ಭೂಮಿಯನ್ನು ಪೂಜಿಸೋಣ…ಹಸುರನ್ನು ಬೆಳೆಸೋಣ…


Team Udayavani, May 4, 2021, 6:00 AM IST

ಭೂಮಿಯನ್ನು ಪೂಜಿಸೋಣ…ಹಸುರನ್ನು ಬೆಳೆಸೋಣ…

ಈ ಭೂಮಿಯಲ್ಲಿ ಅದೆಷ್ಟೋ ಸಹಸ್ರ ವಿಧದ ಜೀವವೈವಿಧ್ಯಗಳಿವೆ. ಇವುಗಳಲ್ಲಿ ಮಾನವ ಕೇವಲ ಒಂದು ಜೀವಿಯಷ್ಟೇ. ಆದರೆ ಮಾನವನಿಗೆ ಬೇರೆಲ್ಲ ಜೀವಿಗಳಿಗಿರದ ಬುದ್ಧಿ ಎಂಬ ಮಾಂತ್ರಿಕ ಶಕ್ತಿ ಇದೆ. ವಿದ್ಯಾಭ್ಯಾಸದ ಮೂಲಕ ಜ್ಞಾನ ಸಂಪಾದನೆಯನ್ನು ಮಾಡುವ ಅಪೂರ್ವ ಅವಕಾಶ ಮಾನವನಿಗಿದೆ. ಆದರೆ ಮಾನವ ಶ್ರಮ ಮತ್ತು ಜ್ಞಾನದ ಮಹತ್ವವನ್ನು ಅರಿಯದೇ ನಿರಂತರವಾಗಿ ಪ್ರಕೃತಿಯ ಮೇಲೆ ದಬ್ಟಾಳಿಕೆ ನಡೆಸುತ್ತಲೇ ಬಂದಿದ್ದಾನೆ.

ಕನಕಪುರ ಎಂಬ ಊರಿನಲ್ಲಿ ಸೋಮಪ್ಪ ಎಂಬ ರೈತನಿದ್ದ. ಆತನಿಗೆ ಒಂದು ಎಕರೆ ಜಮೀನು ಇತ್ತು. ಆ ಜಮೀನಿನಲ್ಲಿಯೇ ಕಷ್ಟಪಟ್ಟು ದುಡಿದು ಆರಾಮವಾದ ಜೀವನ ನಡೆಸುತ್ತಿದ್ದನು. ಆತನಿಗೆ ಒಬ್ಬನೇ ಮಗ ರಂಗ. ರಂಗ ಚಿಕ್ಕವನಿರುವಾಗಲೇ ಸೋಮಪ್ಪ ತನ್ನ ಹೆಂಡತಿಯನ್ನು ಕಳೆದುಕೊಂಡನು.  ತಾಯಿ ಇಲ್ಲದ ಮಗು ಎಂದು ಬಹು ಮುದ್ದಿನಿಂದ ಸಾಕಿದ. ಚೆನ್ನಾಗಿ ಓದಿ ಒಳ್ಳೆಯ ಉದ್ಯೋಗ ಪಡೆಯಲಿ ಎಂದು ಶಾಲೆಗೆ ಸೇರಿಸಿದ. ಆದರೆ ವಿದ್ಯೆ ಅವನ ತಲೆಗೆ ಹತ್ತಲಿಲ್ಲ. ಉಡಾಫೆಯಾಗಿ, ಸೋಮಾರಿಯಾಗಿ ಬೆಳೆದ. ಸೋಮಪ್ಪನಿಗೆ ರಂಗನದೇ ಚಿಂತೆಯಾಯಿತು!

ಇದ್ದಕ್ಕಿದ್ದಂತೆ ಸೋಮಪ್ಪ ನಿತ್ರಾಣಗೊಳ್ಳಲು ಆರಂಭಿಸಿದನು. ವೈದ್ಯರು ಪರೀಕ್ಷಿಸಿ “ನೀನು ಹೆಚ್ಚು ದಿನ ಬದುಕುಳಿಯುವುದಿಲ್ಲ’ ಎಂದರು. ಸೋಮಪ್ಪ ಚಿಂತಾಕ್ರಾಂತನಾದ. ತನ್ನ ಅನಂತರ ಮಗನ ಜೀವನ ಹೇಗೆ? ಎಂದು ಆಲೋಚಿಸಿಯೇ ಹಾಸಿಗೆ ಹಿಡಿದ. ಒಂದು ದಿನ ರಂಗನನ್ನು ಕರೆದು ಒಂದು ಚೀಲವನ್ನು ಕೊಟ್ಟು “ಇದರಲ್ಲಿ ಸ್ವಲ್ಪ ಹಣವಿದೆ. ನಿನ್ನ ಜೀವನಕ್ಕೆ ಆಗುತ್ತದೆ. ಇದರಲ್ಲಿರುವ ಹಣ ಖಾಲಿಯಾದ ಮೇಲೆ ಪ್ರತೀ ಅಡಿಕೆ ಮರದ ಕೆಳಗೆ ಹಣವನ್ನು ಹುಗಿದಿಟ್ಟಿದ್ದೇನೆ. ಅದನ್ನು ತೆಗೆದುಕೋ’ ಎಂದು ಹೇಳಿ ಕಣ್ಮುಚ್ಚಿದನು.

ರಂಗ ತಂದೆ ಕೊಟ್ಟ ಹಣವನ್ನು ಖಾಲಿ ಮಾಡತೊಡಗಿದ. “ಕೂತು ಉಂಡರೆ ಕುಡಿಕೆ ಹೊನ್ನು ಸಾಲದು’ ಎಂಬಂತೆ ಸೋಮಪ್ಪ ಕೊಟ್ಟ ಹಣವೆಲ್ಲ ಖಾಲಿಯಾಯಿತು. ಮುಂದೇನು? ಎಂದು ಯೋಚಿಸಲಾರಂಭಿಸಿದ ಆತನಿಗೆ  “ಪ್ರತೀ ಅಡಿಕೆ ಮರದ ಬುಡದಲ್ಲಿ ಹಣ ಇಟ್ಟಿದ್ದೇನೆ’ ಎಂದು ತಂದೆ ಹೇಳಿದ ಮಾತು ನೆನಪಾಯಿತು. ಪ್ರತೀ ಅಡಿಕೆ ಮರದ ಬುಡ ಅಗೆಯಲು ಪ್ರಾರಂಭಿಸಿದನು. ಆದರೆ ಒಂದೂ ಅಡಿಕೆ ಮರದ ಬುಡದಲ್ಲಿ ಹಣ ಸಿಗಲಿಲ್ಲ. ನಿರಾಶೆಗೊಂಡ ರಂಗ ತಂದೆಗೆ ಬೈಯಲಾರಂಭಿಸಿದನು. ಆ ಸಮಯಕ್ಕೆ ಆಗಮಿಸಿದ ಪಕ್ಕದ ಮನೆಯವನು ಹೇಗೂ ಅಡಿಕೆ ಮರದ ಬುಡ ಅಗೆದಿದ್ದೀಯಾ. ಅದಕ್ಕೆ ಸೊಪ್ಪು, ಗೊಬ್ಬರ ಹಾಕಿ ಮಣ್ಣು ಮುಚ್ಚು ಎಂದನು. ರಂಗ ಒಲ್ಲದ ಮನಸ್ಸಿನಿಂದ ಹಾಗೆಯೇ ಮಾಡಿದ. ಕಾಲಕ್ಕೆ ಸರಿಯಾಗಿ ಮಳೆಯೂ ಸುರಿಯಿತು. ಉತ್ತಮ ಫ‌ಸಲು ಬಂದಿತು. ಅದಕ್ಕೆ ಸರಿಯಾಗಿ ಅಡಿಕೆಗೆ ಉತ್ತಮ ಬೆಲೆಯೂ ಸಿಗಲಾರಂಭಿಸಿತು. ರಂಗ ತನ್ನ ಇಳುವರಿಯನ್ನು ಮಾರಿ ಹಣ ಸಂಪಾದಿಸಿದ. ಇದರಿಂದ ತನ್ನ ಜೀವನವನ್ನು ನಡೆಸಲಾರಂಭಿಸಿದ. ಈ ಹಿಂದಿನ ಸೋಮಾರಿತನವನ್ನು ಬಿಟ್ಟು ತೋಟದಲ್ಲಿ ದುಡಿಯಲಾರಂಭಿಸಿದ. ಉತ್ತಮ ಜೀವನ ಕಂಡುಕೊಂಡ. ತಂದೆ ಸೋಮಪ್ಪ ಹೇಳಿದ ಮಾತಿನ ಮರ್ಮ ಅರಿವಾಯಿತು.

ಇದೊಂದು ಕಥೆಯಷ್ಟೆ! ಆದರೆ ಇದರಲ್ಲಿರುವ ನೀತಿ ನಮ್ಮ ಜೀವನಕ್ಕೆ ಆಧಾರವಾಗಿದೆ. ಪ್ರತಿಯೊಬ್ಬರೂ ದುಡಿದು ತಿನ್ನಬೇಕು. ಬೆವರು ಸುರಿಸಿ ದುಡಿದರೆ ದೇವರು ಉತ್ತಮ ಪ್ರತಿಫ‌ಲವನ್ನು ನೀಡುತ್ತಾನೆ. ಭೂಮಿಯಲ್ಲಿ ದುಡಿಯುವುದರಿಂದ ನಮ್ಮ ಮಾನಸಿಕ ಆರೋಗ್ಯ, ದೈಹಿಕ ಆರೋಗ್ಯ ಉತ್ತಮವಾಗಿರುತ್ತದೆ. ಮಾನವನ ಅತಿಯಾದ ಸ್ವಾರ್ಥದಿಂದಾಗಿ, ಹಣದ ಮೇಲಿನ ವ್ಯಾಮೋಹದಿಂದಾಗಿ ಇಡೀ ಪ್ರಕೃತಿಯೇ ಮಾನವನ ಚಟುವಟಿಕೆಗಳಿಂದ ನಾಶವಾಗಿ ಹೋಗುತ್ತಿದೆ. ಇದರ ಪರಿಣಾಮವಾಗಿ ಕಂಡು ಕೇಳರಿಯದ ರೋಗಗಳು ಮಾನವನನ್ನು ಆವರಿಸಿಕೊಂಡಿದೆ. ಕಾಲ ಮಿಂಚಿ ಹೋಗುವ ಮೊದಲೇ ಪಶ್ಚಾತ್ತಾಪ ಪಡುವ ಮುನ್ನವೇ ಎಚ್ಚೆತ್ತುಕೊಳ್ಳೋಣ. ಮುಂದಿನ ಪೀಳಿಗೆಯವರಿಗೆ ಒಂದಿಷ್ಟು ಶುದ್ಧವಾದ ಗಾಳಿ, ಶುದ್ಧವಾದ ನೀರು ಉಳಿಸೋಣ. ಪ್ರಕೃತಿಯನ್ನು ಉಳಿಸೋಣ…ಬೆಳೆಸೋಣ….

 

-ಭಾಗ್ಯಶ್ರೀ, ಹಾಲಾಡಿ

ಟಾಪ್ ನ್ಯೂಸ್

ರಾಜ್ಯಪಾಲರಿಗೆ ರಾಜೀನಾಮೆ ಸಲ್ಲಿಸಿದ ಬಿಹಾರ ಸಿಎಂ ನಿತೀಶ್; ಆರ್ ಜೆಡಿ, ಜೆಡಿಯು ಸರ್ಕಾರ ರಚನೆ

ರಾಜ್ಯಪಾಲರಿಗೆ ರಾಜೀನಾಮೆ ಸಲ್ಲಿಸಿದ ಬಿಹಾರ ಸಿಎಂ ನಿತೀಶ್; ಆರ್ ಜೆಡಿ, ಜೆಡಿಯು ಸರ್ಕಾರ ರಚನೆ

ಚಾಮರಾಜನಗರ: ಜನ್ಮದಿನದಂದೇ ಹಾಸ್ಟೆಲ್ ನಲ್ಲಿ ನೇಣಿಗೆ ಶರಣಾದ ಕಾಲೇಜು ಉಪನ್ಯಾಸಕಿ

ಚಾಮರಾಜನಗರ: ಜನ್ಮದಿನದಂದೇ ಹಾಸ್ಟೆಲ್ ನಲ್ಲಿ ನೇಣಿಗೆ ಶರಣಾದ ಕಾಲೇಜು ಉಪನ್ಯಾಸಕಿ

india ajadi ka amruth singh

ಸ್ವಾತಂತ್ರ್ಯ ಸಮರ @75: ಅಪ್ರತಿಮ ಸ್ವಾತಂತ್ರ್ಯ ಹೋರಾಟಗಾರ ಭಗತ್ ಸಿಂಗ್

ಕನ್ನಡದ ʼಉಗ್ರಂʼ ಮರಾಠಿಗೆ ರಿಮೇಕ್: ನಾಯಕ – ನಾಯಕಿ ಯಾರು? ಇಲ್ಲಿದೆ ಮಾಹಿತಿ

ಕನ್ನಡದ ʼಉಗ್ರಂʼ ಮರಾಠಿಗೆ ರಿಮೇಕ್: ನಾಯಕ – ನಾಯಕಿ ಯಾರು?

independence 75 k

ಸ್ವಾತಂತ್ರ್ಯ ವೀರರು@75: ಸಮಾಜದ ಕಟ್ಟುಕಟ್ಟಳೆಗಳ ವಿರುದ್ಧ ಹೋರಾಡಿದ್ದ ಧೀರ ಅಮಚಡಿ ತೇವನ್

thumb 4 politics

ಬಿಹಾರದಲ್ಲಿ ಜೆಡಿಯು, ಬಿಜೆಪಿ ಮೈತ್ರಿ ಸರ್ಕಾರ ಪತನ; 4 ಗಂಟೆಗೆ ರಾಜ್ಯಪಾಲರ ಭೇಟಿ: ನಿತೀಶ್

ಬೊಮ್ಮಾಯಿ ಅವರ ಗೊಂಬೆಯಾಟ ಮುಗಿಯುವ ಹಂತಕ್ಕೆ ಬಂದಿದೆ: ಕಾಂಗ್ರೆಸ್ ಟೀಕೆ

ಬೊಮ್ಮಾಯಿ ಅವರ ಗೊಂಬೆಯಾಟ ಮುಗಿಯುವ ಹಂತಕ್ಕೆ ಬಂದಿದೆ: ಕಾಂಗ್ರೆಸ್ ಟೀಕೆ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

india ajadi ka amruth singh

ಸ್ವಾತಂತ್ರ್ಯ ಸಮರ @75: ಅಪ್ರತಿಮ ಸ್ವಾತಂತ್ರ್ಯ ಹೋರಾಟಗಾರ ಭಗತ್ ಸಿಂಗ್

ಮಹತ್ವಪೂರ್ಣ ಮಾಸ ಮೊಹರಂ

ಮಹತ್ವಪೂರ್ಣ ಮಾಸ ಮೊಹರಂ

thumb 6 india

ಸ್ವಾತಂತ್ರ್ಯ ಸೇನಾನಿ: ಅದಮ್ಯ ಸಾಹಸ, ತ್ಯಾಗದ ಪ್ರತೀಕ ಸುಭಾಶ್ಚಂದ್ರ ಬೋಸ್‌

asಅನ್ನದಾತನ ಕಂಗೆಡಿಸಿದ ಆಶ್ಲೇಷಾ ಮಳೆ; ನೆಲಕಚ್ಚಿದ ಬೆಳೆ

ಅನ್ನದಾತನ ಕಂಗೆಡಿಸಿದ ಆಶ್ಲೇಷಾ ಮಳೆ; ನೆಲಕಚ್ಚಿದ ಬೆಳೆ

ಸ್ವಾತಂತ್ರ್ಯ ಅಮೃತ ಮಹೋತ್ಸವ: ಸ್ವಾತಂತ್ರ್ಯ ವೀರರಿಗೆ ಸಲಾಂ

ಸ್ವಾತಂತ್ರ್ಯ ಅಮೃತ ಮಹೋತ್ಸವ: ಸ್ವಾತಂತ್ರ್ಯ ವೀರರಿಗೆ ಸಲಾಂ

MUST WATCH

udayavani youtube

ಮರೆಯಾಗುತ್ತಿದೆ ಹಿಂದೂ ಮುಸ್ಲಿಂ ಭಾವೈಕ್ಯತೆಯ ಮೊಹರಂ ಹೆಜ್ಜೆ ಕುಣಿತ

udayavani youtube

ಪ್ರವಾಹದ ನೀರಿನಲ್ಲಿ ಕಾರು ಚಲಾಯಿಸಿ ಸಿಲುಕಿಕೊಂಡ ಯುವಕರು… ಕೊನೆಗೂ ಪಾರಾದರು

udayavani youtube

ಸೌಹಾರ್ದತೆಗೆ ಸಾಕ್ಷಿಯಾದ ನಾಲತವಾಡ : ಹಿಂದೂ ಮುಸ್ಲಿಂ ಸೇರಿ ಮೊಹರಂ ಆಚರಣೆ

udayavani youtube

ಆಟಿಯ ಹುಣ್ಣಿಮೆ ದಿನದಂದು ಹೊಸ್ತಿಲು ಬರೆಯುವ ಹಿನ್ನೆಲೆ ನಿಮಗೆ ಗೊತ್ತೇ ?

udayavani youtube

ತುಂಬಿ ಹರಿಯುತ್ತಿದೆ ಬಾರೇಹಳ್ಳ ಚೆಕ್ ಡ್ಯಾಂ… ನೋಡಲು ಅದೆಷ್ಟು ಸುಂದರ…

ಹೊಸ ಸೇರ್ಪಡೆ

4power

ನೀರಾವರಿ ಯೋಜನೆ ಅನುಷ್ಠಾನದಲ್ಲಿ ಇಚ್ಛಾ ಶಕ್ತಿ ಕೊರತೆ

bond ravi

ಡಬ್ಬಿಂಗ್‌ ಮುಗಿಸಿದ ‘ಬಾಂಡ್‌ ರವಿ’

TDY-15

13 ರಿಂದ ಹರ್‌ ಘರ್‌ ಮೇ ತಿರಂಗಾ ಅಭಿಯಾನ

ರಾಜ್ಯಪಾಲರಿಗೆ ರಾಜೀನಾಮೆ ಸಲ್ಲಿಸಿದ ಬಿಹಾರ ಸಿಎಂ ನಿತೀಶ್; ಆರ್ ಜೆಡಿ, ಜೆಡಿಯು ಸರ್ಕಾರ ರಚನೆ

ರಾಜ್ಯಪಾಲರಿಗೆ ರಾಜೀನಾಮೆ ಸಲ್ಲಿಸಿದ ಬಿಹಾರ ಸಿಎಂ ನಿತೀಶ್; ಆರ್ ಜೆಡಿ, ಜೆಡಿಯು ಸರ್ಕಾರ ರಚನೆ

16

ಜಯಚಾಮರಾಜೇಂದ್ರ ಆಸ್ಪತ್ರೆಯ ತೀವ್ರ ನಿಗಾ ಘಟಕ ಉದ್ಘಾಟಿಸಿದ ಗೃಹ ಸಚಿವ ಆರಗ ಜ್ಞಾನೇಂದ್ರ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.