Udayavni Special

ಶೋ ಮತ್ತು ರಿಯಾಲಿಟಿ


Team Udayavani, Aug 3, 2019, 5:56 AM IST

z-57

ಅಚ್ಚರಿಯ ಸಂಗತಿಯೆಂದರೆ ಈ ಸ್ಪರ್ಧೆ ಸುಮಾರು 250 ಕಂತುಗಳನ್ನು ಸಮೀಪಿಸುತ್ತಲೆ ಫ್ಲವರ್‌ ಟಿವಿಯ ಅಧಿಕಾರಿಗಳು ಸೂಕ್ತ ಪ್ರಾಯೋಜಕರನ್ನು ಕಂಡುಕೊಂಡು ಸ್ಪಾರ್ಧಾನಿರತ 22 ಮಂದಿಗೂ ಸ್ನಾತಕೋತ್ತರ ಪದವಿಯ ವರೆಗೂ ವಿದ್ಯಾಭ್ಯಾಸ ಮುಂದುವರಿಸಲು ತಲಾ 22 ಲಕ್ಷ ರೂಪಾಯಿಗಳ ವಿದ್ಯಾರ್ಥಿವೇತನ ಯೋಜನೆಯನ್ನು ಜಾರಿಮಾಡಿರುವುದು.

ರಿಯಾಲಿಟಿ ಶೋಗಳಿಂದ ಮಕ್ಕಳನ್ನು ಶೋಭಾವಲಯಕ್ಕೆ ತಂದು ಆ ಮೂಲಕ ತಮ್ಮ ಜನಪ್ರಿಯತೆಯನ್ನು ಹಬ್ಬಿಸುವುದು ಟಿವಿ ಎಂಬ ಮಾಧ್ಯಮ ಹುಟ್ಟಿದಂದಿನಿಂದ ತೋರಿಬರುವ ಗತಿವಿಧಿ. ಹಾಡು, ನೃತ್ಯಾಭಿನಯ, ಶೈಕ್ಷಣಿಕತೆ ಇತ್ಯಾದಿ ರಂಗಗಳ ಬಾಲ ಪ್ರತಿಭೆಗಳನ್ನು ಸ್ಪರ್ಧೆಗೆ ಹಚ್ಚಿ ಸಭಾಂಗಣದಲ್ಲೂ ಎಲ್ಲೆಡೆಯ ಟಿವಿಗಳ ಮುಂದೂ ಪ್ರೇಕ್ಷಕರನ್ನು ಆಕರ್ಷಿಸುವ ರಿಯಾಲಿಟಿ ಶೋಗಳು ಇತರ ಪ್ರಯೋಜನಗಳನ್ನು ಎಷ್ಟು ಕೊಟ್ಟರೂ ಮಕ್ಕಳ ವಿದ್ಯಾಭ್ಯಾಸಕ್ಕೆ ಬಲುದೊಡ್ಡ ತೊಡಕಾಗುತ್ತಿರುವುದು ಹೆತ್ತವರ ಆತಂಕವೂ ಹೌದು. ಆದರೆ ಕೇರಳದ ‘ಫ್ಲವರ್‌ ಟಿವಿ’ ಈ ನಿಟ್ಟಿನಲ್ಲಿ ಹೇಳಿಕೊಳ್ಳುವಂತೆ ವಿಶ್ವದಲ್ಲೇ ಹೊಸದೊಂದು ಉಪಕ್ರಮದಿಂದ ವಿಶ್ವದ ಗಮನ ಸೆಳೆದಿದೆ.

ಆರರಿಂದ ಹದಿನಾಲ್ಕು ವರ್ಷಗಳ ನಡುವಣ ಬಾಲಪ್ರತಿಭೆಗಳಲ್ಲಿ 22 ಮಂದಿಯನ್ನು ಆಯ್ದುಕೊಂಡು ಸಿನೆಮಾ ಸಂಗೀತದಲ್ಲಿ ಸ್ಪರ್ಧೆ ಏರ್ಪಡಿಸಿದಾಗ ಮಕ್ಕಳಿಗೂ, ತಮಗೂ ವಿಶ್ವದ ಆದ್ಯಂತ ಪ್ರಚಾರ ಪ್ರಸಿದ್ಧಿ ದೊರೆಯುತ್ತಿರುವುದಾಗಿ ಹೆತ್ತವರಿಗೆ ರೋಮಾಂಚವಿರುವುದಾದರೂ ಅವರು ಮಕ್ಕಳ ಶೈಕ್ಷಣಿಕ ವರ್ಷ ನಷ್ಟವಾಗುವುದಕ್ಕೆ ಒಡಲುರಿ ಕಟ್ಟಿಕೊಂಡೆ ಇರುತ್ತಿದ್ದರು. ಅಲ್ಲದೆ ಇಬ್ಬರಿಗೆ ಮಾತ್ರ ದಕ್ಕುವ ಬಹುಮಾನ (ಪ್ರಥಮ 50 ಲಕ್ಷ ರೂ., ಬೆಲೆಯ ಫ್ಲ್ಯಾಟ್ ಮತ್ತು ದ್ವಿತೀಯ: 15ಲಕ್ಷ ರೂ. ನಗದು). ಇದಕ್ಕಾಗಿ ಇಪ್ಪತ್ತು ಮಕ್ಕಳ ದುಡಿಮೆ ಮತ್ತು ಶೈಕ್ಷಣಿಕ ನಷ್ಟದ ರಿಸ್ಕಿನ ತೂಗುಗತ್ತಿಯ ಕೆಳಗೇ ಅವರಿರುವುದು.

ಸಾಮಾನ್ಯವಾಗಿ ಒಂದು ವರ್ಷದವರೆಗೆ ಸಾಗುವ ರಿಯಾಲಿಟಿ ಶೋದಲ್ಲಿ ಮೂರು ತಿಂಗಳಾಗುವಾಗ ಅರ್ಧಾಂಶ ಸ್ಪರ್ಧಿಗಳು ಕಣ್ಣೀರಿನಿಂದ ವೇದಿಕೆ ತೋಯಿಸಿ ಹೊರಬೀಳುವುದು, ಉಳಿದವರಲ್ಲಿ ಕೆಲವರು ಇನ್ನೊಂದು ಎಲಿಮಿನೇಷನ್‌ ಸುತ್ತಿನಲ್ಲಿ ಬಿಕ್ಕಳಿಸಿ ಹೊರಬೀಳುವುದು, ಐದು ಮಂದಿಯಷ್ಟು ಫೈನಲಿನಲ್ಲಿ ಹೋರಾಡಿ ಅಂತಿಮವಾಗಿ ಇಬ್ಬರಿಗೆ ಬಹುಮಾನವನ್ನು ಗೆಲ್ಲಲು ಬಿಡುವುದು ಪದ್ಧತಿ.

ಈಗಾಗಲೇ ಸಿಲೆಕ್ಷನ್‌ ರೌಂಡ್‌ ಸಹಿತ 275 ಕಂತುಗಳಲ್ಲಿ ತಲಾ ಮೂವರು ಸ್ಪರ್ಧಿಗಳಿಂದ ಗಾಯನ ಆಲಿಸಿದ ಫ್ಲವರ್‌ ಟಿವಿಯ ಟಾಪ್‌ ಸಿಂಗರ್‌ ಶೋ ನಡೆಸುತ್ತಿರುವ ತೀರ್ಪುಗಾರರಾಗಿರುವ ಪ್ರಸಿದ್ಧ ಸಂಗೀತ ನಿರ್ದೇಶಕರಾದ ಎಂ. ಜಿ. ಶ್ರೀಕುಮಾರ್‌, ಎಂ. ಜಯಚಂದ್ರನ್‌, ಗಾಯಕಿಯರಾದ ಸಿತಾರ, ಅನುರಾಧಾ, ವಿಧು ಪ್ರತಾಪ್‌ ಅವರ ನಿರ್ವಹಣ ರೀತಿ ಮಾತ್ರ ಎಲ್ಲೂ ರಿಯಾಲಿಟಿ ಶೋಗಳಲ್ಲಿ ಇದುವರೆಗೆ ಕಂಡಂಥದಲ್ಲ. ಸ್ಪರ್ಧಾಳುಗಳಾಗಿ ಬೆಂಗಳೂರಿನ ಮೂವರು ಮಕ್ಕಳು, ಹೈದರಾಬಾದಿನ ಒಬ್ಬಳ ಸಹಿತ 22 ಮಂದಿಯೂ ಎಲಿಮಿನೇಶನ್‌ ಅರಿಯದೆ ಸ್ಪರ್ಧೆಯಲ್ಲಿ ಸುಮಾರು ಹತ್ತು ತಿಂಗಳನ್ನು ಕಳೆದಿದ್ದಾರೆ. ಮೊದಲಿಗೆ ಅವರಲ್ಲಿದ್ದ ಹಾಡುಗಾರಿಕೆಯ ಮಟ್ಟದ ಏರುತಗ್ಗು ಇಂದು ಅಚ್ಚರಿಯ ಬಗೆಯಾಗಿ ತಗ್ಗಿ, ಯಾರೂ ಪ್ರಶಸ್ತಿಯನ್ನು ಎತ್ತಬಲ್ಲರು ಎಂಬಲ್ಲಿ ವರೆಗೆ ಬೆಳೆದುಬಿಟ್ಟಿದ್ದಾರೆ.

ಇದರಲ್ಲಿ ತೀರ್ಪುಗಾರರು ಮಕ್ಕಳ ಒಂದಿಗೆ ಮಕ್ಕಳಾಗಿ ಬೆರೆಯುವುದಲ್ಲದೆ, ತರಬೇತುದಾರರೂ, ನಿರ್ದೇಶಕರೂ, ಪೋಷಕರೂ ಆಗಿ ಸಂಗೀತ ಮಾತ್ರವಲ್ಲ, ಸಾಂಸ್ಕೃತಿಕ ಅರಿವನ್ನೂ ನೀಡುತ್ತಿ ರುವುದು ಅಚ್ಚರಿಯ ಸಂಗತಿ. ಧಾರಾಳ ರಿಯಾಯಿತಿಯಿಂದಲೆ ಇವರ ಮೌಲ್ಯಮಾಪನ. ಸಮಕಾಲೀನ ಶಿಕ್ಷಣ ಪದ್ಧತಿಗೆ ಇದು ಪರ್ಯಾಯ ರೀತಿ ಕೂಡ.

ಅಚ್ಚರಿಯ ಇನ್ನೊಂದು ಮಾತು ಸ್ಪರ್ಧೆ ಸುಮಾರು 250 ಕಂತುಗಳನ್ನು ಸಮೀಪಿಸುತ್ತಲೆ ಫ್ಲವರ್‌ ಟಿವಿಯ ಅಧಿಕಾರಿಗಳು ಸೂಕ್ತ ಪ್ರಾಯೋಜಕರನ್ನು ಕಂಡುಕೊಂಡು ಸ್ಪಾರ್ಧಾನಿರತ 22 ಮಂದಿಗೂ ಸ್ನಾತಕೋತ್ತರ ಪದವಿವರೆಗೆ ವಿದ್ಯಾಭ್ಯಾಸ ಮುಂದುವರಿಸಲು ತಲಾ 22 ಲಕ್ಷ ರೂ.ಗಳ ವಿದ್ಯಾರ್ಥಿವೇತನ ಯೋಜನೆಯನ್ನು ಜಾರಿಮಾಡಿರುವುದು. ಇನ್ನು ಯಾರು ಪ್ರಶಸ್ತಿ ಎತ್ತಿದರೂ ಸ್ಪರ್ಧಾನಿರತ ಮಕ್ಕಳಿಗೆ ಮತ್ತು ಅವರ ಹೆತ್ತವರಿಗೆ ಏನೊಂದು ಆತಂಕವೂ ಇಲ್ಲದ ಸಂತಸವಷ್ಟೆ ಇದ್ದೀತು. ಇದು ವಿಶ್ವದಲ್ಲೆ ಇಂಥ ಪ್ರಥಮ ಉಪಕ್ರಮವೆಂದು ಹೇಳಲಾಗುತ್ತಿದೆ. ಸ್ಪರ್ಧಾನಿರತ ಮಕ್ಕಳಲ್ಲಿ ಹಲವರಿಗೆ ಸಂಗೀತದಲ್ಲಿ ಪ್ರಾವೀಣ್ಯದ ಜತೆಗೆ ಡಾಕ್ಟರ್‌, ಐಎಎಸ್‌ ಇಂಥ ಸ್ಥಾನಗಳ ಹಾರೈಕೆಯೂ ಇದೆ.

ಈ ರಿಯಾಲಿಟಿ ಶೋನಿಂದ ಇನ್ನೂ ಅನೇಕ ಅಂಶಗಳು ಗಮನಕ್ಕೆ ಬಂದಿವೆ. ಇನ್ನೂ ಒಂದನೇ ತರಗತಿಗೆ ಶಾಲೆ ಸೇರಿರುವ, ಸಹಜವಾಗಿಯೆ ಮಾತೃಭಾಷೆಯಲ್ಲಿ ಓದು-ಬರಹ ಅರಿಯದ ಮಕ್ಕಳು ಸಿನೆಮಾ ಗಾಯನದ ಅತ್ಯಂತ ಸೂಕ್ಷ್ಮ ಪಲುಕುಗಳನ್ನು, ಸ್ವರಸಂಗತಿಗಳನ್ನು ಸಾಹಿತ್ಯದ ಭಾವನೆಯ ಅಭಿವ್ಯಕ್ತಿ ಸಹಿತ ಹಾಡಿ ಒಪ್ಪಿಸುತ್ತಿರುವುದು ಹೇಗೆ? ಸಂಗೀತ ಹಾಡಲು ಆರು ವರ್ಷಗಳ ಕಾಲವಾದರೂ ಸತತ ಅಭ್ಯಾಸವಾಗಬೇಕು ಎನ್ನುತ್ತಾರೆ. ಈ ಮಗು ಸಂಗೀತ ಕಲಿತದ್ದು ಯಾವಾಗ ಎಂದು ಚಿತ್ರನಟ, ಸಂಸದ ಇನ್ನಸೆಂಟ್ ಕೇಳಿರುವುದು ಸ್ಪರ್ಧೆಯಲ್ಲಿರುವ ಹೆಚ್ಚಿನ ಮಕ್ಕಳಿಗು ಅನ್ವಯವಾಗುವಂಥದೆ.

ತೀರ್ಪುಗಾರರೆನ್ನುವಂತೆ ಈ ಕಂದಮ್ಮಗಳು ಹಾಡುವುದು ನೂರಕ್ಕೆ ನೂರು ಸಮರ್ಪಕವೆ ಆಗಿದೆ. ಇದರಲ್ಲಿ ಇನ್ನೊಂದು ಒಳನೋಟ ಲಭ್ಯ. ಕಳೆದ ಕಾಲದಲ್ಲಿ ಕೃಷಿ ಕೂಲಿಕಾರರು ಸ್ವರಾಭ್ಯಾಸ ಇಲ್ಲದೆಯೂ ಯಕ್ಷಗಾನದ ಭಾಗವತರಾಗಿ ಹೇಗೆ ಪ್ರಸಂಗದ ನಮೂದಿತ ರಾಗ-ತಾಳಗಳಲ್ಲಿ ತಪ್ಪಿಲ್ಲದೆ ಹಾಡಬಲ್ಲವರಾಗಿದ್ದರು ಎಂಬುದಕ್ಕೂ ಇಲ್ಲಿ ಉತ್ತರವಿದೆ. ಅಂದರೆ ಪ್ರತಿಭೆಗಿಂತ ದೊಡ್ಡದಿಲ್ಲ. ಅದಿರುವವರನ್ನು ತಡೆಯದೆ ಆದರಿಸಿದರೆ ಮಾತ್ರ ಇಂಥ ಸೂಕ್ಷ್ಮ ಕ್ಷೇತ್ರಗಳ ವಿಕಸನವನ್ನು ಅಬಾಧಿತವಾಗಿ ಒಯ್ಯಬರುತ್ತದೆ. ಬಲಿಯದ್ದನ್ನು ಗುದ್ದಿ ಹಣ್ಣುಮಾಡುವುದರಿಂದ ನಿಜಸ್ವಾದ ಸಿಗದಷ್ಟೆ?

• ರಾಘವ ನಂಬಿಯಾರ್‌

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

covid-1

ಸಿಂಧನೂರು ತಾಲೂಕು ಆರೋಗ್ಯಾಧಿಕಾರಿಗೂ ಕೋವಿಡ್-19 ಪಾಸಿಟಿವ್

ಮಂಗಳೂರಿನಲ್ಲಿ ಬಿಜೆಪಿ ಬೆಂಬಲಿತ ಪಂಚಾಯತ್ ಸದಸ್ಯ ಯಾಕೂಬ್ ಕೊಲೆ

ಮಂಗಳೂರಿನಲ್ಲಿ ಕ್ಷುಲ್ಲಕ ಕಾರಣಕ್ಕೆ ಬಿಜೆಪಿ ಬೆಂಬಲಿತ ಪಂಚಾಯತ್ ಸದಸ್ಯ ಯಾಕೂಬ್ ಕೊಲೆ

ಅಧಿಕಾರಿಗಳೇ ‘ಏನಿದು ಸಂಸ್ಕಾರ’ ಚಿತಾಗಾರದಲ್ಲಿ ಇಟ್ಟು ಹೋದ ಶವವನ್ನು ಎಳೆದಾಡಿದ ನಾಯಿಗಳು!

ಅಧಿಕಾರಿಗಳೇ ‘ಏನಿದು ಸಂಸ್ಕಾರ’ ಚಿತಾಗಾರದಲ್ಲಿ ಬಿಟ್ಟು ಹೋದ ಶವವನ್ನು ಎಳೆದಾಡಿದ ನಾಯಿಗಳು!

ವಿಂಡೀಸ್ ಬಿಗಿ ಹಿಡಿತದಲ್ಲಿ ಸೌಥಂಪ್ಟನ್ ಟೆಸ್ಟ್: 114 ರನ್ ಮುನ್ನಡೆ ಪಡೆದ ಹೋಲ್ಡರ್ ಪಡೆ

ವಿಂಡೀಸ್ ಬಿಗಿ ಹಿಡಿತದಲ್ಲಿ ಸೌಥಂಪ್ಟನ್ ಟೆಸ್ಟ್: 114 ರನ್ ಮುನ್ನಡೆ ಪಡೆದ ಹೋಲ್ಡರ್ ಪಡೆ

tiktok

ಟಿಕ್ ಟಾಕ್ ಬಳಸದಂತೆ ಉದ್ಯೋಗಿಗಳಿಗೆ ಅಮೇಜಾನ್ ಸೂಚನೆ,ಕೆಲವೇ ಗಂಟೆಗಳಲ್ಲಿ ನಿರ್ಧಾರ ಹಿಂತೆಗೆತ!

america

ಭಾರತ: 4 ದಿನದಲ್ಲಿ 1ಲಕ್ಷ ಜನರಿಗೆ ಕೋವಿಡ್ ಸೊಂಕು,ಅಮೆರಿಕಾದಲ್ಲಿ ಒಂದೇ ದಿನ 69ಸಾವಿರ ಪ್ರಕರಣ

ಹೈದರಾಬಾದ್‌ ಏರ್‌ಪೋರ್ಟ್‌ಗೆ ಕಾಂಟಾಕ್ಟ್ ಲೆಸ್‌ ಕಾರ್‌ ಪಾರ್ಕಿಂಗ್‌

ಹೈದರಾಬಾದ್‌ ಏರ್‌ಪೋರ್ಟ್‌ಗೆ ಕಾಂಟ್ಯಾಕ್ಟ್ ಲೆಸ್‌ ಕಾರ್‌ ಪಾರ್ಕಿಂಗ್‌




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಶೈಕ್ಷಣಿಕ ವ್ಯವಸ್ಥೆಗೆ ಜಟಿಲ ಸಮಸ್ಯೆಯಾದ ಸೋಂಕಿನ ಭೀತಿ

ಶೈಕ್ಷಣಿಕ ವ್ಯವಸ್ಥೆಗೆ ಜಟಿಲ ಸಮಸ್ಯೆಯಾದ ಸೋಂಕಿನ ಭೀತಿ

ಭಾಗವತರಿಗೆ ಸ್ಟಾರ್ ವ್ಯಾಲ್ಯೂ ತಂದು ಕೊಟ್ಟಿದ್ದ ಕಾಳಿಂಗ ನಾವಡರು ಅದ್ಭುತ ಸ್ನೇಹಜೀವಿ

ಭಾಗವತರಿಗೆ ಸ್ಟಾರ್ ವ್ಯಾಲ್ಯೂ ತಂದು ಕೊಟ್ಟಿದ್ದ ಕಾಳಿಂಗ ನಾವಡರು ಅದ್ಭುತ ಸ್ನೇಹಜೀವಿ

ಕಾಳಿಂಗ ನಾವಡರು ಹೊಸತನದ ಹರಿಕಾರ, ಕಿರಿಯ ವಯಸ್ಸಿನಲ್ಲಿ ಅಪಾರ ಜನಪ್ರಿಯತೆ ಪಡೆದುಕೊಂಡಿದ್ರು

ಕಾಳಿಂಗ ನಾವಡರು ಹೊಸತನದ ಹರಿಕಾರ, ಕಿರಿಯ ವಯಸ್ಸಿನಲ್ಲಿ ಅಪಾರ ಜನಪ್ರಿಯತೆ ಪಡೆದುಕೊಂಡಿದ್ರು

40 ವರ್ಷದ ಹಿಂದಿನ ಕರಾಳ ನೆನಪು; ಭೀಕರ ರಸ್ತೆ ಅಪಘಾತದಲ್ಲಿ ಬದುಕಿ ಉಳಿದ್ದೇವು

40 ವರ್ಷದ ಹಿಂದಿನ ಕರಾಳ ನೆನಪು; ಭೀಕರ ರಸ್ತೆ ಅಪಘಾತದಲ್ಲಿ ಬದುಕಿದ್ದೇ ಪವಾಡ!

ಕೋವಿಡ್ ಸುತ್ತಮುತ್ತ: ವೈರಸ್ ಭೀತಿಯ ನಡುವೆಯೇ ಬದಲಾಗಲಿದೆ ಬದುಕಿನ ರೀತಿ

ಕೋವಿಡ್ ಸುತ್ತಮುತ್ತ: ವೈರಸ್ ಭೀತಿಯ ನಡುವೆಯೇ ಬದಲಾಗಲಿದೆ ಬದುಕಿನ ರೀತಿ

MUST WATCH

udayavani youtube

Covid Bus Basin : A new invention by students of SMVIT College Bantakal

udayavani youtube

ಗಾಲ್ವಾನ್ ಕಣಿವೆ: ಚೀನಾದ ಉದ್ಧಟತನಕ್ಕೆ ಏನು ಕಾರಣ? | Udayavani Straight Talk

udayavani youtube

ಮಡಹಾಗಲ ಕಾಯಿ – Spiny gourd ಬೆಳೆದು ಯಶಸ್ವಿಯಾದ ರೈತ | Successful Farmer Vegetable

udayavani youtube

ಮಧ್ಯಕರ್ನಾಟಕದ ಆಶಾಕಿರಣ | SS Hospital Davangere

udayavani youtube

ಮಡಹಾಗಲ ಕಾಯಿ ಬೆಳೆಯುವ ಸೂಕ್ತ ವಿಧಾನ | How to grow Spiny gourd in your Home


ಹೊಸ ಸೇರ್ಪಡೆ

ಚಂಡೀಗಢ: ಅತ್ಯಾಚಾರಿಗಳು ವಯಸ್ಕರೆಂದು ಸಾಬೀತುಪಡಿಸಿದ ತಂದೆ

ಚಂಡೀಗಢ: ಅತ್ಯಾಚಾರಿಗಳು ವಯಸ್ಕರೆಂದು ಸಾಬೀತುಪಡಿಸಿದ ತಂದೆ

ಗೌರವಧನ ಹೆಚ್ಚಳಕ್ಕೆ ಆಗ್ರಹಿಸಿ ಪ್ರತಿಭಟನೆ

ಗೌರವಧನ ಹೆಚ್ಚಳಕ್ಕೆ ಆಗ್ರಹಿಸಿ ಪ್ರತಿಭಟನೆ

ಭಾರಿ ಮಳೆಗೆ ಕೆರೆಯಂತಾದ ಬಸವೇಶ್ವರ ವೃತ್ತ

ಭಾರಿ ಮಳೆಗೆ ಕೆರೆಯಂತಾದ ಬಸವೇಶ್ವರ ವೃತ್ತ

ಆರೋಗ್ಯ ಸೇವೆ ಸ್ಥಗಿತಗೊಳಿಸಿ ಆಶಾ ಕಾರ್ಯಕರ್ತೆಯರ ಹೋರಾಟ

ಆರೋಗ್ಯ ಸೇವೆ ಸ್ಥಗಿತಗೊಳಿಸಿ ಆಶಾ ಕಾರ್ಯಕರ್ತೆಯರ ಹೋರಾಟ

ಅಣೆಕಟ್ಟು ಅಧಿಕಾರಿಗಳಿಂದ ಪ್ರವಾಹ ಮುನ್ಸೂಚನೆ

ಅಣೆಕಟ್ಟು ಅಧಿಕಾರಿಗಳಿಂದ ಪ್ರವಾಹ ಮುನ್ಸೂಚನೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.