ಮುಂಬೈ: 'ಡೇವಿಡ್' ಎನ್ನುವ ಹಿಂದಿ ಚಿತ್ರದ 'ಯಾ ಹುಸೇನ್' ಹಾಡಿಗೆ ಮುಸ್ಲಿಮರ ಆಕ್ಷೇಪ ಎತ್ತಿರುವುದರಿಂದ ನಿರ್ದೇಶಕ ಬಿಜೋಯ್ ನಂಬಿಯಾರ್ ಚಿತ್ರದಿಂದ ಈ ಹಾಡನ್ನು ಕಿತ್ತು ಹಾಕಿದ್ದಾರೆ. ಲಕ್ಕಿ ಅಲಿ ಹಾಡಿರುವ ಈ ಹಾಡಿನಲ್ಲಿ ಮೊಹರಂ ಮೆರವಣಿಗೆಯ ದೃಶ್ಯವೊಂದಿದೆ. ಈ ದೃಶ್ಯಕ್ಕೆ ಮುಸ್ಲಿಮರು ಆಕ್ಷೇಪ ಎತ್ತಿದ ಕಾರಣ ನಂಬಿಯಾರ್ ಹಾಡನ್ನೇ ಚಿತ್ರದಿಂದ ಕಿತ್ತು ಹಾಕಿದ್ದಾರೆ. 'ಈ ಹಾಡಿನಿಂದಾಗಿ ಯಾರೊಬ್ಬರ ಧಾರ್ಮಿಕ ಭಾವನೆಗಳಿಗೆ ನೋವಾಗುವುದು ನಮಗೆ ಇಷ್ಟವಿಲ್ಲ. ಉದ್ದೇಶಪೂರ್ವಕವಾಗಿ ಅಲ್ಲದಿದ್ದರೂ ಇದರಿಂದ ಯಾರಿಗಾದರೂ ನೋವಾಗಿದ್ದರೆ ನಾನು ಕ್ಷಮೆ ಕೇಳುತ್ತೇನೆ. ಚಿತ್ರದಲ್ಲಿ ಇಂತಹ ದೃಶ್ಯಗಳಿವೆ ಎಂದು ದೂರು ಬಂದಾಗ ಹಾಡನ್ನೇ ಕತ್ತರಿಸಿ ತೆಗೆದಿದ್ದೇವೆ' ಎಂದು ನಂಬಿಯಾರ್ ಹೇಳಿದ್ದಾರೆ.
