Udayavni Special

ತೆರಿಗೆ ಏರಿಕೆ ಸರಿಯಲ್ಲ ಜಿಎಸ್‌ಟಿ ಹೊರೆಯಾಗುವುದು ಬೇಡ


Team Udayavani, Dec 9, 2019, 5:34 AM IST

GST

ಒಂದು ದೇಶ, ಒಂದು ಮಾರುಕಟ್ಟೆ ಮತ್ತು ಒಂದು ತೆರಿಗೆ ಎಂಬ ಧ್ಯೇಯದೊಂದಿಗೆ ಎರಡೂವರೆ ವರ್ಷದ ಹಿಂದೆ ಜಾರಿಗೆ ತರಲಾಗಿದ್ದ, ದೇಶದ ಅತಿ ದೊಡ್ಡ ತೆರಿಗೆ ಸುಧಾರಣೆ ಎಂದು ವ್ಯಾಖ್ಯಾನಿಸಲ್ಪಟ್ಟ ಸರಕು ಮತ್ತು ಸೇವಾ ತೆರಿಗೆ ವ್ಯವಸ್ಥೆಯನ್ನು ಆಮೂಲಾಗ್ರವಾಗಿ ಬದಲಾಯಿಸುವ ಚಿಂತನೆ ಸರಕಾರಕ್ಕಿದೆ. ಜಿಎಸ್‌ಟಿ ಬದಲಾವಣೆ ಆಗಬೇಕಾದದ್ದೇ. ಜಾರಿಗೆ ಬಂದು ಎರಡೂವರೆ ವರ್ಷವಾಗಿದ್ದರೂ ಜಿಎಸ್‌ಟಿಯ ಗೊಂದಲಗಳಿನ್ನೂ ಮುಗಿದಿಲ್ಲ.

ಈ ತೆರಿಗೆ ವ್ಯವಸ್ಥೆಯಲ್ಲಿರುವ ಕೆಲವು ವಿರೋಧಾಭಾಸಗಳು ನಿರಂತರ ಟೀಕೆಗೂ, ಗೇಲಿಗೂ ಒಳಗಾಗುತ್ತಿವೆ. ಜಿಎಸ್‌ಟಿಯಲ್ಲಿರುವ ಇಂಥ ಹಲವು ಲೋಪದೋಷಗಳು ನಿವಾರಣೆಯಾಗಬೇಕಾದರೆ ಅದನ್ನು ಆಮೂಲಾಗ್ರವಾಗಿ ಪರಿಶೀಲಿಸಬೇಕಾದ ಅಗತ್ಯವಿದೆ. ಆದರೆ ಈ ಬದಲಾವಣೆಯಿಂದ ಜನರ ತೆರಿಗೆ ಹೊರೆ ಇನ್ನಷ್ಟು ಹೆಚ್ಚಾಗುವುದು ಮಾತ್ರ ಸಮ್ಮತವಲ್ಲ.

ಆದರೆ ಸದ್ಯಕ್ಕೆ ಲೋಪದೋಷಗಳ ನಿವಾರಣೆಗಿಂತಲೂ ತೆರಿಗೆ ಸಂಗ್ರಹವನ್ನು ಹೆಚ್ಚಿಸಿಕೊಳ್ಳುವುದು ಸರಕಾರದ ಆದ್ಯತೆಯಾಗಿರುವಂತೆ ಕಾಣಿಸುತ್ತಿದೆ. ಈ ಉದ್ದೇಶದಿಂದ ಶೇ.5 ತೆರಿಗೆ ಪ್ರಮಾಣವನ್ನು ಶೇ.9-10ಕ್ಕೆ ಏರಿಸುವ ಮತ್ತು ಶೇ. 12 ತೆರಿಗೆ ಸ್ಲಾéಬ್‌ ಕಿತ್ತು ಹಾಕುವ ಚಿಂತನೆ ನಡೆದಿದೆ. ಹೀಗಾದರೆ ಜಿಎಸ್‌ಟಿ ಎಂಬ ರಮ್ಯ ಕನಸು ಜನ ಸಾಮಾನ್ಯರಿಗೆ ಮಾತ್ರವಲ್ಲದೆ ಉದ್ಯಮಿಗಳ ಪಾಲಿಗೂ ದುಃಸ್ವಪ್ನವಾಗಿ ಕಾಡಬಹುದು.

ಪ್ರಸ್ತುತ ಶೇ. 12 ಸ್ಲಾಬ್‌ನಲ್ಲಿರುವ 243 ಸರಕು ಮತ್ತು ಸೇವೆಗಳು ಬಹುತೇಕ ಮಧ್ಯಮ ವರ್ಗದವರು ಮತ್ತು ಕೆಳ ಮಧ್ಯಮ ವರ್ಗದವರು ಬಳಸುವಂಥದ್ದು. ಇದನ್ನು ಶೇ.18ರ ಸ್ಲಾಬ್‌ಗ ತಂದರೆ ಖಂಡಿತ ಅದು ಹೊರೆಯಾಗಿ ಪರಿಣಮಿಸಲಿದೆ.

ಜಿಎಸ್‌ಟಿ ಜಾರಿಗೆ ತರುವಾಗ ಉತ್ಪಾದಕರು ಮತ್ತು ವರ್ತಕರು ಒಂದೇ ತೆರಿಗೆಯಿಂದ ತಮಗೆ ಬಹಳ ಅನುಕೂಲವಾಗಬಹುದು ಎಂದು ಭಾವಿಸಿದ್ದರು. ಪಾರದರ್ಶಕ ಕಾನೂನುಗಳು, ಸರಳ ಲೆಕ್ಕಪತ್ರಗಳು…ಹೀಗೆ ವರ್ತಕರು ಕಂಡ ಕನಸುಗಳು ಹಲವು. ಗ್ರಾಹಕರು ಕೂಡ ತಮ್ಮ ಜೀವನಾವಶ್ಯಕ ವಸ್ತುಗಳ ಬೆಲೆ ಕಡಿಮೆಯಾಗಬಹುದು. ಈ ಮೂಲಕ ಉಳಿತಾಯ ವಾಗುವ ಹಣ ಮಕ್ಕಳ ಶಿಕ್ಷಣಕ್ಕೋ, ವೃದ್ಧರ ಔಷಧಿಗೋ ಉಪಯೋಗಬಹುದು ಎಂದು ಲೆಕ್ಕಾಚಾರ ಹಾಕಿದ್ದರು. ತೆರಿಗೆ ಸೋರಿಕೆ ಕಡಿಮೆಯಾಗಿ ಸರಕಾರದ ಬೊಕ್ಕಸ ತುಂಬಿ ತುಳುಕಲಿದೆ ಎಂದು ನಂಬಿಸಲಾಗಿತ್ತು. ಆದರೆ ಎರಡೂವರೆ ವರ್ಷ ಕಳೆದ ಬಳಿಕ ನೋಡಿದಾಗ ಈ ಇದ್ಯಾವುದೂ ಆದಂತೆ ಕಾಣಿಸುವುದಿಲ್ಲ. ಸರಕಾರ ಹೇಳಿರುವುದೇ ಬೇರೆ ವಾಸ್ತವ ಸ್ಥಿತಿಯೇ ಬೇರೆ. ಜನರು ಹಿಂದಿನಂತೆಯೇ ತೆರಿಗೆ ಪಾವತಿಸುತ್ತಿದ್ದಾರೆ. ವಸ್ತುಗಳ ಮತ್ತು ಸೇವೆಗಳ ಬೆಲೆ ಹೆಚ್ಚಾಗುತ್ತಿದೆಯೇ ಹೊರತು ಕಡಿಮೆಯಾಗುವ ಲಕ್ಷಣಗಳು ಕಾಣಿಸುತ್ತಿಲ್ಲ. ಜಿಎಸ್‌ಟಿಯಿಂದಾಗಿ ಯಾವ ವಸ್ತುವೂ ಅಗ್ಗವಾಗಿರುವುದು ಕಂಡು ಬಂದಿಲ್ಲ. ಹೀಗಿರುವಾಗ ಇಂಥ ಒಂದು ಅಗಾಧ ಸ್ಥಿತ್ಯಂತರವನ್ನು ಮಾಡಿ ಆದ ಲಾಭವೇನು? ಈ ಪ್ರಶ್ನೆಗೆ ಉತ್ತರಿಸುವ ಬಾಧ್ಯತೆ ನಮ್ಮನ್ನು ಆಳುವವರ ಮೇಲಿದೆ.

ಜಿಎಸ್‌ಟಿಯಿಂದಾಗಿ ತೆರಿಗೆ ಕಡಿಮೆಯಾಗ ಬೇಕಿರುವುದು ಮಾತ್ರವಲ್ಲದೆ ತೆರಿಗೆ ಸ್ಲಾಬ್‌ಗಳೂ ಕಡಿಮೆಯಾಗಬೇಕು. ಪ್ರಸ್ತುತ ನಮ್ಮಲ್ಲಿ ನಾಲ್ಕು ಸ್ಲಾಬ್‌ಗಳಿವೆ. ಇದನ್ನು ಕ್ರಮೇಣ ಎರಡು ಸ್ಲಾಬ್‌ಗ ತರಬೇಕೆಂದು ಆರಂಭದಿಂದಲೇ ಅರ್ಥ ಶಾಸ್ತ್ರಜ್ಞರು ಸಲಹೆ ನೀಡುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಸರಕಾರ ಸೂಕ್ತ ಚಿಂತನೆಗಳನ್ನು ನಡೆಸಬೇಕು. ಅಂತೆಯೇ ಪೆಟ್ರೋಲಿಯಂ ಸೇರಿದಂತೆ ಹಲವು ಜೀವನಾವಶ್ಯಕ ವಸ್ತುಗಳನ್ನು ಜಿಎಸ್‌ಟಿ ವ್ಯಾಪ್ತಿಯಿಂದ ಹೊರಗಿಡಲಾಗಿದೆ.

ಇವುಗಳಿಗೂ ಜಿಎಸ್‌ಟಿ ಅನ್ವಯಿಸುವಂತೆ ಮಾಡಿ ಅವುಗಳ ಬೆಲೆ ಕಡಿಮೆಯಾಗುವಂತೆ ಮಾಡಬೇಕು. ಜಿಎಸ್‌ಟಿ ಪಾರದರ್ಶಕ ಎಂದು ಸರಕಾರ ಹೇಳುತ್ತಿದ್ದರೂ ರಂಗೋಲಿ ಕೆಳಗೆ ತೂರಿ ಹೋಗುವವರು ಇಲ್ಲೂ ಇದ್ದಾರೆ.

ಇತ್ತೀಚೆಗಷ್ಟೆ ಬಯಲಾದ ನಕಲಿ ರಸೀದಿ ಸೃಷ್ಟಿಸಿ ಕ್ರೆಡಿಟ್‌ ಇನ್‌ಪುಟ್‌ ಪಡೆದುಕೊಂಡ ಪ್ರಕರಣವೇ ಇದಕ್ಕೆ ಸಾಕ್ಷಿ.ಇದರಿಂದ ಜಿಎಸ್‌ಟಿ ಸಂಪೂರ್ಣ ಸುರಕ್ಷಿತ ಅಲ್ಲ ಎನ್ನುವುದು ಸಾಬೀತಾಗುತ್ತದೆ. ಇಂಥ ಲೋಪಗಳನ್ನು ಮೊದಲು ಸರಿಪಡಿಸಬೇಕು. ಜೊತೆಗೆ ಸಿಜಿಎಸ್‌ಟಿ, ಎಸ್‌ಜಿಎಸ್‌ಟಿ, ಸಿಜಿಎಸ್‌ಟಿ ಎಂಬ ಬೇರೆ ಬೇರೆ ರೂಪದ ತೆರಿಗೆ ಸಂಗ್ರಹ ಗೊಂದಲ ನಿವಾರಣೆಯಾಗಿ ಸರಕಾರವೇ ಹೇಳಿಕೊಂಡಂತೆ ಒಂದೇ ತೆರಿಗೆ ಎಂಬ ಪರಿಕಲ್ಪನೆ ಸಾಕಾರವಾಗಬೇಕು. ಜಿಎಸ್‌ಟಿಯನ್ನು “ಗುಡ್‌ ಆ್ಯಂಡ್‌ ಸಿಂಪಲ್‌ ಟ್ಯಾಕ್ಸ್‌’ ಪದ್ಧತಿಯನ್ನಾಗಿ ಮಾಡಲು ಮೊದಲ ಆದ್ಯತೆ ನೀಡಬೇಕು.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಭಾರತೀಯ ಒಲಿಂಪಿಕ್ಸ್‌ ತಂಡಕ್ಕೆ ಐನಾಕ್ಸ್‌ ಪ್ರಾಯೋಜಕತ್ವ

ಭಾರತೀಯ ಒಲಿಂಪಿಕ್ಸ್‌ ತಂಡಕ್ಕೆ ಐನಾಕ್ಸ್‌ ಪ್ರಾಯೋಜಕತ್ವ

kaup

ಕಾಪು ಶಾಸಕ ಲಾಲಾಜಿ ಆರ್ ಮೆಂಡನ್ ಅವರಿಗೆ ಕೋವಿಡ್ ಪಾಸಿಟಿವ್

green-indiua

ಗ್ರೀನ್ ಇಂಡಿಯಾ ಚಾಲೆಂಜ್ ಸ್ವೀಕರಿಸಿದ ನಟ ವಿಜಯ್, ನಟಿ ಶ್ರುತಿ ಹಾಸನ್

ಕ್ರಿಕೆಟಿಗೆ ವಿದಾಯ ಹೇಳಿದ ಲಾರಾ ಮಾರ್ಷ್‌

ಕ್ರಿಕೆಟಿಗೆ ವಿದಾಯ ಹೇಳಿದ ಲಾರಾ ಮಾರ್ಷ್‌

pineapple–750

ಸಿಹಿಗೂ ಸೈ, ಸಾಂಬಾರಿಗೂ ಜೈ; ಇದು ಪೈನಾಪಲ್ ಪಾಕ ಲೋಕ!

Covid

ರಷ್ಯಾದ Covid-19 ಲಸಿಕೆ ಫೇಕ್ ? ಸುರಕ್ಷೆಯ ಕುರಿತು ಬಹುದೊಡ್ಡ ಪ್ರಶ್ನೆ

ಕರುಣ್‌ ನಾಯರ್‌ಗೆ ಕೋವಿಡ್; ಚೇತರಿಕೆಯ ಬಳಿಕ ಹಬ್ಬಿದ ಸುದ್ದಿ

ಕರುಣ್‌ ನಾಯರ್‌ಗೆ ಕೋವಿಡ್; ಚೇತರಿಕೆಯ ಬಳಿಕ ಹಬ್ಬಿದ ಸುದ್ದಿ




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಶೈಕ್ಷಣಿಕ ಸಂದಿಗ್ಧತೆ; ಸರಕಾರಗಳ ಕಾಳಜಿ ಶ್ಲಾಘನೀಯ

ಶೈಕ್ಷಣಿಕ ಸಂದಿಗ್ಧತೆ; ಸರಕಾರಗಳ ಕಾಳಜಿ ಶ್ಲಾಘನೀಯ

ಕೋವಿಡ್‌ ಲಸಿಕೆ ಭಾರತದ ಸಿದ್ಧತೆ

ಕೋವಿಡ್‌ ಲಸಿಕೆ ಭಾರತದ ಸಿದ್ಧತೆ

ನೆರೆ ಪರಿಹಾರ ದೂರದೃಷ್ಟಿ ಬೇಕಿದೆ

ನೆರೆ ಪರಿಹಾರ ದೂರದೃಷ್ಟಿ ಬೇಕಿದೆ

ರಕ್ಷಣ ಇಲಾಖೆಯ ಸಮುಚಿತ ನಿರ್ಧಾರ ಆತ್ಮನಿರ್ಭರತೆಯ ಹಾದಿಯಲ್ಲಿ

ರಕ್ಷಣ ಇಲಾಖೆಯ ಸಮುಚಿತ ನಿರ್ಧಾರ ಆತ್ಮನಿರ್ಭರತೆಯ ಹಾದಿಯಲ್ಲಿ

ನಿಷ್ಕ್ರಿಯಗೊಳ್ಳುತ್ತಿರುವ ಫ‌ುಕುಶಿಮಾ ಪರಮಾಣು ರಿಯಾಕ್ಟರ್‌

ನಿಷ್ಕ್ರಿಯಗೊಳ್ಳುತ್ತಿರುವ ಫ‌ುಕುಶಿಮಾ ಪರಮಾಣು ರಿಯಾಕ್ಟರ್‌

MUST WATCH

udayavani youtube

Gendun Gyatso Lama : ನಾನೇಕೆ ಭಾರತಕ್ಕೆ ಓಡಿ ಬಂದೆ? ಸ್ವಾತಂತ್ರ್ಯದ ಓಟ

udayavani youtube

ಅನಂತ ಕುಮಾರ್ ಹೇಳಿಕೆ ವಿರೋಧಿಸಿ BSNL Employees Union ಮಂಗಳೂರು ವತಿಯಿಂದ ಪ್ರತಿಭಟನೆ

udayavani youtube

ವರ್ಷಕ್ಕೊಮ್ಮೆಯಾದರೂ ಭೂಮಿತಾಯಿಯ ಸೇವೆಯನ್ನು ಮಾಡೋಣ ಎಂದು ವಿನಂತಿಸಿದ ಕೃಷಿಕ Rangayya Naik

udayavani youtube

ಪಾರಂಪರಿಕ ಕುಂಬಾರಿಕೆ ವೃತ್ತಿಗೆ Modern Touch | Traditional Pottery Making

udayavani youtube

ಕೂಲಿ ಕೆಲಸದ ಜೊತೆಗೆ ವಿದ್ಯಾಭ್ಯಾಸ ಮಾಡಿ SSLCಯಲ್ಲಿ616 ಅಂಕ : ಶಿಕ್ಷಣ ಸಚಿವರಿಂದ ಅಭಿನಂದನೆ



ಹೊಸ ಸೇರ್ಪಡೆ

ಭಾರತೀಯ ಒಲಿಂಪಿಕ್ಸ್‌ ತಂಡಕ್ಕೆ ಐನಾಕ್ಸ್‌ ಪ್ರಾಯೋಜಕತ್ವ

ಭಾರತೀಯ ಒಲಿಂಪಿಕ್ಸ್‌ ತಂಡಕ್ಕೆ ಐನಾಕ್ಸ್‌ ಪ್ರಾಯೋಜಕತ್ವ

ಶಿವಮೊಗ್ಗ: ಲಂಚ ಸ್ವೀಕಾರದ ವೇಳೆ ಎಸಿಬಿ ಬಲೆಗೆ ಬಿದ್ದ ಭದ್ರಾವತಿ ನಗರ ಸಭೆಯ ಗುಮಾಸ್ತ

ಶಿವಮೊಗ್ಗ: ಲಂಚ ಸ್ವೀಕಾರದ ವೇಳೆ ಎಸಿಬಿ ಬಲೆಗೆ ಬಿದ್ದ ಭದ್ರಾವತಿ ನಗರ ಸಭೆಯ ಗುಮಾಸ್ತ

kaup

ಕಾಪು ಶಾಸಕ ಲಾಲಾಜಿ ಆರ್ ಮೆಂಡನ್ ಅವರಿಗೆ ಕೋವಿಡ್ ಪಾಸಿಟಿವ್

green-indiua

ಗ್ರೀನ್ ಇಂಡಿಯಾ ಚಾಲೆಂಜ್ ಸ್ವೀಕರಿಸಿದ ನಟ ವಿಜಯ್, ನಟಿ ಶ್ರುತಿ ಹಾಸನ್

ಕ್ರಿಕೆಟಿಗೆ ವಿದಾಯ ಹೇಳಿದ ಲಾರಾ ಮಾರ್ಷ್‌

ಕ್ರಿಕೆಟಿಗೆ ವಿದಾಯ ಹೇಳಿದ ಲಾರಾ ಮಾರ್ಷ್‌

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.