ಬೇಕಾದ ವಸ್ತುಗಳು (1) ಲೋಟ, (2) ಡ್ರಾಯಿಂಗ್ ಹಾಳೆ, (3) ನಾಣ್ಯ. ಮಾಡುವ ಕ್ರಮ 1. ಒಂದು ಲೋಟದ ಬಾಯಿಗಿಂತ ಸ್ವಲ್ಪ ದೊಡ್ಡದಾದ ಡ್ರಾಯಿಂಗ್ ಹಾಳೆಯನ್ನು ಚೌಕಾಕಾರದಲ್ಲಿ ಕತ್ತರಿಸಿಕೊಂಡು ಲೋಟದ ಮೇಲಿಡಿ. 2. ಡ್ರಾಯಿಂಗ್ ಹಾಳೆ ಮಧ್ಯದಲ್ಲಿ ಒಂದು ನಾಣ್ಯವನ್ನಿಡಿ. ಡ್ರಾಯಿಂಗ ಹಾಳೆಯನ್ನು ನಿದಾನವಾಗಿ ಎಳೆಯಿರಿ. ಡ್ರಾಯಿಂಗ್ ಹಾಳೆ ಜೊತೆ ನಾಣ್ಯವೂ ಬರುತ್ತದೆ. 3. ಡ್ರಾಯಿಂಗ ಹಾಳೆಯನ್ನು ಸ್ಟ್ರೈಕರ್ ನಂತೆ ಜೋರಾಗಿ ತೋರು ಬೆರಳಿನಿಂದ ಹೊಡೆಯಿರಿ. ಈಗ ಗಮನಿಸಿರಿ, ಏನಾಶ್ಚರ್ಯ! ನಾಣ್ಯ ಅಲ್ಲೆ ಉಳಿದು ಲೋಟದೊಳಗೆ ಬೀಳಿತ್ತದೆ. ಡ್ರಾಯಿಂಗ್ ಹಾಳೆ ಮಾತ್ರ ದೂರ ಬೀಳುತ್ತದೆ. ವೈಜಾnನಿಕ ಕಾರಣ: ನಿದಾನವಾಗಿ ಎಳೆದಾಗ ಡ್ರಾಯಿಂಗ್ ಹಾಳೆ ಮತ್ತು ನಾಣ್ಯಗಳ ಮಧ್ಯೆ ಘರ್ಷಣೆ ಇರುವುದರಿಂದ ಡ್ರಾಯಿಂಗ್ ಹಾಳೆಗೆ ನಾಣ್ಯ ಅಂಟಿಕೊಂಡು ಡ್ರಾಯಿಂಗ್ ಹಾಳೆ ಜೊತೆ ನಾಣ್ಯವೂ ಬರುತ್ತದೆ. ಡ್ರಾಯಿಂಗ ಹಾಳೆಯನ್ನು ಸ್ಟ್ರೈಕರ್ ನಂತೆ ಜೋರಾಗಿ ತೋರು ಬೆರಳಿನಿಂದ ಹೊಡೆದಾಗ, ನಾಣ್ಯ ಅಲ್ಲೆ ಉಳಿದು ಲೋಟದೊಳಗೆ ಬೀಳಿತ್ತದೆ. ಡ್ರಾಯಿಂಗ್ ಹಾಳೆ ಮಾತ್ರ ದೂರ ಬೀಳುತ್ತದೆ. ಕಾರಣ ಜಡತ್ವವು ದ್ರವ್ಯಗಳ ಗುಣಲಕ್ಷಣ. ಸ್ಥಿರವಾದ ಅಥವಾ ಚಲಿಸುವ ದ್ರವ್ಯ ಬಾಹ್ಯ ಬಲವಿಲ್ಲದೆ ತನ್ನ ಸ್ಥಿತಿಯನ್ನು ಬದಲಿಸುವುದಿಲ್ಲ. ಡ್ರಾ$›ಯಿಗ್ ಹಾಳೆಯನ್ನು ಜೋರಾಗಿ ತಳ್ಳಿದಾಗ ಡ್ರಾ$›ಯಿಗ್ ಹಾಳೆಗೆ ಮಾತ್ರ ಬಲ ದೊರಕಿ ಅದು ದೂರ ಹೊಗುತ್ತದೆ. ಅದರ ಮೇಲಿದ್ದ ನಾಣ್ಯಕ್ಕೆ ಬಲ ಸಿಗದಿರುವುದರಿಂದ ಅದು ಲೋಟದಲ್ಲಿ ಬೀಳುತ್ತದೆ. ಬಸ್ಸಿನಲ್ಲಿ ಪ್ರಯಾಣಿಸುವಾಗ ಒಮ್ಮಿಂದೊಮ್ಮೆ ಬಸ್ಸು ನಿಂತರೆ,ಪ್ರಯಾಣಿಕರು ಮುಂದೆ ಬೀಳಲು ಇದೇ ಕಾರಣ
