ಇಡೀ ದೇಶಕ್ಕೆ ಮೆಚ್ಚುಗೆಯಾಗಿದ್ದ ಸುಷ್ಮಾ ಸ್ವರಾಜ್‌ ವಾಗ್ಝರಿ

ರಾಮ ಮತ್ತು ಯುಧಿಷ್ಟಿರರ ಆಡಳಿತದ ಹಕ್ಕನ್ನು ಮಂಥರೆ ಮತ್ತು ಶಕುನಿ ಕಸಿದುಕೊಳ್ಳಬಹುದಾದರೆ, ಈ ಸದನವನ್ನು ನೋಡಿ. ಇಲ್ಲಿ ಹಲವು ಮಂಥರೆ ಮತ್ತು ಶಕುನಿಯರಿದ್ದಾರೆ. ಹೀಗಿದ್ದಾಗ ನಾವು ಅಧಿಕಾರದಲ್ಲಿರುವುದು ಹೇಗೆ? ಈ ಅವಿಶ್ವಾಸಮತ ಯಾಚನೆಯು ರಾಮರಾಜ್ಯ ಮತ್ತು ಸುರಾಜ್ಯದ ರೀತಿ ಎಂದು ನಾನು ನೋಡುತ್ತೇನೆ. ನಾವು ಸಂಪ್ರದಾಯವಾದಿಗಳು, ಯಾಕೆಂದರೆ ನಾವು ವಂದೇ ಮಾತರಂ ಎಂದು ಹೇಳುತ್ತೇವೆ, ನಾವು ಸಂಪ್ರದಾಯವಾದಿಗಳು, ಯಾಕೆಂದರೆ ನಾವು ನಮ್ಮ ರಾಷ್ಟ್ರಧ್ವಜವನ್ನು ಗೌರವಿಸುತ್ತೇವೆ, ನಾವು ಸಂಪ್ರದಾಯವಾದಿಗಳು, ಯಾಕೆಂದರೆ ನಾವು 370 ಅನ್ನು ತೆಗೆದುಹಾಕಲು ಬಯಸುತ್ತೇವೆ, ನಾವು ಸಂಪ್ರದಾಯವಾದಿಗಳು, ಯಾಕೆಂದರೆ ಜಾತಿ ಮತ್ತು ಜನಾಂಗದ ಆಧಾರದ ಮೇಲೆ ತಾರತಮ್ಯಕ್ಕೆ ಕೊನೆ ಹಾಡಲು ಬಯಸುತ್ತೇವೆ, ನಾವು ಸಂಪ್ರದಾಯವಾದಿಗಳು ಯಾಕೆಂದರೆ ಸಮಾನ ನಾಗರಿಕ ಸಂಹಿತೆಯನ್ನು ದೇಶದಲ್ಲಿ ಜಾರಿಗೊಳಿಸಲು ಬಯಸುತ್ತೇವೆ.

ಹಮ್‌ಕೋ ಹೈ ಉನ್‌ಸೇ ವಫಾ ಕೀ ಉಮ್ಮೀದ್‌, ಜೋ ನಹೀ ಜಾನತೇ ವಫಾ ಕ್ಯಾ ಹೈ (ನಿಷ್ಠೆ ಎಂಬುದು ಏನು ಎಂದೇ ಗೊತ್ತಿಲ್ಲದವರ ಮೇಲೆ ನಾವು ವಿಶ್ವಾಸ ಇಟ್ಟಿದ್ದೇವೆ) ಎಂದು ಮಿರ್ಜಾ ಗಾಲಿಬ್‌ರ ಕವನವನ್ನು ಮನಮೋಹನ ಸಿಂಗ್‌ ಉಲ್ಲೇಖೀಸಿದ್ದರೆ, ಅವರ ಮಾತು ಮುಗಿಯುತ್ತಿದ್ದಂತೆಯೇ ಮಾತಿಗೆ ಎದ್ದು ನಿಂತ ಸುಷ್ಮಾ ಕುಚ್ ತೋ ಮಜ್‌ಬೂರಿಯಾ ರಹೀ ಹೋಂಗೆ, ಯೂಂ ಹೀ ಕೋಯಿ ಬೇವಫಾ ನಹೀ ಹೋತಾ (ಯಾವುದೋ ಅನಿವಾರ್ಯ ಇದ್ದಿರಲೇಬೇಕು, ಹಾಗೇ ಸುಮ್ಮನೆ ಮೋಸ ಆಗಿರಲಾರದು) ಎಂದು ತಿರುಗೇಟು ನೀಡಿದರು.

ಅದೇ ರೀತಿ ಇನ್ನೊಂದು ಸನ್ನಿವೇಶದಲ್ಲೂ ತೂ ಇಧರ್‌ ಉಧರ್‌ ಕೀ ಬಾತ್‌ ನ ಕರ್‌, ಯೇ ಬತಾ ಕೀ ಕಾಫಿಲಾ ಕ್ಯೂ ಲೂಟಾ, ಹಮೇ ರೆಹಝಾನೋ ಸೇ ಗಿಲಾ ನಹೀಂ, ತೇರಿ ರೆಹಬರಿ ಕಾ ಸವಾಲ್ ಹೈ (ಸುಮ್ಮನೆ ಮಾತು ಮರೆಸಬೇಡ, ಯಾಕೆ ಅರಮನೆಯನ್ನು ಲೂಟಿ ಮಾಡಿದ್ದೀರಿ ಎಂದು ಹೇಳು, ಹಾದಿಹೋಕರ ಮೇಲೆ ನಾವು ದೂರುವುದಿಲ್ಲ, ಆದರೆ ನಿನ್ನ ನಾಯಕತ್ವದ ಬಗ್ಗೆ ನನ್ನ ಪ್ರಶ್ನೆಯಿದು) ಎಂದು ಸುಷ್ಮಾ ಹೇಳಿದ್ದಕ್ಕೆ ಮಾನಾ ಕಿ ತೆರೆ ದೀದ್‌ ಕೆ ಕಾಬಿಲ್ ನಹೀ ಹೂ ಮೈ, ತೂ ಮೇರಾ ಶೌಕ್‌ ದೇಖ್‌, ಮೇರಾ ಇಂತಜಾರ್‌ ದೇಖ್‌ (ನೀನು ನನ್ನನ್ನು ನೋಡುವ ರೀತಿಗೆ ನಾನು ಅರ್ಹನಲ್ಲ ಎಂಬುದು ಗೊತ್ತು, ಆದರೆ ನನ್ನ ವಿನಮ್ರತೆಯನ್ನು ನೋಡು, ನನ್ನ ನಿರೀಕ್ಷೆಯನ್ನು ನೋಡು) ಎಂದಿದ್ದರು.