Udayavni Special

ಪುಸ್ತಕ ವಿಮರ್ಶೆ : ‘ಹುಲಿ ಕಡ್ಜಿಳ’ದ ಖಾರ ಕಡಿತ..!


ಶ್ರೀರಾಜ್ ವಕ್ವಾಡಿ, Apr 18, 2021, 3:55 PM IST

Book Review On Huli Kadjila by Shreeraj Vakwady , Authoured by Harish T G

ಪರಿವರ್ತನೆ ಸಹಜ ಪ್ರಕ್ರಿಯೆ. ಅದು ಆಗಬಾರದ ಪರಿವರ್ತನೆಯಾಗಬಾರದು. ಪರಿವರ್ತನೆ ಪರಿವರ್ತನೆಯಾಗಬಾರದ ರೀತಿಯಲ್ಲಿ ಆದರೇ, ಅದು ಪರಿವರ್ತನೆ ಅಂತನ್ನಿಸಿಕೊಳ್ಳುವುದಿಲ್ಲ.

ಪರಿವರ್ತನೆಯಾಗಬಾರದ ರೀತಿಯಲ್ಲಿ ಪರಿವರ್ತನೆಯಾದ ಆಧುನಿಕತೆ, ಜೀವನ ಶೈಲಿ, ವ್ಯಕ್ತಿತ್ವಗಳ ನಡುವಿನ ಸಂಬಂಧ, ಗ್ರಾಮಾಂತರ ಸೊಗಡು ಮಾಸಿ ಸೃಷ್ಟಿಸಿದ ತೊಡಕುಗಳು ಅದು ಕಣ್ಣಿಗೆ ವೈಭವವಾಗಿ ಕಂಡರೂ, ಅದರಾಚೆಗೆ ಎಂದಿಗೂ ಮಹಾ ಶೂನ್ಯವಾಗಿ ಕಾಣಿಸುತ್ತದೆ.

ಇಂತಹವೆಲ್ಲಾ ವಾಸ್ತವ ಎಂದರೆ ಪದರ ಅಷ್ಟೇ ಅಲ್ಲ ಅದರ ಆಳ ಅಗಲದಲ್ಲೂ ಇದೆ ಎಂದು ಸಾರುವ ಕಥಾ ಸಂಕಲನ ‘ಹುಲಿ ಕಡ್ಜಿಳ’.

ತೀರ್ಥಹಳ್ಳಿ ಸಮೀಪದ ಒಡ್ಡಿನಬೈಲು ಮೂಲದವರಾದ ಕನ್ನಡ ಪ್ರಾಧ್ಯಾಪಕ ಹರೀಶ್ ಟಿ. ಜಿ ಅವರ ಈ ಕಥಾ ಸಂಕಲನ ಓದುಗನಿಗೆ ಇಷ್ಟವಾಗುವುದು ಇಲ್ಲಿನ ಗ್ರಾಮ್ಯ ಸೊಗಡಿನಿಂದ. ನನಗೂ ಅಷ್ಟೇ. ಹಳ್ಳಿ ಅಥವಾ ಗ್ರಾಮೀಣ ಪ್ರದೇಶಗಳಲ್ಲಿ ಅಭಿವೃದ್ಧಿ, ಆಧುನಿಕತೆ ಈಗ ಹೊಕ್ಕಿ ಸೃಷ್ಟಿಸಿದ ಬಿಕ್ಕಟ್ಟುಗಳನ್ನು ಇಲ್ಲಿನ ಕಥೆಗಳು ಹೇಳುತ್ತವೆ.

ಓದಿ : ಐದು ಹಂತಗಳ ಚುನಾವಣೆಯಲ್ಲಿ 122 ಸ್ಥಾನಗಳು ಬಿಜೆಪಿಗೆ ಖಚಿತ : ಅಮಿತ್ ಶಾ

ಸಂಬಂಧವನ್ನು ದುಡ್ಡಿನಿಂದ ಅಳೆಯುವ ಅಭಿವೃದ್ಧಿ, ಆಧುನಿಕತೆಯ ಹೆಸರಿನೊಂದಿಗೆ ಬದಲಾದ ವ್ಯಕ್ತಿತ್ವದ ಧೋರಣೆ‌ ಕೆಲವು ಕಥೆಗಳಲ್ಲಿ ಎದ್ದು ಕಾಣುತ್ತವೆ.

‘ಎಂಥಕ್ಕ ನಮ್ದು ಬರೀ ನಾಟಕವಲ್ಲವೆನೇ..! ನಾಕು ಜನರ ಎದುರುಗಡೆಗೆ ಗಂಡ ಹೆಂಡತಿ ಪ್ರೀತಿ ಕಾಳಜಿ! ಮುಖ ಗಂಟಿಕ್ಕಿಸಿಕೊಂಡು ಮನೇಲಿ ಒಂದೂ ಮಾತಾಡದವರು ಶಾಲೆ ಬಾಗಿಲಲ್ಲಿ ನನ್ನ ಬೈಕಿಂದ ಇಳಿಸುವಾಗ ಮಾತ್ರ ಎಲ್ಲರೂ ನೊಡುತ್ತಾರೆಂದಾಗ ಒಂಚೂರು ಪ್ರೀತಿಯ ಕಾಳಜಿಯ ನಾಟಕವಾಡೋದು ..ಸಾಕಾಗಿದೆ’. “ಬೇಗೆ” ಎನ್ನುವ ಕಥೆಯ ಸಾಲುಗಳಿವು. ಕೆಲವು ದಾಂಪತ್ಯ ಸಂಬಂಧಗಳಲ್ಲಿನ  ಸತ್ಯಾಂಶವಿದು‌. ಸ್ವಾರ್ಥ ಆವರಿಸಿದ ಬದುಕಿನಲ್ಲಿ ಏನು ಬಯಸುವುದಕ್ಕೆ ಸಾಧ್ಯವಿದೆ ಹೇಳಿ…? ಹೌದು ‘ಬೇಗೆ’ ಎಂಬ ಕಥೆಯಲ್ಲಿ ಬೇಯುವ ಹೆಣ್ಣೊಬ್ಬಳ ವ್ಯಥೆ ಇದು. ಸಹಜವಾಗಿ ಮದುವೆಯಾದ ಹೆಣ್ಣು ತನ್ನ ಗಂಡನಿಂದ ಬಯಸುವ ಪ್ರೀತಿ, ಪ್ರೇಮ, ಪ್ರಣಯ, ಕಾಮ.. ಅದೆಲ್ಲದಕ್ಕಿಂತ ಹೆಚ್ಚು ಸ್ಪಂದನೆ ದೊರಕದಿದ್ದಾಗ ಒಳಗೊಳಗೆ ಅವಲತ್ತುಕೊಳ್ಳುವ ಎದೆ ಸ್ಪರ್ಶಿಸುವ ಅಪರೂಪದ ಕಥೆ ಇದು. ತನ್ನ ಮದುವೆಯ ಮುಂಚಿನ ದಿನಗಳನ್ನು ನೆನಪಿಸಿಕೊಳ್ಳುತ್ತಾ, ತುಸು ಮೇಲ್ನಗುತ್ತಾ, ಈಗಿ‌ನ ಪರಿಸ್ಥಿತಿಯನ್ನು ದುಃಖಿಸುತ್ತಾ ಕಥಾ ನಾಯಕಿ ಈ ಕಥೆಯಲ್ಲಿ ಬದುಕು ಸವೆಸುತ್ತಾಳೆ. ಆಕೆಯ ವ್ಯಥೆಯನ್ನು ಕಥೆಗಾರರು ತುಂಬಾ ಚೆಂದಾಗಿ ನಿರೂಪಿಸಿದ್ದಾರೆ.

‘ಗೊಂಬೆ’ ಕಥೆ ಎಲ್ಲರಿಗೂ ಹಿಡಿಸುತ್ತದೆ. ‘ಬಾಯಿತುಂಬಾ ಎಲೆಯಡಿಕೆ ರಸ ತುಂಬಿಕೊಂಡು ಇನ್ನೊಂದು ಚೂರು ಹೊಗೆ ಸೊಪ್ಪನ್ನು ಮುರಿದು ಎಡಗೈಗೆ ಹಾಕಿ, ಬಲಹೆಬ್ಬೆರಳ ಉಗುರಲ್ಲಿ ಸುಣ್ಣ ತಗೊಂಡು ಬಲವಾಗಿ ತಿಕ್ಕಿ ತಿಕ್ಕಿ ಉಂಡೆಮಾಡಿ ಚಿಟಿಕೇಲಿ ಅದನ್ನು ಹಿಡಕೊಂಡು ಬಾಯಿಗೆ ಹಾಕಿಕೊಳ್ಳಬೇಕೆಂದು ಹೊರಟವರು ಕೈಯನ್ನು ಕೆಳಗಿಳಿಸಿ, ಬಾಯಲ್ಲಿ ತುಂಬಿದ್ದ ಎಲಯಡಿಕೆ ರಸವನ್ನು ಪಕ್ಕದಲ್ಲಿದ್ದ ಕುನ್ನೆರಲು ಮಟ್ಟಿಯ ಮೇಲೆ ಉಗಿದು ನಿಂತರು’ ದೃಶ್ಯ ಕಣ್ಣೆದುರಿಗೆ ಕಟ್ಟಿಸುವ ಕಥೆ ಇದು‌. ಪ್ರತಿ ಸಾಲಲ್ಲೂ ದೃಶ್ಯ ಎದುರಿಗೆ ಬರುವುದರಿಂದಲೇ ಕಥೆ ಓದಿಗೆ ವೇಗವನ್ನು ನೀಡುತ್ತದೆ‌. ಎಂಥಾ ಅದ್ಭುತ ಗ್ರಾಮ್ಯ ಚಿತ್ರಣವದು.

ಓದಿ : ಮಹಾರಾಷ್ಟ್ರದ ನಂದುರ್ಬಾರ್ ಗೆ 94 ಕೋವಿಡ್ ಕೇರ್ ಬೋಗಿಗಳನ್ನು ನೀಡಿದ ಕೇಂದ್ರ ರೈಲ್ವೆ!

ಶ್ರೀಲತಾ ಎಂಬ ಗ್ರಾಮೀಣ ಹುಡುಗಿಯ ಸುತ್ತ ತಿರುಗುವ ಕಥೆ ‘ಗೊಂಬೆ’. ಕಥೆಯ ಆರಂಭ ಕಥೆಯನ್ನು ಇಡಿಯಾಗಿ ಓದುವ ಹಾಗೆ ಮಾಡಿಸುತ್ತದೆ. ಪತ್ರಿಕಾ ಭಾಷೆಯಲ್ಲಿ ಹೇಳುವುದಾದರೇ, ‘ಇಂಟ್ರೊ’ ಅಥವಾ ಪೀಠಿಕೆ ಕೊಟ್ಟಿರುವ ರೀತಿ ಚೆನ್ನಾಗಿದೆ.

ಕಾಲಾಂತರದ ಬದಲಾವಣೆಗೆ ವಯೋಸಹಜವಾಗಿ ಹುಟ್ಟಿಕೊಳ್ಳುವ ಪ್ರೀತಿ, ಪ್ರೇಮ, ಪ್ರಣಯ ಮತ್ತು ಆಧುನಿಕತೆಯಲ್ಲಿ ‘ಲಿವಿಂಗ್ ಟುಗೆದರ್ ‘ ಎಂಬ ಹೊಸದೊಂದು ಬಗೆಯ ಸಂಬಂಧ ಪ್ರೀತಿಯ ಹೆಸರಲ್ಲಿ ಹುಟ್ಟಿಕೊಂಡಿರುವ ಸ್ಪರ್ಶವನ್ನೂ ಈ ಕಥೆ ಮಾಡುತ್ತದೆ. ಕಥೆಯಲ್ಲಿನ ತೀರ್ಥಹಳ್ಳಿಯ ಭಾಷೆಯ ಬಳಕೆ ಇಷ್ಟವಾಗುತ್ತದೆ. ಹವ್ಯಕ ಬ್ರಾಹ್ಮಣರ ಭಾಷೆಗೆ ಹೋಲುವಂತಿರುವ ‘ಹಿಂಗಾಗ್ಯದೆ’, ‘ಹೆಚ್ಚಾತು’, ‘ಬ್ಯಾಡನೇ’ ಇವೆಲ್ಲಾ ನೋಡುವುದಕ್ಕೂ, ಓದುವುದಕ್ಕೂ ಹೊಸದೇನೋ ವಿಶೇಷತೆ ನೀಡುತ್ತದೆ.

ಶೀರ್ಷಿಕೆ ಕಥೆ ‘ಹುಲಿ ಕಡ್ಜಿಳ’ ಉಳ್ಳವರ ದರ್ಪವನ್ನು ತೋರಿಸುತ್ತದೆ‌. ಪುಷ್ಪ ಎಂಬ ಬಡ ಹೆಣ್ಣು ಮಗಳೊಬ್ಬಳನ್ನು ದೈಹಿಕವಾಗಿ ಸುಖಿಸುವ ಹಂಬಲದಲ್ಲಿ ಯಜಮಾನಿಕೆಯ ದರ್ಪವನ್ನು ತೋರಿಸುವ ನಾಗೇಸಣ್ಣ ಎಂಬ ಪಾತ್ರ ಈಗಿನ ದಿನಗಳಿಗೆ ಹೋಲಿಸಿದರೇ ಸಾಮಾನ್ಯ ಅಂತನ್ನಿಸಿದರೂ ಈ ಕಥೆ ಗ್ರಾಮ್ಯ ಬದುಕಿನ ಚೌಕಟ್ಟಿನಲ್ಲಿ ಹೆಣೆದುಕೊಂಡಿರುವುದರಿಂದ ತುಸು ವಿಭಿನ್ನ ಅಂತನ್ನಿಸುತ್ತದೆ‌.

ಕ್ರೌರ್ಯದ ಎದುರು ನ್ಯಾಯ ಕಣ್ಣು ಮುಚ್ಚಿ ಕುಳಿತುಕೊಳ್ಳುವ ಬಗೆಗೆ ಅನೇಕ ಪ್ರಶ್ನೆಗಳನ್ನು ಹುಟ್ಟು ಹಾಕುತ್ತದೆ‌. ಈ ಕಥೆಗೆ ‘ಹುಲಿ ಕಡ್ಜಿಳ’ ಎಂಬ ಹೆಸರಿಟ್ಟಿರುವುದು ವಿಶೇಷ. ಈ ‘ಹುಲಿ ಕಡ್ಜಿಳ’ ಎಂಬ ಹೆಸರಿನಲ್ಲಿ ಕಥೆಯ ಸ್ವಾರಸ್ಯವಿದೆ. ಮಾರ್ಮಿಕವಾಗಿ ಕಥೆಗಾರರು ಕಥೆಗೆ ಈ ಹೆಸರನ್ನು ಇಟ್ಟಿದ್ದಾರೆ. ಯಾಕೆನ್ನುವುದನ್ನು ಇಲ್ಲಿಯೇ ಹೇಳಿ ನಿಮ್ಮ ಓದಿನ ಕುತೂಹಲವನ್ನು ಕಸಿದುಕೊಳ್ಳಲು ನಾನಿಚ್ಛಿಸುವುದಿಲ್ಲ.

ಓದಿ : ಮಹಾರಾಷ್ಟ್ರದ ನಂದುರ್ಬಾರ್ ಗೆ 94 ಕೋವಿಡ್ ಕೇರ್ ಬೋಗಿಗಳನ್ನು ನೀಡಿದ ಕೇಂದ್ರ ರೈಲ್ವೆ!

ಹೀಗೆ ಈ ಸಂಕಲನದ ಹನ್ನೊಂದು ಕಥೆಗಳು ಕೂಡ ಒಂದೊಂದು ಹಳ್ಳಿ ಬದುಕು ಆಧುನಿಕತೆ, ಅಭಿವೃದ್ಧಿ, ಪರಿವರ್ತನೆಯ ಹೊಸ ಹೆಸರಿನಲ್ಲಿ ಬದಲಾದ  ಬೇರೆ ಬೇರೆ ಬಣ್ಣ , ಬೆಡಗುಗಳನ್ನು ತೋರಿಸುತ್ತವೆ.

ಸ್ವತಃ ಕಥೆಗಾರರು ಹೇಳಿಕೊಂಡಿರುವ ಹಾಗೆ, ಸಂಬಂಧಗಳು ಜಾಳಾಗಿ ಮಾತು ತನ್ನ ಮಾಧುರ್ಯವನ್ನು ಕಂಡಾಗ ಕರುಳಿನ ಯಾವುದೋ ಮೂಲೆಯಲ್ಲಿ ಸಂಕಟವಾಗುವ ಅರಿವಾಗುತ್ತವೆ ಇಲ್ಲಿನ ಕಥೆಗಳಲ್ಲಿ.

ಒಟ್ಟಿನಲ್ಲಿ, ಹಳ್ಳಿಯ ಸೊಗಡಷ್ಟೇ ಅಲ್ಲ, ಅಲ್ಲಿನ ಬಿಕ್ಕಟ್ಟುಗಳನ್ನು ಕೂಡ ಚಿತ್ರಿಸುತ್ತದೆ ‘ಹುಲಿ ಕಡ್ಜಿಳ’.

-ಶ್ರೀರಾಜ್ ವಕ್ವಾಡಿ

ಓದಿ : ಮಾಸ್ಕ್ ಹಾಕದೆ ವಾಗ್ವಾದ ಮಾಡಿದ ವ್ಯಾಪಾರಿಗೆ ಕಪಾಳಮೋಕ್ಷ ಮಾಡಿದ ದಾವಣಗೆರೆ ಎಸ್ ಪಿ     

ಟಾಪ್ ನ್ಯೂಸ್

sunil

ಶಂಖನಾದ ಅರವಿಂದ್ ನಿಧನಕ್ಕೆ ಸುನೀಲ್ ಪುರಾಣಿಕ್ ಸಂತಾಪ

cognizant posts 38 percent jump in q1 net income

ಕಾಗ್ನಿಜೆಂಟ್ ನಿವ್ವಳ ಆದಾಯ ಶೇಕಡಾ 37.6 ರಷ್ಟು ಹೆಚ್ಚಳ

Goa new lokayuktha

ಗೋವಾ ನೂತನ ಲೋಕಾಯುಕ್ತರಾಗಿ ನಿವೃತ್ತ ನ್ಯಾಯಮೂರ್ತಿ ಅಂಬಾದಾಸ್ ಜೋಶಿ ಪ್ರಮಾಣವಚನ ಸ್ವೀಕರ

underworld don chhota rajan not died due to covid 19 : AIMS

ಮಾಜಿ ಭೂಗತ ಪಾತಕಿ ಛೋಟಾ ರಾಜನ್ ಮೃತ ಪಟ್ಟಿಲ್ಲ : ಏಮ್ಸ್

bc-patil

ಪರಿಸ್ಥಿತಿ ಕೈ ಮೀರುತ್ತಿದೆ, ಲಾಕ್ ಡೌನ್ ಅನಿವಾರ್ಯ: ಸಚಿವ ಬಿ.ಸಿ. ಪಾಟೀಲ್

Third wave of COVID-19 pandemic ‘appears to be broken’, says German Health Minister

ಕೋವಿಡ್ ಮೂರನೇ ಅಲೆಯನ್ನು ಹೊಡೆದುರುಳಿಸಲಿದೆ ಜರ್ಮನ್ :  ಜೆನ್ಸ್ ಸ್ಪಾನ್  

ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 257 ಅಂಕ ಏರಿಕೆ, 14,800ಕ್ಕೆ ಜಿಗಿದ ನಿಫ್ಟಿ

ಮುಂಬಯಿ ಷೇರುಪೇಟೆ ಸೆನ್ಸೆಕ್ಸ್ 257 ಅಂಕ ಏರಿಕೆ, 14,800ಕ್ಕೆ ಜಿಗಿದ ನಿಫ್ಟಿ






ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

Arathi won the battle

ಸಮರ ಗೆದ್ದ ಆರತಿ

desiswara

ಮೌನದ ಹಿಂದಿನ ಕಾರಣ ತಿಳಿದುಬಿಡೋಣ

ಕೋವಿಡ್ ಲಸಿಕೆ ಪೇಟೆಂಟ್‌ ತಾತ್ಕಾಲಿಕ ರದ್ದತಿಯ ಬೇಡಿಕೆಗೆ ಯುಎಸ್‌ ಬೆಂಬಲ

ಕೋವಿಡ್ ಲಸಿಕೆ ಪೇಟೆಂಟ್‌ ತಾತ್ಕಾಲಿಕ ರದ್ದತಿಯ ಬೇಡಿಕೆಗೆ ಯುಎಸ್‌ ಬೆಂಬಲ

anivasi kannadiga

ಅವನ ಕಣ್ಣಲ್ಲಿ ನನ್ನೂರಿನ ಬೆಳಕು

“I ‘m my strength

“ನಾನೇ’ ನನ್ನ ಶಕ್ತಿ

MUST WATCH

udayavani youtube

ಮಂಗಳೂರಿನ ಪದವಿನಂಗಡಿಯಲ್ಲಿ ಬೈಕ್ ಗಳ ನಡುವೆ ಅಪಘಾತಭೀಕರ ಅಪಘಾತದ ದೃಶ್ಯ

udayavani youtube

ಹೋಂ ಐಸೋಲೇಷನ್ ಸಂದರ್ಭ ನಾವು ಹೇಗಿರಬೇಕು ?

udayavani youtube

ಗಾರ್ಮೆಂಟ್ ಆಸ್ಪತ್ರೆಗೆ ಹೋದ್ರೆ ಸಾಯುತ್ತಾರೆ ; ಡಿಕೆ ಶಿವಕುಮಾರ್‌ ಸರ್ಕಾರದ ವಿರುದ್ಧ ಕಿಡಿ

udayavani youtube

Junior NTR ಮಾಸ್ಕ್ ಧರಿಸಿ, ಸ್ಯಾನಿಟೈಸರ್ ಬಳಸಿ ಅಂತ ಕನ್ನಡದಲ್ಲಿ ಹೇಳಿದ್ದಾರೆ.

udayavani youtube

ಅಮಾಸೆ ಗಿರಾಕಿ ಎಂದು ತೇಜಸ್ವಿ ಸೂರ್ಯ ವಿರುದ್ಧ ಡಿ ಕೆ ಶಿವಕುಮಾರ್​ ಗರಂ..!

ಹೊಸ ಸೇರ್ಪಡೆ

sunil

ಶಂಖನಾದ ಅರವಿಂದ್ ನಿಧನಕ್ಕೆ ಸುನೀಲ್ ಪುರಾಣಿಕ್ ಸಂತಾಪ

cognizant posts 38 percent jump in q1 net income

ಕಾಗ್ನಿಜೆಂಟ್ ನಿವ್ವಳ ಆದಾಯ ಶೇಕಡಾ 37.6 ರಷ್ಟು ಹೆಚ್ಚಳ

covid effct at hasana

ಕೊವ್ಯಾಕ್ಸಿನ್‌ ಪಡೆಯಲು ಬಂದವರಿಗೆ ನಾಳೆ ಬನ್ನಿ ಎಂದರು

Goa new lokayuktha

ಗೋವಾ ನೂತನ ಲೋಕಾಯುಕ್ತರಾಗಿ ನಿವೃತ್ತ ನ್ಯಾಯಮೂರ್ತಿ ಅಂಬಾದಾಸ್ ಜೋಶಿ ಪ್ರಮಾಣವಚನ ಸ್ವೀಕರ

underworld don chhota rajan not died due to covid 19 : AIMS

ಮಾಜಿ ಭೂಗತ ಪಾತಕಿ ಛೋಟಾ ರಾಜನ್ ಮೃತ ಪಟ್ಟಿಲ್ಲ : ಏಮ್ಸ್

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.