Udayavni Special

ಸಾಮಾಜಿಕ ಪರಿವರ್ತನೆಯ ಹರಿಕಾರ

ಸಾಂದರ್ಭಿಕ

Team Udayavani, Sep 2, 2020, 6:01 AM IST

ಸಾಂದರ್ಭಿಕ: ಸಾಮಾಜಿಕ ಪರಿವರ್ತನೆಯ ಹರಿಕಾರ

ಬುಧವಾರ (ಸೆಪ್ಟಂಬರ್‌ 2 ) ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ. ಕೇರಳದಲ್ಲಿ ನಾರಾಯಣ ಗುರು ಅವರ ನಾಯಕತ್ವದಲ್ಲಿ ಆರಂಭವಾದ ಸಮಾನತೆಯ ಹೋರಾಟ ಮುಂದೆ ಸಾಮಾಜಿಕ ಮತ್ತು ಧಾರ್ಮಿಕ ಪರಿವರ್ತನೆಗೆ ಮುನ್ನುಡಿಯಾಯಿತು.

ದೇವಾಲಯಗಳಿಗೆ ಪ್ರವೇಶ ನಿರಾಕರಿಸಲ್ಪಟ್ಟಿದ್ದ ಸಮುದಾಯ ಶ್ರೀ ನಾರಾಯಣ ಗುರು ಅವರ ನೇತೃತ್ವದಲ್ಲಿ ದೇವಾಲಯಗಳನ್ನು ನಿರ್ಮಿಸಿ ಸ್ಥಾಪಿತ ಸಂಪ್ರದಾಯಗಳನ್ನು ಪ್ರಶ್ನಿಸಿತು.

ಬ್ರಿಟಿಷರ ಆಳ್ವಿಕೆ ವೇಳೆ ಭಾರತದಲ್ಲಿ ನಡೆದ ಈ ಪರಿವರ್ತನ ಕ್ರಾಂತಿ ಅಹಿಂಸಾ ತತ್ವದಲ್ಲಿ ನಡೆಯಿತು ಎಂಬುದು ಗಮನಾರ್ಹ.

ಒಂದೇ ಜಾತಿ, ಒಂದೇ ಮತ, ಒಂದೇ ದೇವರು – ಈ ಕಲ್ಪನೆಯನ್ನು ಮೂಡಿಸಿ, ಅದನ್ನು ಜನ ಮನಕ್ಕೆ ಹರಡಿದ ಬ್ರಹ್ಮಶ್ರೀ ನಾರಾಯಣ ಗುರುಗಳು ಶಾಸ್ತ್ರಗಳನ್ನು ಓದಿ, ಅದನ್ನು ಅರ್ಥೈಸಿಕೊಂಡೇ ರೂಢಿಗಳನ್ನು ಪ್ರಶ್ನಿಸಿದರು. ಅವರು ದೇವರನ್ನು ನಿರಾಕರಿಸಲಿಲ್ಲ.

ನಿಮ್ಮ ದೇವಾಲಯಗಳಲ್ಲಿ ನಮಗೆ ಪ್ರವೇಶ ಇಲ್ಲದಿದ್ದರೇನಂತೆ, ನಾವೇ ದೇವಾಲಯಗಳನ್ನು ಕಟ್ಟುತ್ತೇವೆ, ನಾವೇ ದೇವರನ್ನು ಸಂಸ್ಥಾಪಿಸುತ್ತೇವೆ ಎಂದರು. ಆ ಮೂಲಕ ಮತಾಂತರಕ್ಕೆ ತಡೆಯೊಡ್ಡಿದರು. ಒಂದು ಧರ್ಮದೊಳಗಿದ್ದೇ ಅದನ್ನು ಪರಿವರ್ತನೆಯ ಮೂಲಕ ಸುಧಾರಿಸಲು ಹೊರಟರು.

ಕೇರಳದ ತಿರುವನಂತಪುರದ ಚೆಂಬಳತ್ತಿ ಬ್ರಹ್ಮಶ್ರೀ ನಾರಾಯಣ ಗುರುಗಳ ಹುಟ್ಟೂರು. ತಂದೆ ಮದನ್‌ ಆಶಾನ್‌, ತಾಯಿ ಕುಟ್ಟಿಯಮ್ಮ. ಅವರು ಮಗನಿಗಿಟ್ಟ ಹೆಸರು ನಾಣು. ಬಾಲ್ಯದಲ್ಲಿ ವಿದ್ಯಾಭ್ಯಾಸಕ್ಕಾಗಿ ಅವರು ಊರೂರು ಅಲೆದಾಡ ಬೇಕಾಯಿತು.

ತಂದೆಗೆ ಅಸೌಖ್ಯ ಕಾಡಿದಾಗ ಅವರು ಊರಿಗೆ ಮರಳಿ, ಶಾಲೆ ತೆರೆದು, ಮಕ್ಕಳಿಗೆ ಪಾಠ ಮಾಡಿದರು. ಜನ ಅವರನ್ನು ನಾಣು ಆಶಾನ್‌ ಎಂದು ಕರೆದರು. ಆಶಾನ್‌ ಎಂದರೆ ಉಪಾಧ್ಯಾಯ ಎಂದರ್ಥವಿದೆ. ಶ್ರೀ ನಾರಾಯಣ ಗುರುಗಳು ಅನೇಕ ವಿದ್ವಾಂಸರು, ಗುರುಗಳಲ್ಲಿ ಕಲಿತರು, ಮಾರ್ಗದರ್ಶನ ಪಡೆದರು.

ಧರ್ಮ ಮತ್ತು ಅದರ ಆಚಾರ-ವಿಚಾರಗಳಿಗೆ ಸಂಬಂಧಿಸಿ ಅವರ ವಿಶಾಲ ನಿಲುವಿಗೆ ಇದೂ ಒಂದು ಕಾರಣ ಆಗಿರಲೂಬಹುದು. ಬ್ರಹ್ಮಶ್ರೀ ಶ್ರೀ ನಾರಾಯಣ ಗುರುಗಳು ಸಂಸ್ಕೃತ ಕಲಿತು ಆ ಮೂಲಕ ವೇದ ಉಪನಿಷತ್ತುಗಳನ್ನು ಅಭ್ಯಾಸ ಮಾಡಿದ್ದರು. ತಮ್ಮ ಬದುಕಿನಲ್ಲಿ ಕಾಲಿಗೆ ಚಕ್ರ ಕಟ್ಟಿಕೊಂಡಂತೆ ಸಂಚರಿಸುತ್ತಿದ್ದ ಅವರು ಶ್ರೀಲಂಕಾಕ್ಕೆ ಭೇಟಿ ನೀಡಿದ್ದರು.

ವೈಕೋ ದೇವಾಲಯವನ್ನು ಪ್ರವೇಶಿಸಲು ಎದುರಾದ ಅಡ್ಡಿಯೇ ಅವರು ಸಮಾಜ ಸುಧಾರಣೆಯ ಸಂಕಲ್ಪ ತೊಡಲು ಕಾರಣವಾಯಿತು. ದೇವರಿಲ್ಲದವರಿಗೆ ದೇವರನ್ನು ಕೊಟ್ಟರು ಎಂಬ ಮಾತು ವಾಸ್ತವ ಕೂಡ. ಕೇರಳದಲ್ಲಿ ಸುಧಾರಣೆಯ ಗಾಳಿ ಬೀಸಲು ಕಾರಣಕರ್ತರಾದವರಲ್ಲಿ ಅಗ್ರಣಿ ಬ್ರಹ್ಮಶ್ರೀ ನಾರಾಯಣ ಗುರುಗಳು. ರಾಷ್ಟ್ರಪಿತ ಮಹಾತ್ಮಾ ಗಾಂಧಿ ಅವರಿಗೆ ಶ್ರೀ ನಾರಾಯಣ ಗುರುಗಳ ಸಿದ್ಧಾಂತದಲ್ಲಿ ಒಲವಿತ್ತು.

ಇವರಿಬ್ಬರೂ ಪರಸ್ಪರ ಭೇಟಿಯಾಗಿದ್ದರು. ರವೀಂದ್ರನಾಥ ಠಾಗೋರ್‌ ಅವರು ಶ್ರೀ ನಾರಾಯಣ ಗುರುಗಳನ್ನು ಭೇಟಿ ಮಾಡಿ ಅವರ ತತ್ವಾದರ್ಶಗಳ ಬಗ್ಗೆ ತಿಳಿದುಕೊಂಡಿದ್ದರು. ಸಮಾಧಿಯಾಗುವಾಗ ಬ್ರಹ್ಮಶ್ರೀ ನಾರಾಯಣ ಗುರುಗಳಿಗೆ 73 ವರ್ಷ.

ಬ್ರಹ್ಮಶ್ರೀ ನಾರಾಯಣ ಗುರುಗಳ ಜೀವಿತರಿರುವಾಗಲೇ ಅವರ ಪ್ರತಿಮೆ ತಲಶ್ಯೇರಿಯಲ್ಲಿ ಸ್ಥಾಪನೆಯಾಗಿತ್ತು. ಕೇರಳ ಸರಕಾರ ಅವರ ಜನ್ಮ ದಿನ ಮತ್ತು ಸಮಾಧಿ ದಿನಗಳನ್ನು ಆಚರಿಸುತ್ತದೆ. ಕರ್ನಾಟಕ ಸರಕಾರ ಸೆ. 2ರಂದು ಅವರ ಜನ್ಮದಿನ ಆಚರಿಸುತ್ತದೆ. ಮಂಗಳೂರು ವಿಶ್ವವಿದ್ಯಾನಿಲಯ ಸಹಿತ ವಿವಿಧೆಡೆ ಅವರ ಹೆಸರಿನಲ್ಲಿ ಅಧ್ಯಯನ ಪೀಠಗಳು ಕಾರ್ಯಾಚರಿಸುತ್ತಿವೆ.

ಬ್ರಹ್ಮಶ್ರೀ ನಾರಾಯಣ ಗುರುಗಳ ನೇತೃತ್ವದಲ್ಲಿ ನಡೆದ ಚಳವಳಿಯನ್ನು ಸಾಮಾಜಿಕ ಅನ್ಯಾಯದ ವಿರುದ್ಧ ನಡೆದ ಚಳವಳಿ ಎಂದು ಸಮಾಜ ವಿಜ್ಞಾನ ಬಣ್ಣಿಸುತ್ತದೆ. ಅವರು ಕೇರಳದ ಈಳವ ಜನಾಂಗದ ಸುಧಾರಣೆಗೆ ಕೈಗೊಂಡ ಕ್ರಮಗಳು ಇಂದು ಆ ಸಮಾಜವನ್ನು ಪುಲಿಕುಡಿಯಂತಹ ಅನೇಕ ಮೂಢನಂಬಿಕೆ ಮತ್ತು ಹಣವ್ಯಯದ ಧಾರ್ಮಿಕ ನಂಬಿಕೆಗಳನ್ನು ತ್ಯಜಿಸುವಂತೆ ಮಾಡಿವೆ. ಕೆಡವಿ ಕಟ್ಟಿದವರು ಶ್ರೀ ನಾರಾಯಣ ಗುರುಗಳು. ಅದು ಹೇಗೆಂದರೆ ಶೇಂದಿ ಇಳಿಸುತ್ತಿದ್ದ ಈಳವರು ಮೊದಲು ಹುಣಸೆ ಮರದ ಕೆಳಗೆ ಪಿರಮಿಡ್‌ ಮಾದರಿಯ ಸಣ್ಣ ದೇವಾಲಯಗಳನ್ನು ಕಟ್ಟುತ್ತಿದ್ದರು, ಅಲ್ಲಿ ಬಲಿ ನೀಡುತ್ತಿದ್ದ ಸಂಪ್ರದಾಯವನ್ನು ಅನುಸರಿಸುತ್ತಿದ್ದರು.

ಇಂತಹ ಧಾರ್ಮಿಕ ಆಚರಣೆ ಗಳನ್ನು ತಪ್ಪಿಸಲು ನಾರಾಯಣ ಗುರುಗಳು “ಒಂದೇ ಜಾತಿ, ಒಂದೇ ಮತ ಹಾಗೂ ಒಂದೇ ದೇವರು’ ಸಿದ್ಧಾಂತವನ್ನು ಜಾರಿಗೆ ತಂದರು. ಸಾಂಪ್ರದಾಯಿಕ ಉದ್ಯೋಗಗಳನ್ನು ತ್ಯಜಿಸಿ ಹೊಸ ಶಿಕ್ಷಣ ಕ್ರಮ ರೂಪಿಸಿದ, ಕೈಗಾರಿಕಾ ಕ್ರಾಂತಿ ಸೃಷ್ಟಿಸಿದ ಉದ್ಯೋಗಗಳನ್ನು ಬಳಸಿಕೊಳ್ಳುವಂತೆ ಮತ್ತು ಅದಕ್ಕಾಗಿ ಶಿಕ್ಷಣ ಪಡೆಯುವಂತೆ ಜನ ಸಮುದಾಯವನ್ನು ಪ್ರೇರೇಪಿಸಿದರು.

ಮೈಸೂರು ವಿಶ್ವವಿದ್ಯಾನಿಲಯದ ಸಾಮಾಜಿಕ ಬದಲಾವಣೆಗಳ ಅಧ್ಯ ಯನಗಳ ನಿವೃತ್ತ ಪ್ರಾಧ್ಯಾಪಕ ಮತ್ತು ಯುಜಿಸಿ ಎಮಿರಿ ಟಸ್‌ ಪ್ರಾಧ್ಯಾಪಕರಾಗಿರುವ ಡಾ| ರಾಜಮಣಿ ಅವರು ತಮ್ಮ ‘ಕೇರಳದಲ್ಲಿ ಹಿಂದುಳಿದ ವರ್ಗಗಳ ಹೋರಾಟ’ ಲೇಖನದಲ್ಲಿ ನಾರಾಯಣ ಗುರುಗಳು ತಮ್ಮವರಿಗೆ ದೇವಾಲಯ ಪ್ರವೇಶ ನಿರಾಕರಿಸುತ್ತಿದ್ದವರ ವಿರುದ್ಧ “ಪ್ರತಿಭಟನೆ, ಸವಾಲು ಮತ್ತು ಸ್ಪರ್ಧೆ’ಯ ರೂಪದಲ್ಲಿ ಪ್ರಚುರ ಪಡಿಸಿದರು ಎನ್ನುತ್ತಾರೆ. ಅವರು ಹಳೆಯ ದೇವರನ್ನು ಕೈಬಿಟ್ಟು ಶೈವ ಮತ್ತು ವೈಷ್ಣವ ದೇವರಾದ ಶಿವ, ಸುಬ್ರಹ್ಮಣ್ಯ ಮತ್ತು ಜಗನ್ನಾಥ ದೇವರ ವಿಗ್ರಹಗಳನ್ನು ಪ್ರತಿಷ್ಠಾಪಿಸಿದರು.

‘ಅವರು ಈಳವರನ್ನು ಅವರ ದೇವಾಲಯದೊಳಗೆ ಪ್ರವೇಶಿಸಲು ಬಿಡದಿದ್ದರೇನಂತೆ, ನಾವು ನಮ್ಮದೇ ದೇವಾಲಯಗಳನ್ನು ಮಠಗಳನ್ನು ಕಟ್ಟೋಣ, ಅವರು ನನಗೆ ಶಿವಲಿಂಗವನ್ನು ಪ್ರತಿಷ್ಠಾಪಿಸಲು ಅಧಿಕಾರ ಇಲ್ಲ ಎನ್ನುತ್ತಾರಾದರೆ ನಾನು ಹೇಳುತ್ತೇನೆ, ನಾನು ಪ್ರತಿಷ್ಠಾಪಿ ಸುತ್ತಿರುವುದು ಈಳವ ಶಿವ’ ಎಂದು ಹೇಳುವ ಮೂಲಕ ಬ್ರಹ್ಮಶ್ರೀ ನಾರಾಯಣ ಗುರುಗಳು ಧಾರ್ಮಿಕ ಆವಶ್ಯಕತೆಗಳನ್ನು ಪೂರೈ ಸಲು ಹೊಸ ದೇವಾಲಯಗಳನ್ನು ಕಟ್ಟಿದರು. ಅಲ್ಲಿಗೇ ವಿರಮಿಸದೆ ಅವರು ದೇವಾಲಯಗಳು ಸ್ವತ್ಛತೆಗೆ ಪ್ರತೀಕವಾಗಬೇಕು ಎಂದರು.

ಅವರು ಮುಂಚೂಣಿಯಲ್ಲಿ ನಿಂತು ನಡೆಸಿದ ಚಳವಳಿ ಹಿಂದುಳಿದವರಿಗೆ ಮೇಲ್ಮುಖ ಸಾಮಾಜಿಕ ಚಲನೆ ಯನ್ನು ಒದಗಿಸಿಕೊಟ್ಟಿತು. ಈಳವ ಜನಾಂಗಕ್ಕೆ ಅವಶ್ಯವಾದ ತತ್ವಜ್ಞಾನವನ್ನು ಒದಗಿಸಿ, ಅದ್ಭುತ ವಾದ ಸರ್ವಾಂಗೀಣ ಸುಧಾರಣ ಕಾರ್ಯ ಕ್ರಮಗಳನ್ನು ನೀಡಿ ಆಧ್ಯಾತ್ಮಿಕ ಪುನರುತ್ಥಾನ ವನ್ನು ಕೊಡುವ ಮೂಲಕ ಪರಿವರ್ತನ ಶೀಲ ಆಂದೋಲನಕ್ಕೆ ಕಾರಣರಾದವರು ಬ್ರಹ್ಮಶ್ರೀ ನಾರಾಯಣ ಗುರುಗಳು.

– ಡಾ| ನಾಗವೇಣಿ ಎನ್‌. ಮಂಚಿ, ಮಂಗಳೂರು

ಉದಯವಾಣಿ ಸುದ್ದಿ ಈಗ ಟೆಲಿಗ್ರಾಂನಲ್ಲೂ ಲಭ್ಯ; ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

Fish

ಜೆಲ್ಲಿ ಮೀನು ಹಾವಳಿ: ಮತ್ತೆ ಮೀನುಗಾರಿಕೆಗೆ ಹೊಡೆತ

ಮುಗಿಯಿತು ಸ್ವಾಭಿಮಾನಿ ವಿದ್ಯಾರ್ಥಿಯ “ಕೂಲಿ ಬದುಕು’

ಮುಗಿಯಿತು ಸ್ವಾಭಿಮಾನಿ ವಿದ್ಯಾರ್ಥಿಯ “ಕೂಲಿ ಬದುಕು’

ಅಣೆಕಟ್ಟು ನಿರ್ವಹಣೆಗೆ 10 ಸಾವಿರ ಕೋಟಿ

ಅಣೆಕಟ್ಟು ನಿರ್ವಹಣೆಗೆ 10 ಸಾವಿರ ಕೋಟಿ

ಟ್ರಂಪ್‌ಗೆ ದೊಡ್ಡ ಸವಾಲೊಡ್ಡುತ್ತಿರುವ ಜೋ ಬೈಡೆನ್‌

ಟ್ರಂಪ್‌ಗೆ ದೊಡ್ಡ ಸವಾಲೊಡ್ಡುತ್ತಿರುವ ಜೋ ಬೈಡೆನ್‌

“ಸೂರ್ಯ ಟೀಮ್‌ ಇಂಡಿಯಾದಲ್ಲಿ ಇರಬೇಕಿತ್ತು’

“ಸೂರ್ಯ ಟೀಮ್‌ ಇಂಡಿಯಾದಲ್ಲಿ ಇರಬೇಕಿತ್ತು’

IPL

IPL 2020 : ಕೊಲ್ಕತ್ತಾ – ಚೆನ್ನೈ ಮುಖಾಮುಖಿ : ಕೆಕೆಆರ್‌ಗೆ ಕಂಟಕವಾಗಿ ಪರಿಣಮಿಸಿದ ಚೆನ್ನೈ

ಅಡಿಗಡಿಗೂ ನನಗೆ ತೊಂದರೆ ನೀಡುತ್ತಿರುವುದೇಕೆ? ನಾನು ಮಾಡಿರುವ ಅನ್ಯಾಯವಾದರೂ ಏನು?: ಕುಸುಮಾ

ಅಡಿಗಡಿಗೂ ನನಗೆ ತೊಂದರೆ ನೀಡುತ್ತಿರುವುದೇಕೆ? ನಾನು ಮಾಡಿರುವ ಅನ್ಯಾಯವಾದರೂ ಏನು?: ಕುಸುಮಾ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಚಿಂತನೆ: ಕೊನೆಯ ಪಯಣದ ಸಿದ್ಧತೆಗೆ ಶೌರಿ ಪಾಠ!

ಚಿಂತನೆ: ಕೊನೆಯ ಪಯಣದ ಸಿದ್ಧತೆಗೆ ಶೌರಿ ಪಾಠ!

Health

ಚಿಂತನೆ: ಆರೋಗ್ಯ ಸೇವೆಯ ದುರ್ಬಲ ಕೊಂಡಿ

ಚಿಂತನೆ: ಕಲ್ಯಾಣ ಕರ್ನಾಟಕಕ್ಕೆ ಬೇಕು ಪ್ರತ್ಯೇಕ ಬಜೆಟ್‌

ಚಿಂತನೆ: ಕಲ್ಯಾಣ ಕರ್ನಾಟಕಕ್ಕೆ ಬೇಕು ಪ್ರತ್ಯೇಕ ಬಜೆಟ್‌

School-re-openಚಿಂತನೆ: ಶಾಲೆ ಆರಂಭವಾಗುವ ಹೊತ್ತಿನಲ್ಲಿ ಮಕ್ಕಳು, ಪೋಷಕರ ಮನಃಸ್ಥಿತಿ

ಚಿಂತನೆ: ಶಾಲೆ ಆರಂಭವಾಗುವ ಹೊತ್ತಿನಲ್ಲಿ ಮಕ್ಕಳು, ಪೋಷಕರ ಮನಃಸ್ಥಿತಿ

‘ನಲಿಕಲಿ’ಗೆ ಸುಗಮಕಾರರ ಸಮೂಹ ತಟ್ಟೆ

‘ನಲಿಕಲಿ’ಗೆ ಸುಗಮಕಾರರ ಸಮೂಹ ತಟ್ಟೆ

MUST WATCH

udayavani youtube

ಅಪಾಯಕಾರಿ ತಿರುವು; ಎಚ್ಚರ ತಪ್ಪಿದರೆ ಅಪಘಾತ ಖಚಿತ!

udayavani youtube

Peoples take on reopening of schools | ಶಾಲೆ ಯಾಕೆ ಬೇಕು? ಯಾಕೆ ಬೇಡ ? | Udayavani

udayavani youtube

ಭಕ್ತಿ-ಸಂಭ್ರಮದ ಮಂಗಳೂರು ದಸರಾ -2020 ಸಂಪನ್ನ

udayavani youtube

ರಸ್ತೆಯಲ್ಲಿ ಉಂಟಾದ ಕೃತಕ ನೆರೆಯಲ್ಲೇ ಈಜಾಡಿದ ಯುವಕ

udayavani youtube

ಕೊರೋನಾ: ಶೋಚನೀಯವಾದ ತಿರುಗುವ ತೊಟ್ಟಿಲು ತಿರುಗಿಸುವ ಕೈಗಳ ಕಥೆ!

ಹೊಸ ಸೇರ್ಪಡೆ

ಮರವಂತೆ ಹೊರ ಬಂದರು: ಶೀಘ್ರ ಎರಡನೇ ಹಂತದ ಕಾಮಗಾರಿ

ಮರವಂತೆ ಹೊರ ಬಂದರು: ಶೀಘ್ರ ಎರಡನೇ ಹಂತದ ಕಾಮಗಾರಿ

MLR

ವ್ಯಾಜ್ಯಗಳಿಂದಾಗಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಹಿನ್ನಡೆ!

Football

ಕೆಎಸ್‌ಎ ಫುಟ್ಬಾಲ್‌ ಆಟಗಾರ ಮೈದಾನದಲ್ಲೇ ಸಾವು

ಆಯುರ್‌ ರಕ್ಷಾದಿಂದ ಕೋವಿಡ್ ಸೋಂಕು ತಡೆ ಸಾಧ್ಯ: ಡಾ| ಸಂತೋಷ್‌ ಗುರೂಜಿ

ಆಯುರ್‌ ರಕ್ಷಾದಿಂದ ಕೋವಿಡ್ ಸೋಂಕು ತಡೆ ಸಾಧ್ಯ: ಡಾ| ಸಂತೋಷ್‌ ಗುರೂಜಿ

Fish

ಜೆಲ್ಲಿ ಮೀನು ಹಾವಳಿ: ಮತ್ತೆ ಮೀನುಗಾರಿಕೆಗೆ ಹೊಡೆತ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.