ಹಾಗೆ ಸುಮ್ಮನೆ ಎರಡು ಪುಟ್ಟ ಕತೆಗಳು

Team Udayavani, Jun 23, 2019, 5:00 AM IST

ಸತ್ಯ ಎಲ್ಲಿದೆ…
ಶಿಷ್ಯ ಕೇಳಿದ, “”ಸತ್ಯ ಎಲ್ಲಿದೆ?”
ಗುರು ಹೇಳಿದ, “”ಎಲ್ಲವನ್ನೂ ಅನುಮಾನಿಸುವ ಹತ್ತಿರದಲ್ಲೆಲ್ಲೋ ಸತ್ಯವಿದೆ!”
“”ಅಷ್ಟು ವಿಶ್ವಾಸದಿಂದ ಹೇಗೆ ಹೇಳುವೆ?”
“”ಇಲ್ಲ, ಇದು ಕೂಡಾ ಅನುಮಾನವಷ್ಟೇ!”

ಆಕೆಯ ರೂಪಕ್ಕೆ ಮನಸೋತವರು…
ಇಬ್ಬರು ಗೆಳೆಯರು ರಸ್ತೆಯಲ್ಲಿ ನಡೆದು ಹೋಗುತ್ತಿದ್ದಾಗ, ಎದುರಿನಿಂದ ಅತ್ಯಂತ ಸುಂದರಿಯಾದ ಯುವತಿಯೊಬ್ಬಳು ನಡೆದು ಬರುತ್ತಿರುವುದು ಕಾಣಿಸಿತು.
ಆಕೆಯ ರೂಪಕ್ಕೆ ಮನಸೋತ ಇಬ್ಬರೂ ಆಕೆಯನ್ನೇ ಬಿಟ್ಟ ಕಣ್ಣುಗಳಿಂದ ನೋಡುತ್ತ ನಡೆಯತೊಡಗಿದಾಗ, ಇಬ್ಬರಲ್ಲಿ ಒಬ್ಬ ಕಲ್ಲೊಂದನ್ನು ಎಡವಿ ಮುಗ್ಗರಿಸಿ ಬಿದ್ದ!
ಸಹಾಯಕ್ಕಾಗಿ ಗೆಳೆಯನೆಡೆಗೆ ಕೈಚಾಚುತ್ತ ಕೇಳಿದ, “”ನಾವಿಬ್ಬರೂ ಆಕೆಯನ್ನೇ ನೋಡುತ್ತಿದ್ದೆವು, ನೀನೇಕೆ ನನ್ನಂತೆ ಎಡವಿ ಬೀಳಲಿಲ್ಲ?”
ಈತನನ್ನು ಮೇಲಕ್ಕೆ ಎತ್ತುತ್ತ ಆತ ನುಡಿದ, “”ನಾನು ನಡೆಯುತ್ತ ನೋಡುತ್ತಿದ್ದೆ, ನೀನು ನೋಡುತ್ತ ನಡೆಯುತ್ತಿದ್ದೆ!”