ಆಕೆ ಒಬ್ಬ ವ್ಯಾಪಾರಿಯ ಮಗಳು. ಹುಟ್ಟಿನಿಂದಲೇ ಛಲ ಎಂಬುದು ಅವಳಲ್ಲಿ ಬಲವಾಗಿ ಬೇರೂರಿತ್ತು. ಬೆಳೆದು ದೊಡªವಳಾಗುತ್ತಿದ್ದಂತೆ ಮುಂದೊಮ್ಮೆ ದೇಶವನ್ನೇ ಆಳುವ ನಾಯಕಿ ಆಗಬಲ್ಲಳು ಎಂದು ಯಾರು ಕನಸು ಕಂಡಿರಲಿಲ್ಲ ಅದೊಂದು ದಿನ ಆಕೆ ಪ್ರಥಮ ಮಹಿಳಾ ಪ್ರಧಾನಿಯಾಗಿ ಆಯ್ಕೆಯಾದಳು. ಅಷ್ಟೇ ಅಲ್ಲ ಅದನ್ನು ದೊಡ್ಡ ಸವಾಲಾಗಿ ಸ್ವೀಕರಿಸಿ ಯಶಸ್ವಿಯಾಗಿ ಮುಗಿಸಿ ಜಗತ್ ಪ್ರಸಿದ್ಧಿ ಪಡೆದವರು ಅವರು . ಮಾರ್ಗರೆಟ್ ಥ್ಯಾಚರ್ ಯಾರಿಗೆ ತಾನೇ ಗೊತ್ತಿಲ್ಲ? ಇಂದು ಜಗತøಸಿದ್ಧಿ ಹೊಂದಿದ ಈ ದಿಟ್ಟ ಮಹಿಳೆ ಒಬ್ಬ ವ್ಯಾಪಾರಿಯ ಮಗಳು . ರಾಜಕೀಯ ಜೀವನದಲ್ಲಿ ಹಲವಾರು ಏಳು ಬೀಳುಗಳನ್ನು ಅನುಭವಿಸಿದರೂ ತನ್ನಲ್ಲಿರುವ ನಾಯಕತ್ವದ ಗುಣದಿಂದ ಯಾವುದಕ್ಕೂ ಎದೆಗುಂದದೆ ಕೊನೆಗೂ ಯಶಸ್ಸಿನ ಮೆಟ್ಟಿಲನ್ನು ಹತ್ತಿ ಹತ್ತಿ ಮುನ್ನುಗಿದವರು ಮಾರ್ಗರೆಟ್ ಥ್ಯಾಚರ್. ನಾನು ಲಂಡನ್ಗೆ ಬಂದ ಕೆಲವೇ ದಿನಗಳಲ್ಲಿ ಲಂಡನ್ ಬಗ್ಗೆ ತಿಳಿದುಕೊಳ್ಳುವ ಬಗ್ಗೆ ಬಹಳ ಆಸಕ್ತಿ ಇತ್ತು ಆ ಸಮಯದಲ್ಲಿ ನಾನು ಸಾಕಷ್ಟು ಇಂಗ್ಲೀಷ್ ಪುಸ್ತಕ ಓದುವುದು ಮತ್ತು ಇಂಗ್ಲೀಷ್ ಫಿಲ್ಮ್ ಗಳನ್ನೂ ನೋಡಲು ಪ್ರಾರಂಭಿಸಿದೆ. ಆಗ ನನ್ನ ಕುತೂಹಲವನ್ನು ಸೆಳೆದಿದ್ದು ಎಂದರೆ ಬ್ರಿಟನ್ನಿನ ಮಾಜಿ ಮಹಿಳಾ ಪ್ರಧಾನ ಮಂತ್ರಿ ಮಾರ್ಗರೆಟ್ ಥ್ಯಾಚರ್ ಇವರ ಬಗ್ಗೆ ಆಸಕ್ತಿ ಹೆಚ್ಚಾದಂತೆ ನಾನು ಮಾರ್ಗರೆಟ್ ಥ್ಯಾಚರ್ ಬಗ್ಗೆ ಅವರ ಚಲನಚಿತ್ರ ನೋಡಲು ಪ್ರಾರಂಭಿಸಿದೆ . 'ದಿ ಐರನ್ ಲೇಡಿ ' ಇದೊಂದು ಡಾಕ್ಯುಮೆಂಟರಿ ಫಿಲಂ . ಮೊದಲಿನಿಂದ ನಾಯಕತ್ವದ ಗುಣಗಳನ್ನು ತಂದೆಯಿಂದ ಬೆಳೆಸಿಕೊಂಡ ಥ್ಯಾಚರ್ ಪ್ರತಿಯೊಂದು ಹಂತದಲ್ಲೂ ಗೆಲುವನ್ನು ಸಾಧಿಸುತ್ತಾ ಹೋಗುತಾರೆ. ಇವರ ಯಶಸ್ಸಿಗೆ ಇವರಿಗೆ ಸಿಕ್ಕ ಬಿರುದು 'ಉಕ್ಕಿನ ಮಹಿಳೆ '. ಇವರ ವೃತ್ತಿ ಬದುಕಿನಲ್ಲಿ ಇವರು ಹತ್ತದ ಮೆಟ್ಟಿಲಿಲ್ಲ ಸಾಧಿಸದ ಸಾಧನೆಗಳಿಲ್ಲ. ಆಕ್ಸ್ಫರ್ಡ್ ಯೂನಿವರ್ಸಿಟಿಯಲ್ಲಿ ಪ್ರಸಿಡೆಂಟ್ ಆಗುವ ಮೂಲಕ ಕಾಲಿಟ್ಟ ಆಕೆ ಮುಂದೊಂದು ದಿನ ಮಹಿಳಾ ಪ್ರಧಾನ ಮಂತ್ರಿಯಾಗಿ ಆಯ್ಕೆಯಾಗಿ ದೇಶವನ್ನು ಅಭಿವೃದ್ದಿ ಪಡಿಸುವುದರಲ್ಲಿ ಯಶಸ್ವಿಯಾಗುತ್ತಾರೆ. ಒಬ್ಬ ಮಹಿಳೆ ಏನನ್ನು ಬೇಕಾದರೂ ಸಾಧಿಸಬಳ್ಳಲು ಎನ್ನುವುದನ್ನು ತೊರಿಸಿದವರು ಥ್ಯಾಚರ್. ಇವರ ಎಲ್ಲ ಯಶಸ್ವೀ ಕಾರ್ಯಗಳು ಮನಸ್ಸಿದ್ದರೆ ಏನನ್ನಾದರೂ ಸಾಧಿಸಬಹುದು ಎಂಬುದನ್ನು ದಿ ಐರನ್ ಲೇಡಿ ಮೂವಿ ತೋರಿಸಿಕೊಡುತ್ತದೆ. ಸುಮಾರು ಒಂದೂವರೆ ತಾಸಿನ ಈ ಡಾಕ್ಯುಮೆಂಟರಿ ಥ್ಯಾಚರ್ ನ ಬದುಕಿನ ಯಶಸ್ಸಿನ ಕಥೆಯನ್ನು ಹೇಳುತ್ತದೆ. ಈಗ ಮಾರ್ಗರೆಟ್ ಥ್ಯಾಚರ್ ಅವರಿಗೆ 87 ವರ್ಷ . ಇನ್ನೂ ಕೂಡ ಆಕೆ ಚಟುವಟಿಕೆಯಿಂದಿ¨ªಾರೆ . ಪ್ರತಿಯೊಬ್ಬರು ನೋಡಲೇಬೇಕಾದ ಮತ್ತು ನೋಡುಗರಲ್ಲಿ ನಾವು ಏನನ್ನಾದರೂ ಸಾಧಿಸಬೇಕು ಎನ್ನುವ ಛಲ ಹುಟ್ಟಿಸುವ ದಿ ಐರನ್ ಲೇಡಿ ಚಿತ್ರ ಮತ್ತು ಆಕೆ ನನಗೆ ಬಹಳ ಇಷ್ಟವಾಯಿತು. -ಅರ್ಪಿತಾ ಹರ್ಷ, ಲಂಡನ್
