ಮುಂಬಯಿ: ಬ್ರಿಟಿಷ್ ಪ್ರಧಾನಿ ಡೇವಿಡ್ ಕ್ಯಾಮೆರಾನ್ ಅವರು ಸೋಮವಾರ ಬೆಳಿಗ್ಗೆ 3 ದಿನಗಳ ಭಾರತ ಪ್ರವಾಸಾರ್ಥ ಮುಂಬಯಿಗೆ ಆಗಮಿಸಿದರು. ಈ ಸಂರ್ದಭದಲ್ಲಿ ಕ್ಯಾಮೆರಾನ್ ಅವರು ಆಂಗ್ಲೋ ಇಟಾಲಿಯನ್ ಕಂಪೆನಿಯನ್ನು ಒಳಗೊಂಡ ವಿವಿಐಪಿ ಹೆಲಿಕಾಪ್ಟರ್ ಲಂಚ ಹಗರಣ ಸಂಬಂಧವಾಗಿ ಭಾರತದ ಉನ್ನತ ನಾಯಕರೊಂದಿಗೆ ವಿವಿಐಪಿ ಹೆಲಿಕಾಪ್ಟರ್ ಲಂಚ ಹಗರಣ ಸಂಬಂಧವಾಗಿ ಮಾತುಕತೆ ನಡೆಸುವರು. ಭಾರತೀಯ ಉನ್ನತ ನಾಯಕರೊಂದಿಗೆ ಕ್ಯಾಮೆರಾನ್ ಅವರ ಮಾತುಕತೆ ಮಂಗಳವಾರ ಬೆಳಗ್ಗೆ ನಡೆಯಲಿದ್ದು ಆ ಸಂದರ್ಭದಲ್ಲಿ ಅವರು 3,600 ಕೋಟಿ ರೂ. ವಿವಿಐಪಿ ಹೆಲಿಕಾಪ್ಟರ್ ಲಂಚ ಹಗರಣದ ಕುರಿತು ಇನ್ನಷ್ಟು ಹೆಚ್ಚಿನ ಮಾಹಿತಿಗಳನ್ನು ಅಗ್ರಹಿಸಲಿದ್ದಾರೆ. ನೈಋತ್ಯ ಇಂಗ್ಲಂಡ್ನಲ್ಲಿ ಉತ್ಪಾದಿತವಾಗುತ್ತಿರುವ ವಿವಿಐಪಿ ಹೆಲಿಕಾಪ್ಟರ್ಗಳ ಕಂಪೆನಿ ಆಗಸ್ತಾ ವೆಸ್ಟ್ಲ್ಯಾಂಡ್, ಈ ತನಕ 3 ಹೆಲಿಕಾಪ್ಟರ್ಗಳನ್ನು ಭಾರತಕ್ಕೆ ಪೂರೈಸಿದೆ. ಭಾರತವುಇಟಲಿ ಕಂಪೆನಿಯೊಂದಿಗಿನ ಹೆಲಿಕಾಪ್ಟರ್ ಪೂರೈಕೆ ಒಪ್ಪಂದವನ್ನು ರದ್ದುಗೊಳಿಸುವುದಾಗಿ ಹೇಳಿರುವ ಹಿನ್ನೆಲೆಯಲ್ಲಿ ಬ್ರಿಟಿಷ್ ಪ್ರಧಾನಿ ಕ್ಯಾಮೆರಾನ್ ಅವರ ಭಾರತ ಪ್ರವಾಸ ಏರ್ಪಟ್ಟಿರುವುದು ಗಮನಾರ್ಹವಾಗಿದೆ.