ನವದೆಹಲಿ: ಭಾರತ ತಂಡದ ಯಶಸ್ವಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಪದವಿ ಪರೀಕ್ಷೆಯನ್ನು ಯಶಸ್ವಿಯಾಗಿ ದಾಟಲು ಮತ್ತೂಮ್ಮೆ ವಿಫಲರಾಗಿದ್ದಾರೆ.ರಾಂಚಿಯ ಸೇಂಟ್ ಕ್ಸೆವಿಯರ್ ಕಾಲೇಜಲ್ಲಿ ವಾಣಿಜ್ಯ (ಬಿ.ಕಾಂ.) ಪದವಿಗೆ ಪ್ರವೇಶ ಪಡೆದಿರುವ ಧೋನಿ ಬಿಡುವಿಲ್ಲದ ವೇಳಾಪಟ್ಟಿಯಿಂದ ಪರೀಕ್ಷೆಗೆ ಹಾಜರಾಗಲು ವಿಫಲರಾಗಿದ್ದಾರೆ. ಇದರಿಂದಾಗಿ ಅವರು 6 ಸೆಮಿಸ್ಟರ್ಗಳ ಪೈಕಿ ಒಂದರಲ್ಲೂ ಪಾಸಾಗಿಲ್ಲ.ಆಫೀಸ್ ಅಡ್ಮಿನಿಸ್ಟ್ರೇಷನ್ ಮತ್ತು ಸೆಕ್ರೆಟೆರಿಯಲ್ ಪ್ರಾಕಟಿಸ್(ಓಎಂಎಸ್ಪಿ) ವಿಷಯವನ್ನು ಆಯ್ಕೆ ಮಾಡಿಕೊಂಡಿದ್ದ ಧೋನಿ ಅವರ ನೋಂದಣಿ ಈ ವರ್ಷ ಮುಗಿಯಲಿದೆ.ಸುಲಭವಾಗಿ ಪದವಿ ಕೋರ್ಸ್ ಪೂರೈಸುವುದು ಸಾಧ್ಯವಿಲ್ಲ. ಪ್ರಥಮ ಸೆಮಿಸ್ಟರ್ ಪುಸ್ತಕಗಳನ್ನು ಪೂರೈಸಲಾಗಿತ್ತು. ಭಾರತ ತಂಡದ ನಾಯಕರಾಗಿರುವುದರಿಂದ ಹಾಜರಾತಿಯಲ್ಲೂ ವಿನಾಯಿತಿ ನೀಡಲಾಗಿತ್ತು. ಪರೀಕ್ಷೆಯ ವೇಳಾಪಟ್ಟಿ ಕುರಿತು ಮುಂಚಿತವಾಗಿ ಮಾಹಿತಿ ನೀಡಿದ್ದೇವು ಎಂದು ಕಾಲೇಜಿನ ಪ್ರಾಂಶುಪಾಲರು ತಿಳಿಸಿದ್ದಾರೆ.