಬೆಳ್ಳಿಯ ಪದಕ ಪಡೆದರು. ಬಹರೆನ್ನ ಇಥಿಯೊಪಿಯ ಮೂಲದ ಮರಿಯುಮ್ ಜಮಾಲ್ ಕಂಚಿನ ಪದಕ ಗೆದ್ದರು.ಟರ್ಕಿಯ ಈ ಮೊದಲಿನ ಎರಡು ಟ್ರ್ಯಾಕ್ ಆಂಡ್ ಫೀಲ್ಡ್ನ ಕಂಚಿನ ಪದಕಗಳನ್ನು 2004ರಲ್ಲಿ ಪುರುಷರ ಹ್ಯಾಮರ್ನಲ್ಲಿ ಇಸ್ರಫ್ ಅಪಕ್ ಮತ್ತು 1948ರ ಪುರುಷರ ಟ್ರಿಪಲ್ ಜಂಪ್ನಲ್ಲಿ ರುಹಿ ಶರೀಪ್ ಅವರು ಪಡೆದಿದ್ದರು.