ಹೇಗೆ ನಡೆಯಿತು ಕಾರ್ಯತಂತ್ರ?

Team Udayavani, May 25, 2019, 5:00 AM IST

-ಎಡಪಕ್ಷಗಳ ಪ್ರಾಬಲ್ಯವಿದ್ದ ಬುಡಕಟ್ಟು ಪ್ರದೇಶಗಳ ಮೇಲೆ ಬಿಜೆಪಿ ಕಣ್ಣಿಟ್ಟಿತು. ಚುನಾವಣೆಗೂ ಹಲವು ತಿಂಗಳುಗಳ ಮುಂಚೆಯೇ ಆ ಪ್ರದೇಶಗಳಿಗೆ ಆರೆಸ್ಸೆಸ್‌ ಪ್ರವೇಶವಾಯಿತು.

-ಈ ಪ್ರದೇಶಗಳಲ್ಲಿ ಆರೆಸ್ಸೆಸ್‌ ಒಟ್ಟು 150 ಏಕಾಲ್‌ ವಿದ್ಯಾಲಯಗಳನ್ನು ನಿರ್ಮಿಸಿತು. ತಳಮಟ್ಟದಲ್ಲೇ ಪಕ್ಷ ಸಂಘಟನೆಯ ಕೆಲಸ ಶುರು ಮಾಡಿತು.

-ಟಿಎಂಸಿಯೊಳಗೇ ನಾಯಕರಲ್ಲಿನ ಭಿನ್ನಮತವನ್ನು ಅರಿತು, ಬಂಡಾಯ ನಾಯಕರನ್ನು ತನ್ನತ್ತ ಎಳೆದುಕೊಳ್ಳುವಲ್ಲಿ ಬಿಜೆಪಿ ಸಫ‌ಲವಾಯಿತು.

-ಎಡಪಕ್ಷದ ಮತಗಳನ್ನು ಬಿಜೆಪಿಯ ಮತಗಳಾಗಿ ಪರಿವರ್ತಿಸುವಲ್ಲಿ ನಡೆಸಿದ ಕಾರ್ಯತಂತ್ರವೂ ಯಶಸ್ವಿಯಾಯಿತು.

-ಬಂಗಾಳದಲ್ಲಿರುವ ಅಕ್ರಮ ಬಾಂಗ್ಲಾ ವಲಸಿಗರನ್ನು ಹೊಡೆದೋಡಿಸುವುದಾಗಿ ಪಣ ತೊಡಲಾಯಿತು. ಪ್ರಚಾರ ರ್ಯಾಲಿಗಳಲ್ಲಿ ಈ ವಿಚಾರಕ್ಕೆ ಹೆಚ್ಚು ಆದ್ಯತೆ ನೀಡಲಾಯಿತು.

-ಪ್ರಧಾನಿ ನರೇಂದ್ರ ಮೋದಿಯವರು ಕೂಡ ಪಶ್ಚಿಮ ಬಂಗಾಳದಲ್ಲಿ 17ಕ್ಕೂ ಹೆಚ್ಚು ರ್ಯಾಲಿಗಳನ್ನು ನಡೆಸಿದರು. ಚುನಾವಣೆ 7 ಹಂತಗಳಲ್ಲಿ ನಡೆದಿದ್ದು ಇನ್ನೂ ಅನುಕೂಲವಾಯಿತು.

-ಅಮಿತ್‌ ಶಾ ಅವರು ಅಧ್ಯಕ್ಷರಾದ ಮೇಲೆ ದೀದಿಯ ಭದ್ರಕೋಟೆಗೆ ಬರೋಬ್ಬರಿ 84 ಬಾರಿ ಭೇಟಿ ನೀಡಿದ್ದು, ಪಕ್ಷದ ನಾಯಕರೊಂದಿಗೆ ನಿರಂತರ ಸಂಪರ್ಕ ಸಾಧಿಸಿದರು.

-ತಳಮಟ್ಟದಲ್ಲೇ ಪಕ್ಷದ ಸಂಘಟನೆಗೆ ತೊಡಗಿದರು. ಪಕ್ಷಕ್ಕೆ ಅಡಿಪಾಯವೇ ಇಲ್ಲದಂಥ ಒಂದು ರಾಜ್ಯದಲ್ಲಿ ಕಾರ್ಯಕರ್ತರ ದಂಡನ್ನೇ ಹುಟ್ಟುಹಾಕುವಲ್ಲಿ ಯಶಸ್ವಿಯಾದರು.