ಚೆನ್ನೈ: ಡಿಸೆಂಬರ್‌ 26 ರಂದು ಗುಜರಾತ್‌ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಲಿರುವ ನರೇಂದ್ರ ಮೋದಿ ಅವರ ಸಮಾರಂಭದಲ್ಲಿ ತಮಿಳುನಾಡು ಮುಖ್ಯಮಂತ್ರಿ ಜಯಾಲಲಿತಾ ಭಾಗವಹಿಸಲಿದ್ದಾರೆ.

ಸತತ ಮೂರನೇ ಬಾರಿಗೆ ಮುಖ್ಯಮಂತ್ರಿ ಗದ್ದುಗೆ ಏರಲಿರುವ ನರೇಂದ್ರ ಮೋದಿ ಅವರ ಆಹ್ವಾನದ ಮೇರೆಗೆ ಜಯಾಲಲಿತಾ ಪ್ರಮಾಣವಚನ ಸಮಾರಂಭದಲ್ಲಿ ಭಾಗವಹಿಸಲಿದ್ದಾರೆ ಎಂದು ಮೂಲಗಳು ರವಿವಾರ ತಿಳಿಸಿವೆ.

ನರೇಂದ್ರ ಮೋದಿ ಅವರು ಜಯಾಲಲಿತಾ ಅವರೊಂದಿಗೆ ಉತ್ತಮ ಭಾಂದವ್ಯವನ್ನು ಹೊಂದಿದ್ದು 2011ರ ಎಪ್ರಿಲ್‌ರಲ್ಲಿ ನಡೆದ ಜಯಾಲಲಿತಾ ಪ್ರಮಾಣವಚನ ಸ್ವೀಕಾರ ಸಮಾರಂಭದಲ್ಲಿ ಭಾಗವಹಿಸಿದ್ದರು.

ಅಂತೆಯೇ ಕಳೆದ ವರ್ಷ ಮೋದಿ ಅವರು ನಡೆಸಿದ ಸದ್ಭಾವನಾ ಮಿಷನ್‌ಗೆ ಜಯಾ ತನ್ನ ಪಕ್ಷದ ಸಂಸದರಾದ ಡಾ.ವಿ.ಮೈತ್ರೇಯನ್‌ ಹಾಗೂ ಎಂ.ತಂಬಿದೊರೈ ಅವರನ್ನು ಪ್ರತಿನಿಧಿಗಳಾಗಿ ಕಳುಹಿಸಿದ್ದರು.