ಬೇಕಾಗುವ ಪದಾರ್ಥಗಳು
ಕ್ಯಾರೆಟ್‌ 1, 4 ಕ್ಯಾಬೇಜ್‌ಎಲೆ, ಈರುಳ್ಳಿ ಎಲೆ 2, ಕೊತ್ತಂಬರಿ ಸೊಪ್ಪು 2 ಎಸಳು, ಹಸಿ ಮೆಣಸು 1, ಟೊಮೆಟೊ 1, ಜೀರಿಗೆ ಪುಡಿ 1/2 ಚಮಚ, ಕಾಳುಮೆಣಸಿನ ಪುಡಿ 1 ಚಮಚ, ಬೆಣ್ಣೆ 4 ಚಮಚ, ಲಿಂಬು ರಸ ಸ್ವಲ್ಪ, ಉಪ್ಪು ರುಚಿಗೆ.

ವಿಧಾನ
ಎಲ್ಲ ತರಕಾರಿಗಳನ್ನು ಹೆಚ್ಚಿಕೊಳ್ಳಿ. ಒಂದು ಪಾತ್ರೆಗೆ ಬೆಣ್ಣೆ, ಹೆಚ್ಚಿದ ತರಕಾರಿಗಳನ್ನು ಹಾಕಿ ಸಣ್ಣ ಉರಿಯಲ್ಲಿ 5 ನಿಮಿಷ ಕೈಯಾಡಿ ಇದಕ್ಕೆ ಜೀರಿಗೆ ಪುಡಿ, ಕಾಳುಮೆಣಸಿನ ಪುಡಿ ಸೇರಿಸಿ. ನಂತರ ಬೇಕಾದಷ್ಟು ನೀರು, ಉಪ್ಪು , ಕೊತ್ತಂಬರಿ ಸೊಪ್ಪು ಹಾಕಿ ಕುದಿಸಿ. ನಂತರ 5 ನಿಮಿಷ ಮುಚ್ಚಿಡಿ. ಇಳಿಸುವ‌ ಮುನ್ನ ಲಿಂಬು ರಸ ಸೇರಿಸಿಕೊಳ್ಳಿ.

ಮಸಾಲಾ ಸೂಪ್‌
ಬೇಕಾಗುವ ಪದಾರ್ಥಗಳು
ಟೊಮೆಟೊ 2, ಈರುಳ್ಳಿ 1, ಕೊತ್ತಂಬರಿ ಸೊಪ್ಪು 6 ಎಸಳು, ಗರಂ ಮಸಾಲಾ 2 ಚಮಚ, ಸಕ್ಕರೆ 1 ಚಮಚ, ಬೆಣ್ಣೆ 2 ಚಮಚ, ಉಪ್ಪು ರುಚಿಗೆ.

ವಿಧಾನ
ಟೊಮೆಟೊವನ್ನು ಗರಂ ಮಸಾಲಾ ಜೊತೆ ರುಬ್ಬಿಕೊಳ್ಳಿ. ಇದಕ್ಕೆ ಬೇಕಾದ ಪ್ರಮಾಣದಲ್ಲಿ ನೀರನ್ನು ಬೆರೆಸಿ. ಇದಕ್ಕೆ ಉಪ್ಪು ಸಕ್ಕರೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು ಹಾಕಿ ಕುದಿಸಿ. ನಂತರ ಹೆಚ್ಚಿದ ಈರುಳ್ಳಿಯನ್ನು ಬೆಣ್ಣೆಯಲ್ಲಿ ಹುರಿದು ಹಾಕಿ ಕುಡಿಯಲು ನೀಡಿ.

ಬೆಂಡೆಕಾಯಿ ಸೂಪ್‌
ಬೇಕಾಗುವ ಪದಾರ್ಥಗಳು
ಬೆಂಡೆ ಕಾಯಿ 6-8. ಕಾಳು ಮೆಣಸಿನ ಪುಡಿ 1 ಚಮಚ, ಕರಿಬೇವಿನಸೊಪ್ಪು 1 ಎಸಳು, ಎಣ್ಣೆ ಅಥವಾ ಬೆಣ್ಣೆ 2 ಚಮಚ, ಲಿಂಬು ರಸ 2 ಚಮಚ,

ವಿಧಾನ
1/2 ಲೀ. ನೀರಿಗೆ ಲಿಂಬು ರಸ, ಹೆಚ್ಚಿಕೊಂಡ ಬೆಂಡೆ ಕಾಯನ್ನು ಹಾಕಿ 3-4 ನಿಮಿಷ ಕುದಿಸಿ. ನಂತರ ಕಾಳು ಮೆಣಸಿನ ಪುಡಿ, ಉಪ್ಪು ಹಾಕಿ 3-4 ನಿಮಿಷ ಕುದಿಯಲು ಬಿಡಿ. ಬೇಕಾದರೆ ಸಾಸಿವೆ, ಜೀರಿಗೆ ಬೇವಿನ ಸೊಪ್ಪಿನ ಒಗ್ಗರಣೆ ಹಾಕಿಕೊಂಡು ರುಚಿ ನೋಡಿ.

*ಅಶ್ವಿ‌ನಿ ಹೆಗಡೆ, ಭೈರುಂಬೆ