Udayavni Special

ನೊಬೆಲ್‌ ಪ್ರಶಸ್ತಿಗೂ ಗುಡ್‌ ಇನಫ್


Team Udayavani, Oct 20, 2019, 5:54 AM IST

c-33

ಇನ್ನೇನು, ಗಂಟೆ 8 ಹೊಡೆ ಯುವ ಮೊದಲೇ ನಾನು ನನ್ನ ಸಂಶೋಧನಾಲಯದ ಬಾಗಿಲಲ್ಲಿ ಇರುತ್ತೇನೆ. ಮತ್ತಿನ್ನೇನು ಮಾಡಲಿ? ನನ್ನ ಮನೆಯಲ್ಲಿಯೇ ಇದ್ದು, ನನ್ನ ಮೃತ್ಯುವಿಗೆ ಕಾಯುತ್ತಾ ಕುಳಿತುಕೊಳ್ಳಲೇ? ನಗುವಿನ ಅಲೆ ಇನ್ನೊಮ್ಮೆ ಫೋನ್‌ ಮುಖಾಂತರವೂ ಹರಡಿತು.

ರಸಾಯನ ಶಾಸ್ತ್ರದಲ್ಲಿ ನೊಬೆಲ್‌ ಪ್ರಶಸ್ತಿಗೆ ಅರ್ಹ ವಿಜ್ಞಾನಿಯೊಬ್ಬರ ಅವಲೋಕನ ಅಲ್ಲಿಯೇ ನೆಟ್ಟಿತು. ನೊಬೆಲ್‌ ಪಾರಿತೋಷಕಗಳ ಚರಿತ್ರೆಯಲ್ಲಿಯೂ ಅದೊಂದು ಹೊಸ ದಾಖಲು. ಜಾನ್‌ ಬಿ ಗುಡ್‌ಎನೌಫ್ ಅವರಿಗೆ ಜುಲೈ 25, 2019ರಂದು ಭರ್ತಿ 97 ವರ್ಷ ಪ್ರಾಯ. ಕಳೆದ ವಾರ (ಅಕ್ಟೋಬರ್‌ 10, 2019) ನೊಬೆಲ್‌ ಸಮಿತಿ 119 ವರ್ಷಗಳಿಂದ ಸನ್ಮಾನಿಸುತ್ತಾ ಬಂದಿರುವ ನೊಬೆಲ್‌ ಸನ್ಮಾನವನ್ನು ಅತ್ಯಂತ ಹಿರಿಯರೊಬ್ಬರಿಗೆ ಪ್ರದಾನ ಮಾಡುತ್ತಿರುವುದು ಒಂದು ಇತಿಹಾಸ.

ಗುಡ್‌ಎನೌಫ್ ಅವರ ದಿನಚರಿಯಲ್ಲಿ ಒಂದು ಶಿಸ್ತು ಇದೆ. ಮುಂಜಾವಿನಲ್ಲೇ ಎದ್ದು ಹಲ್ಲುಜ್ಜುತ್ತಿ ರುವಾಗ ಅವರಿಗೆ ಒಂದು ಫೋನ್‌ ಕರೆ ಬರುತ್ತದೆ. ಟಿವಿ ವರದಿಗಾರ ಗುಡ್‌ಎನೌಫ‌ರಲ್ಲಿ ಕೇಳುತ್ತಾರೆ, ಸರ್‌ ನಿಮಗೆ ಇಂದು ನೊಬೆಲ್‌ ಪ್ರಶಸ್ತಿಯ ಘೋಷಣೆ ಆಗಿರುತ್ತದೆ, ಹೇಗೆ ಅನಿಸುತ್ತದೆ? ನನಗೆ ಖುಷಿ ಮತ್ತು ಆಶ್ಚರ್ಯವಾಗುತ್ತಿದ್ದರೂ, ನಾನು ಮಾತ್ರ ಇಂದಿನವರೆಗೆ ಏನು ವ್ಯಕ್ತಿಯಾಗಿ ಇದ್ದೆನೋ ಮುಂದೆಯೂ ಅವನೇ ಆಗಿರುತ್ತೇನೆ. ನನಗೆ ನೊಬೆಲ್‌ ಪ್ರಶಸ್ತಿ ಬರಲಿ, ಬಿಡಲಿ. ನನ್ನ ಜೀವನದಲ್ಲಿ ಒಂದಿನಿತೂ ವ್ಯತ್ಯಾಸವಾಗುವುದಿಲ್ಲ.

ವಿಚಿತ್ರವೆಂದರೆ ನೊಬೆಲ್‌ ಸಮಿತಿಯವರು ಈ ಹಿರಿಯ ವಿಜ್ಞಾನಿಗೆ ಪ್ರಶಸ್ತಿ ನೀಡಲಿರುವ ವಿಚಾರ ತಿಳಿಸಿರಲೇ ಇಲ್ಲ. ತಿಳಿಸುವ ಪ್ರಯತ್ನ ಮಾಡಿದ್ದರಂತೆ. ಫೋನ್‌ ಆಫ್ ಮಾಡಿ ಬೇಗ ನಿದ್ದೆಗೆ ಹೋಗಿದ್ದರೆನೋ. ಅಮೆರಿಕದ ಬೆಂಜಮಿನ್‌ ಫ್ರಾಂಕ್ಲಿನ್‌ ಅವರ ಮಾತು, ಬೇಗ ಮಲಗಿ ಬೇಗನೇಳಲು ಯೋಗಕ್ಷೇಮ ಖಚಿತವು ಮನುಜಗೆ ಎಂಬುದನ್ನು ಪಾಲಿಸುತ್ತಾರೆ.

ಪ್ರೊ| ಗುಡ್‌ಎನೌಫ್, ನೀವು ಈಗ (ಈ ವಯಸ್ಸಿನಲ್ಲಿ) ಏನು ಮಾಡುತ್ತಿದ್ದೀರಿ? ವರದಿಗಾರ ಕೇಳಿದ. ಗುಡ್‌ಎನೌಫ‌ರ ನಗು ಇಡೀ ವಾತಾವರಣವನ್ನು ತುಂಬಿತು. ಅವರ ನಗು ಯಾವಾಗಲೂ ಅವರ ವ್ಯಕ್ತಿತ್ವದ ಒಂದು ಭಾಗ. ಆ ನಗು ಕೇಳಿದರೆ ಅಥವಾ ನೋಡಿದರೆ ಅದೊಂದು ಅದ್ಭುತ ಅನುಭವ. ಸುತ್ತಲಿನ ವಾತಾವರಣವಿಡೀ ಕಂಪಿಸಲು ಪ್ರಾರಂಭಿಸುತ್ತದೆ. ಅದು ಆನಂದವನ್ನು ಪಸರಿಸುತ್ತದೆ. ನಗುತ್ತಲೇ ಉತ್ತರಿಸಿದರು,

ಇನ್ನೇನು, ಗಂಟೆ ಎಂಟು ಹೊಡೆಯುವ ಮೊದಲೇ ನಾನು ನನ್ನ ಸಂಶೋಧನಾಲಯದ ಬಾಗಿಲಲ್ಲಿ ಇರು ತ್ತೇನೆ. ಮತ್ತಿನ್ನೇನು ಮಾಡಲಿ? ನನ್ನ ಮನೆಯಲ್ಲಿಯೇ ಇದ್ದು, ನನ್ನ ಮೃತ್ಯುವಿಗೆ ಕಾಯುತ್ತಾ ಕುಳಿತು ಕೊಳ್ಳಲೇ? ನಗುವಿನ ಅಲೆ ಇನ್ನೊಮ್ಮೆ ಫೋನ್‌ ಮುಖಾಂತರವೂ ಹರಡಿತು. ನೊಬೆಲ್‌ ಬಹುಮಾನ ನನ್ನ ಮೇಲೆ ಇನ್ನು ಯಾವುದೇ ಪರಿಣಾಮ ಮಾಡಲಾರದು ಎನ್ನುತ್ತಾ ನಗುವಿನಲ್ಲಿ ಇನ್ನೊಮ್ಮೆ ಭೂಮಿಯನ್ನು ಕಂಪಿಸಿದರು.

ಜನನ ಮತ್ತು ಬಾಲ್ಯ…
ಜರ್ಮನಿಯ ಜೀನಾದಲ್ಲಿ ಜಾನ್‌ ಗುಡ್‌ಎನೌಫ್ ಜನಿಸಿದಾಗ ಅವರ ತಂದೆ ಈರ್ವಿನ್‌ ಗುಡ್‌ಎನೌಫ್ ಹಾರ್ವರ್ಡ್‌ ವಿಶ್ವವಿದ್ಯಾಲಯದಲ್ಲಿ ಪ್ರೊಫೆಸರ್‌ ಆಗಿದ್ದರು. ತಾಯಿ ಹೆಲೆನ್‌ ಗುಡ್‌ಎನೌಫ್ ಮತ್ತು ತಂದೆಯವರ ದಾಂಪತ್ಯ ಸಾಮರಸ್ಯದಿಂದ ಇರಲಿಲ್ಲ. ಚಿಕ್ಕಂದಿನಲ್ಲಿ ಜಾನ್‌ ಓದಲು-ಬರೆಯಲು ಬಾರದ ಹಿಂದುಳಿದ ಮತ್ತು ಡಿಸ್ಲೆಕ್ಸಿಯಾ ಎಂಬ ನ್ಯೂನತೆಯಿಂದ ಚಡಪಡಿಸುತ್ತಿದ್ದ. ಏನು ಕೌತುಕ, ಸುಮಾರು 90 ವರ್ಷಗಳು ಕಳೆದ ಮೇಲೆ, ಅದೇ ಮಂದ ಬುದ್ಧಿಗೆ ನೊಬೆಲ್‌ ಪಾರಿತೋಷಕದ ಸನ್ಮಾನ.

ಏನೆಲ್ಲಾ ತಿರುವುಗಳು. ಎರಡನೇ ಮಹಾಯುದ್ಧದ ವೇಳೆ ಗುಡ್‌ಎನೌಫ್ ಅಮೆರಿಕದ ಮಿಲಿಟರಿ ಪಡೆ ಯಲ್ಲಿ ಪವನಶಾಸ್ತ್ರಜ್ಞನಾಗಿ ಕೆಲಸ ಮಾಡಿದ್ದರು. ಈ ಯುದ್ಧವನ್ನು ಸ್ಟುಪಿಡ್‌ ವಾರ್‌ ಎಂದು ತಮ್ಮ ಅಸಂತೋಷವನ್ನು ಹೇಳಿಕೊಂಡಿದ್ದರು. ಮುಂದೆ ತಮ್ಮ ಸಂಶೋಧನೆಗಳಿಗೆ ಸನ್ಮಾನಗಳು ಬರುತ್ತಿರುವಾಗ… ಅದೃಷ್ಟ, ನನ್ನ ಸಂಶೋಧನೆ ಯುದ್ಧಕ್ಕಾಗಿ ಉಪಯೋಗವಾಗುತ್ತಿಲ್ಲವಲ್ಲ! ಎಂದು ಉದ್ಗರಿಸುತ್ತಿದ್ದರು.

ಸಂಶೋಧನೆ
ನಾವೆಲ್ಲಾ ಅವೆಷ್ಟೋ ಬಾರಿ ಸ್ಮಾರ್ಟ್‌ ಫೋನುಗಳನ್ನು ದಿನವಿಡೀ ಉಪಯೋಗಿಸುತ್ತಾ, ಬ್ಯಾಟರಿ ಕಡಿಮೆ ಯಾದರೆ, ಪುನಃ ಚಾರ್ಜ್‌ ಮಾಡುತ್ತಾ ಉಪಯೋಗಿಸುತ್ತಿಲ್ಲವೇ? ಅಂತೆಯೇ, ಲ್ಯಾಪ್‌ಟಾಪ್‌, ಟ್ಯಾಬ್ಲೆಟ್‌ ಅಥವಾ e-ಪುಸ್ತಕಗಳಲ್ಲಿ ವಿಶೇಷವಾದ ಬ್ಯಾಟರಿಗಳನ್ನು ಉಪಯೋಗಿಸುತ್ತೇವೆ. ಬ್ಯಾಟರಿ ಸರಿಯಿದ್ದರೆ 3 ರಿಂದ 4 ವರ್ಷಗಳ ಕಾಲ ಪುನಃ ಪುನಃ ಚಾರ್ಜ್‌ ಮಾಡುತ್ತಾ ಬಳಕೆಯಲ್ಲಿರುತ್ತವೆ. ಇಂತಹ ಬ್ಯಾಟರಿಗಳನ್ನು ಆವಿಷ್ಕಾರ ಮಾಡಿದವರಲ್ಲಿ ಒಬ್ಬರು, ಜಾನ್‌ ಗುಡ್‌ಎನೌಫ್. ಅದುವೇ Li+ ಅಯೋನ್‌ ಸೆಲ್ 1991ರಲ್ಲಿ ಮೊದಲು ವಿನ್ಯಾಸ ಮಾಡಿದ ಈ ಬ್ಯಾಟರಿಯ ಆವಿಷ್ಕಾರಕ್ಕಾಗಿ ಈಗ ನೊಬೆಲ್‌ ಬಹುಮಾನ ಬಂದಿದೆ. 28 ವರ್ಷಗಳ ವೀಕ್ಷಣೆಯನ್ನು ಇಂತಹ ಸೆಲ್‌ಗ‌ಳು ಸಹಿಸಿಕೊಂಡಿವೆ ಎಂದಾಯಿತಲ್ಲವೇ? ಅಂತಹ ಬ್ಯಾಟರಿಯ ಅಂದಾ ಜು ವೋಲ್ಟೆಜ್‌ 3.6V. ಗುಡ್‌ಎನೌಫ್ ಅವ ರೊಂದಿಗೆ ಇಂತಹ ಬ್ಯಾಟರಿಗಳ ಉಪಯೋಗದಲ್ಲಿ ಕೊಡುಗೆ ನೀಡಿದವರು ಬ್ರಿಟನ್‌ ಮೂಲದ ಅಮೆರಿಕದ 78ರ ಹರೆಯದ ವಿಜ್ಞಾನಿ ಸ್ಟಾನ್ಲಿ ವಿಟ್ಟಿಂಗಮ… ಮತ್ತು ಮಾರುಕಟ್ಟೆ ಬಳಕೆಯೋಗ್ಯವಾಗಿ ಮಾಡಿದ ಜಪಾನಿನ 71ರ ಪ್ರಾಯದ ಅಕಿರಾ ಯೋಷಿನೋ ಅವರು. ಮೂವರೂ ಸಾಕಷ್ಟು ಹಿರಿ ಯರು. ಆದರೂ ಅವರಿಗೆಲ್ಲಾ ಮುಪ್ಪು ಆವರಿಸಿಲ್ಲ.

ಶತಾಯುಷಿ ಆಗುವತ್ತ ಸಾಗುತ್ತಿರುವ ಗುಡ್‌ಎನೌಫ‌ರ ಹುಮ್ಮಸ್ಸು ಇಲ್ಲಿಗೆ ನಿಲ್ಲುವುದಿಲ್ಲ. ಔಜಿ+ ಅಯೋನಿಗೆ ಗಾಜಿನ ಲೇಪದ ಒಂದು ಎಲೊಕ್ಟ್ರೊಲೈಟ್‌ ಉಪಯೋಗಿಸಿ ಹೊಸತೊಂದು ಬ್ಯಾಟರಿಯ ಆವಿಷ್ಕಾರಕ್ಕೆ ತಮ್ಮ ಟೆಕ್ಸಾಸ್‌ ವಿಶ್ವವಿದ್ಯಾಲಯದ ಪ್ರಯೋಗಾಲಯಕ್ಕೆ ಹೊರಟಿದ್ದಾರೆ. ಮಿನುಟುಗಳಲ್ಲಿ ಚಾರ್ಜ್‌ ಮಾಡಲು ಸಾಧ್ಯವಿರುವ ಇಂತಹ ಶಕ್ತಿಯ ಪೆಟ್ಟಿಗೆಗಳನ್ನು ವಾಹನಗಳಲ್ಲಿ ಉಪಯೋಗ ಮಾಡುವುದೇ ಅವರ ಮುಂದಿನ ಗುರಿ. ಆಹಾ! ಪೆಟ್ರೋಲ್ – ಡೀಸೆಲಿನಿಂದ ಮುಕ್ತ ಜಗತ್ತು. ಪರಿಸರ ಸ್ನೇಹಿ ಶಕ್ತಿಯ ಮೂಲ. ಅಂತಹ ಒಂದು ಆವಿಷ್ಕಾರ ಮಾಡಲೆಂದೇ ನಾನು ಈ ಪ್ರಾಯದಲ್ಲಿ ಇನ್ನೂ ಹೆಚ್ಚಿನ ಹುರುಪಿನಿಂದ ನನ್ನ ಸಂಶೋಧನಾಲಯಕ್ಕೆ ಬೆಳೆಗ್ಗೆ ಎಂಟು ಗಂಟೆ ಮೊದಲೇ ತಲಪುತ್ತೇನೆ.

ನೋಡುತ್ತಿರಿ, ಇನ್ನು 20 ವರ್ಷಗಳ ಒಳಗೆ ನಾವು ಭೂಮಿಯ ಒಡಲಿನಿಂದ ಪೆಟ್ರೋಲಿಯಂ ಎಣ್ಣೆ ಹೊರತೆಗೆಯುವುದನ್ನು ನಿಲ್ಲಿಸಬಹುದು ಮತ್ತು ಮಾಲಿನ್ಯ ರಹಿತ ಜಗತ್ತಿನತ್ತ ಸಾಗಬಹುದು, ಎನ್ನುತ್ತಾ ನಗುವಿನ ಅಲೆಯನ್ನು ಉಳಿದವರ ಮುಖದಲ್ಲೂ ಹರಡುತ್ತಾರೆ, ಈ ನೂರರ ಸಮೀಪದ ತರುಣ.

ಡಾ| ಶ್ರೀಧರ ಭಟ್‌ ಬಡೆಕ್ಕಿಲ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ವಿದ್ಯಾರ್ಥಿ ನಿಲಯಗಳಲ್ಲಿ 54,108 ಜನರಿಗೆ ಆಶ್ರಯ : ಗೋವಿಂದ ಕಾರಜೋಳ

ವಿದ್ಯಾರ್ಥಿ ನಿಲಯಗಳಲ್ಲಿ 54,108 ಜನರಿಗೆ ಆಶ್ರಯ : ಗೋವಿಂದ ಕಾರಜೋಳ

ದ.ಕ.: ಮತ್ತೆ 24 ಮಂದಿಗೆ ಕೋವಿಡ್-19 ದೃಢ  

ದ.ಕ.: ಮತ್ತೆ 24 ಮಂದಿಗೆ ಕೋವಿಡ್-19 ದೃಢ  

ಬಸ್‌ನಲ್ಲಿ ಬಂದ ಯುವಕನಲ್ಲಿ ಕೋವಿಡ್‌-19 ಸೋಂಕು ಪತ್ತೆ

ಬೆಂಗಳೂರಿನಿಂದ ಬೀದರ್‌ಗೆ ಬಸ್‌ನಲ್ಲಿ ಬಂದ ಯುವಕನಲ್ಲಿ ಕೋವಿಡ್‌-19 ಸೋಂಕು ಪತ್ತೆ

ಕಲಬುರಗಿಯಲ್ಲಿ 20 ಮಕ್ಕಳು ಸೇರಿದಂತೆ 69 ಮಂದಿಗೆ ಕೋವಿಡ್-19 ಸೋಂಕು ದೃಢ

ಕಲಬುರಗಿಯಲ್ಲಿ 20 ಮಕ್ಕಳು ಸೇರಿದಂತೆ 69 ಮಂದಿಗೆ ಕೋವಿಡ್-19 ಸೋಂಕು ದೃಢ

ಪಾಂಡವಪುರ ಸಕ್ಕರೆ ಕಾರ್ಖಾನೆ ನಿರಾಣಿ ತೆಕ್ಕೆಗೆ

ಪಾಂಡವಪುರ ಸಕ್ಕರೆ ಕಾರ್ಖಾನೆ ನಿರಾಣಿ ತೆಕ್ಕೆಗೆ

ಧಾರವಾಡ: ಮೂರು ಕೋವಿಡ್ ಪಾಸಿಟಿವ್ ಪ್ರಕರಣಗಳು ಪತ್ತೆ

ಧಾರವಾಡ: ಮೂರು ಕೋವಿಡ್ ಪಾಸಿಟಿವ್ ಪ್ರಕರಣಗಳು ಪತ್ತೆ

ಜೂನ್ 14ರಂದು ಪದಗ್ರಹಣದ ‘ಪ್ರತಿಜ್ಞೆ’ ಕಾರ್ಯಕ್ರಮಕ್ಕೆ ಅನುಮತಿ ಕೋರಿದ್ದೇನೆ

ಜೂನ್ 14ರಂದು ಪದಗ್ರಹಣದ ‘ಪ್ರತಿಜ್ಞೆ’ ಕಾರ್ಯಕ್ರಮಕ್ಕೆ ಅನುಮತಿ ಕೋರಿದ್ದೇನೆ

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಗುರು ಬಸವಣ್ಣನವರು ತೋರಿದ ದಾರಿಯಲ್ಲಿ…

ಗುರು ಬಸವಣ್ಣನವರು ತೋರಿದ ದಾರಿಯಲ್ಲಿ…

sanatana

ಸನಾತನ , ಶ್ರೀಮಂತ ಕೊಂಕಣಿ ಭಾಷೆ – ಸಾಹಿತ್ಯ – ಸಂಸ್ಕೃತಿ

mk-34

ಪುಣ್ಯ ಪರ್ವದಿನ ಸಂಕ್ರಮಣ

j-17

ಕೆ.ಕೆ.ಪೈ ಮತ್ತು ಪರ್ಯಾಯದ ಪಳಮೆ

n-40

ಉತ್ತಮರಾಗೋಣ, ಉಪಕಾರಿಗಳಾಗೋಣ…

MUST WATCH

udayavani youtube

Growth of a Miyawaki Forest in a city | World Environment day Special

udayavani youtube

ಮರದ ಬೇರಿಗೆ ಸುಂದರ ರೂಪ ನೀಡುವ ಶಿಲ್ಪಿ | Wood sculptor Jagadesh Acharya

udayavani youtube

70 CENTS ಜಾಗದಲ್ಲಿ 16 TON ಕಲ್ಲಂಗಡಿ ಬೆಳೆದ ಯಶಸ್ವಿ ಕೃಷಿಕ | Udayavani

udayavani youtube

ಭಾರತದಲ್ಲೇ ಅತೀ ಎತ್ತರದ Karaga ಕಟ್ಟಿ ಕುಣಿಯುವ Venkatesh Bangera | Udayavani

udayavani youtube

18 ಎಕರೆಯ ಮಾದರಿ ಕೃಷಿ ತೋಟ | Farmer who inspires youngsters to do Agriculture

ಹೊಸ ಸೇರ್ಪಡೆ

ವಿದ್ಯಾರ್ಥಿ ನಿಲಯಗಳಲ್ಲಿ 54,108 ಜನರಿಗೆ ಆಶ್ರಯ : ಗೋವಿಂದ ಕಾರಜೋಳ

ವಿದ್ಯಾರ್ಥಿ ನಿಲಯಗಳಲ್ಲಿ 54,108 ಜನರಿಗೆ ಆಶ್ರಯ : ಗೋವಿಂದ ಕಾರಜೋಳ

ದ.ಕ.: ಮತ್ತೆ 24 ಮಂದಿಗೆ ಕೋವಿಡ್-19 ದೃಢ  

ದ.ಕ.: ಮತ್ತೆ 24 ಮಂದಿಗೆ ಕೋವಿಡ್-19 ದೃಢ  

ಬಸ್‌ನಲ್ಲಿ ಬಂದ ಯುವಕನಲ್ಲಿ ಕೋವಿಡ್‌-19 ಸೋಂಕು ಪತ್ತೆ

ಬೆಂಗಳೂರಿನಿಂದ ಬೀದರ್‌ಗೆ ಬಸ್‌ನಲ್ಲಿ ಬಂದ ಯುವಕನಲ್ಲಿ ಕೋವಿಡ್‌-19 ಸೋಂಕು ಪತ್ತೆ

ಕಲಬುರಗಿಯಲ್ಲಿ 20 ಮಕ್ಕಳು ಸೇರಿದಂತೆ 69 ಮಂದಿಗೆ ಕೋವಿಡ್-19 ಸೋಂಕು ದೃಢ

ಕಲಬುರಗಿಯಲ್ಲಿ 20 ಮಕ್ಕಳು ಸೇರಿದಂತೆ 69 ಮಂದಿಗೆ ಕೋವಿಡ್-19 ಸೋಂಕು ದೃಢ

ಪಾಂಡವಪುರ ಸಕ್ಕರೆ ಕಾರ್ಖಾನೆ ನಿರಾಣಿ ತೆಕ್ಕೆಗೆ

ಪಾಂಡವಪುರ ಸಕ್ಕರೆ ಕಾರ್ಖಾನೆ ನಿರಾಣಿ ತೆಕ್ಕೆಗೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.