Udayavni Special

ಇದು ಕೂಲಿಯ ಮಗ “ಐಡಿ ಫ್ರೆಶ್ ಫುಡ್” ಸಂಸ್ಥೆಯ ಒಡೆಯನಾದ ಯಶೋಗಾಥೆ…


ಸುಹಾನ್ ಶೇಕ್, Sep 25, 2019, 6:30 PM IST

web-write-tdy-1

ಸೋತವನಿಗೆ ಸಾವಿರ ದಾರಿಗಳಲ್ಲಿ ನಡೆದ ಅನುಭವಗಳಿರುತ್ತವೆ . ಗೆದ್ದವನಲ್ಲಿ ನೂರು ದಾರಿಯಲ್ಲಿ ನಡೆಯುವ ಜಾಣ್ಮೆ ಅಡಗಿರುತ್ತದೆ. ಜೀವನದಲ್ಲಿ ಎಂಥಾ ಸೋಲುಗಳೇ ಬರಲಿ ಆಶಯವಾಗುವ ಒಂದೇ ಒಂದು ದೀಪವನ್ನು ಬೆಳಗುವ ವ್ಯಕ್ತಿ ಬಂದರೆ ಅಲ್ಲಿ ಸೋತವನಲ್ಲೂ‌ ಗೆಲುವಿನ ಮೊದಲ ಚಿಗುರು ಮೊಳಕೆ ಒಡೆಯುತ್ತದೆ.

ಬಡತನದಲ್ಲಿ ಹುಟ್ಟಿ ನೂರು ಕೋಟಿ ಲಾಭಗಳಿಸುವ ಉದ್ಯಮವನ್ನು ಕಟ್ಟಿ ಬೆಳೆಸಿದ ಪಿ.ಸಿ.‌ಮುಸ್ತಾಫ ಎನ್ನುವವರ ಯಶೋಗಾಥೆ ಇದು.

ಕೇರಳದ ವಯನಾಡ್ ನ ಕಲ್ಪಟ್ಟ ಬಳಿಯ ಚೆನ್ನಾಲೋಡ್ ನಲ್ಲಿ ಬೆಳೆದ ಮುಸ್ತಾಫ ಅವರ ಬಾಲ್ಯದಲ್ಲಿ ಬಣ್ಣದ‌ ಕನಸುಗಳಿರಲಿಲ್ಲ. ಆಸೆ – ಅಕ್ಷಾಂಕೆಗಳಿರಲಿಲ್ಲ. ಸರಿಯಾದ ಪಾಠ, ಖುಷಿಯ ಆಟ, ಎಲ್ಲದಕ್ಕೂ ಬಡತನ ಅಡ್ಡಿ ಆಗಿತ್ತು.‌ ಕಾಫಿ ತೋಟದಲ್ಲಿ ಬೆವರು ಸುರಿಸಿ ಕೂಲಿ ಆಳಾಗಿ ದುಡಿಯುವ ಅಪ್ಪ, ಎರಡು ಹೊತ್ತಿನ ಅನ್ನಕ್ಕೆ ಒಲೆಯ ಮುಂದೆ ಹೊಗೆ ತಿನ್ನುತ್ತಿದ್ದ ಅಮ್ಮ. ಇಂಥ ಪರಿಸ್ಥಿತಿ ಹಾಗೂ ಪರಿಸರದಲ್ಲಿ ಬೆಳೆದವರು ಮುಸ್ತಾಫ.

ನೂರು ಹಾಳೆ,ಖಾಲಿ ತಲೆ : ಮುಸ್ತಾಫರವರ ಗ್ರಾಮದಲ್ಲಿ ಸರಿಯಾದ ವಿದ್ಯುತ್ ವ್ಯವಸ್ಥೆ, ನೀರಿನ ವ್ಯವಸ್ಥೆ ಯಾವುದೂ ಸಮರ್ಪಕವಾಗಿ ಇರಲಿಲ್ಲ. ಅಲ್ಲಿ ಇದ್ದದ್ದು ಪ್ರಾಥಮಿಕ ಶಾಲೆ ಮಾತ್ರ. ಪ್ರತಿದಿನ ನಾಲ್ಕು ಕಿ.ಮಿ.‌ ದೂರ ನಡೆದುಕೊಂಡು ಶಾಲೆಗೆ ಹೋಗಬೇಕಾದ ಸಂದರ್ಭದಲ್ಲಿ ನೂರಾರು ಮಂದಿ ಅರ್ಧದಲ್ಲೇ ಶಾಲೆ ಬಿಟ್ಟು ಬಿಡುತ್ತಿದ್ದರು.  ಓದಿನಲ್ಲಿ ಆಸಕ್ತಿಯೇ ಇಲ್ಲದ ಮುಸ್ತಾಫ ತನ್ನ ಆರನೇ ತರಗತಿಯಲ್ಲಿ ಫೇಲ್ ಆಗುತ್ತಾರೆ. ತಂದೆಯ ಮಾತಿನಿಂತೆ ಕಲಿಯುವುದನ್ನು ನಿಲ್ಲಿಸಿ ತಂದೆಯ ಕೂಲಿ ಕೆಲಸದಲ್ಲಿ ನೆರವಾಗುತ್ತಾರೆ.

ಯೋಚನಾಕಕ್ಷೆಬದಲಾಯಿಸಿದ ಶಿಕ್ಷಕಿ :  ಮುಸ್ತಾಫ ಕಲಿಕೆಯಲ್ಲಿ  ಹಿಂದೆ ಉಳಿದಿದ್ರು, ಗಣಿತ ವಿಷಯದಲ್ಲಿ ಆಸಕ್ತಿ ಹೊಂದಿದ್ದರು. ಎಲ್ಲರಿಗೂ ಕಬ್ಬಿಣದ ಕಡಲೆ ಕಾಯಿ ಅನ್ನಿಸುವ ಗಣಿತವನ್ನು ಮುಸ್ತಾಫ  ಕರಗತ ಮಾಡಿಕೊಂಡಿದ್ದರು.  ಈ ವಿಷಯವನ್ನು ಮನಗಂಡಿದ್ದ ಗಣಿತ ವಿಷಯದ ಶಿಕ್ಷಕಿ ಮುಸ್ತಾಫರಿಗೆ ” ನೀನು ನಿನ್ನ ತಂದೆಯ ಹಾಗೆ ಕೂಲಿ ಆಗ್ತೀಯಾ? ಅಥವಾ ನನ್ನ ಹಾಗೆ ಶಿಕ್ಷಕರ ಕೆಲಸ ಮಾಡುತ್ತೀಯಾ ?  ಎಂದು ಕೇಳುತ್ತಾರೆ. ಈ ಮಾತು ಮುಸ್ತಾಫರನ್ನು ಕಾಡುತ್ತದೆ. ಶಿಕ್ಷಕರ ಮಾತಿನಿಂದ ಮತ್ತೆ ಶಾಲೆಯ ಮೆಟ್ಟಿಲು ಹತ್ತುವ ಅವರು ಮುಂದೆ ಸಾಧಿಸಿದ್ದು, ಸೋತವರ ಬಾಳಿನಲ್ಲಿ ಬೆಳಗುವ ನಂದಾ ದೀಪದಂತೆ ಪ್ರಕಾಶಮಾನವಾಗುವ ಸ್ಪೂರ್ತಿ.

ಓದಿನಲ್ಲಿ ಪಾಪರ್ ಆದವನು ಟಾಪರ್ ಆದ : ಮುಸ್ತಾಫರ ತನ್ನ ಗಣಿತ ಶಿಕ್ಷಕರ ಮಾತು ಗಾಢವಾಗಿ ಪ್ರಭಾವ ಬೀರುತ್ತದೆ. ಏಳನೇ ಕ್ಲಾಸ್ ನಲ್ಲಿ ಉತ್ತಮ ಅಂಕಗಳಿಸಿ ಟಾಪರ್ ಆಗುತ್ತಾರೆ. ಹತ್ತನೇ ತರಗತಿಯ ಪರೀಕ್ಷೆಯಲ್ಲೂ ಟಾಪರ್ ಸ್ಥಾನವನ್ನು  ಪಡೆಯುತ್ತಾರೆ.  ಆಗಿನ ಫಾರೋಕ್ ಕೋಜ್ಹಿಕೋಡೆ ( ಈಗಿನ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ) ಕ್ಯಾಲಿಕಟ್  ಅಲ್ಲಿ  ಕಂಪ್ಯೂಟರ್ ಹಾಗೂ ಇಂಜಿನಿಯರಿಂಗ್ ಪದವಿ ಪಡೆಯುತ್ತಾರೆ. ಮುಸ್ತಾಫರ ಆರ್ಥಿಕ ಸ್ಥಿತಿ ಅರಿತಿದ್ದ ಕಾಲೇಜು ಮಂಡಳಿ   ಅವರನ್ನು ಮಧ್ಯಾಹ್ನದ ಉಚಿತ ಊಟ ಹಾಗೂ ಇರಲು ಹಾಸ್ಟೆಲ್ ಸೌಲಭ್ಯವನ್ನು ಕಲ್ಪಿಸುವ ವಿದ್ಯಾರ್ಥಿಗಳ ಪಟ್ಟಿಗೆ ಸೇರಿಸುತ್ತಾರೆ. ಪದವಿಯ ನಂತರ ಮುಸ್ತಾಫ ಅವರಿಗೆ ಅಮೇರಿಕಾದ ಮೊಟೊರೊಲಾ ಎನ್ನುವ ಖಾಸಗಿ  ಕಂಪೆನಿ ಬೆಂಗಳೂರಿನಲ್ಲಿ ಉದ್ಯೋಗವನ್ನು ನೀಡುತ್ತದೆ. ಕೆಲ ಸಮಯದ ನಂತರ ಮುಸ್ತಾಫ ಆ ಕೆಲಸವನ್ನು ಬಿಟ್ಟು ಅರಬ್ ದೇಶ ದುಬೈ ಅಲ್ಲಿ ಸಿಟಿ ಬ್ಯಾಂಕ್ ನ ತಾಂತ್ರಿಕ ವಿಭಾಗದಲ್ಲಿ ಏಳು ವರ್ಷ ಕೆಲಸ ಮಾಡುತ್ತಾರೆ. ‌ನಂತರ ನೇರವಾಗಿ ಬೆಂಗಳೂರಿಗೆ ಬಂದು  ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಮ್ಯಾನೇಜ್ಮೆಂಟ್ ನಲ್ಲಿ  ಎಂ.ಬಿ.ಎ ಪದವಿಯನ್ನು ಕಲಿಯಲು ಆರಂಭಿಸುತ್ತಾರೆ.

ಯಶಸ್ಸಿನ ಮೊದಲ ಹೆಜ್ಜೆ : ಎಂ.ಬಿ.ಎ ಕಲೊಯುವ ಹೊತ್ತಿನಲ್ಲಿ ಮುಸ್ತಾಫರ ಜೊತೆ ಮಾತಿಗೆ ಸಿಗುತ್ತಿದ್ದ ಅವರ ಸಂಬಂಧಿಕರಲ್ಲಿ ಒಬ್ಬರಾಗಿರುವ ಶಮ್ಸಿ ಕಿರಾಣಿ ಅಂಗಡಿಯಲ್ಲಿ ಕೆಲಸ ಮಾಡುತ್ತಿರುತ್ತಾರೆ. ಒಂದು ದಿನ ಹೆಂಗಸರು ದೋಸೆ ತಯಾರಿಸಲು ಹಿಟ್ಟನ್ನು ಪ್ಲಾಸ್ಟಿಕ್ ಕವರಿ ನಲ್ಲಿ  ತೆಗೆದುಕೊಂಡು ಹೋಗುತ್ತಿರುವುದನ್ನು ನೋಡುತ್ತಾರೆ. ‌ಆಗ ಶಮ್ಸಿ ಮುಸ್ತಾಫರ ಬಳಿ ಒಳ್ಳೆ ಗುಣಮಟ್ಟದ ದೋಸಾ ಹಿಟ್ಟನ್ನು ಹೇಗೆ ತಯಾರಿಸಬಹುದು ಎಂದು ಕೇಳುತ್ತಾರೆ. ಈ ಪ್ರಶ್ನೆ ಮುಸ್ತಾಫ ಅವರನ್ನು ಕಾಡುತ್ತದೆ. ಮನಸ್ಸು ಏನಾದರೂ ಮಾಡಲು ಪೀಡಿಸುತ್ತದೆ ಅಷ್ಟೇ. ಅಲ್ಲಿಂದ ಶುರುವಾದ ಐಡಿ ಫ್ರೆಶ್ ಫುಡ್ ಪಯಣ ಇಂದು ಹೆಮ್ಮರವಾಗಿ ಬೆಳೆದು ನಿಂತಿದೆ.

ಕೆಲಸ ಬಿಟ್ಟು ಉಳಿದ ಹಣವೇ ಸಾಧನೆಗೆ ಸಾಕಿತ್ತು :  ಮುಸ್ತಾಫ ‌ಎಂ.ಬಿ.ಎ ಪದವಿಯ ಮುನ್ನ ಹೋಗುತ್ತಿದ್ದ ಕೆಲಸದಿಂದ ಬಂದ ಹಣವನ್ನು ಉಳಿಸಿಕೊಂಡಿದ್ದರು 25 ಸಾವಿರ ರೂಪಾಯಿ ವೆಚ್ಚದಲ್ಲಿ ಮುಸ್ತಾಫ ಮತ್ತು ಅವರ ಐದು ಸಂಬಂಧಿಕರು  550 ಚದರ ಅಡಿ ಉದ್ದದ ಕೋಣೆಯಲ್ಲಿ  ಎರಡು  ಎರಡು ಗ್ರೈಂಡರ್, ಮಿಕ್ಸರ್ ಮತ್ತು ಸೀಲಿಂಗ್ ಯಂತ್ರವನ್ನು ಬಳಸಿಕೊಂಡು ಇಡ್ಲಿ ದೋಸೆಯ ಹಿಟ್ಟನ್ನು ತಯಾರಿಸಲು ಆರಂಭಿಸುತ್ತಾರೆ. 2006 ರಲ್ಲಿ ಪ್ರಾರಂಭವಾಗುವ  ಈ ಕಾಯಕವನ್ನು ಮುಂದೆ ಮುಸ್ತಾಫ ತನ್ನ ಎಂ.ಬಿ.ಎ ಪದವಿ ಮುಗಿಸಿ 2007 ರಲ್ಲಿ ಐಡಿ ಫ್ರೆಶ್ ಫುಡ್ ಜವಾಬ್ದಾರಿಯನ್ನು ಸಂಪೂರ್ಣವಾಗಿ ವಹಿಸಿಕೊಳ್ಳುತ್ತಾರೆ.

ಮನೆ ಮನ ಮೆಚ್ಚಿದ ಐಡಿ ಫ್ರೆಶ್ :   ಇಡ್ಲಿ ದೋಸೆಯ ಹಿಟ್ಟನ್ನು ತಯಾರಿಸಿ ಅದನ್ನು ಮೊದಲು 20 ಅಂಗಡಿಗಳಿಗೆ ತಲಾ ನೂರು ಹಿಟ್ಟಿನ ಪ್ಯಾಕೆಟ್ ಅನ್ನು ಮಾರುವ ಉದ್ದೇಶ ಹೊಂದಿದ್ದ ತಂಡಕ್ಕೆ ಜನರಿಂದ ಅಭೂತಪೂರ್ವ ಸ್ಪಂದನೆ ಸಿಗುತ್ತದೆ. ಬೆಂಗಳೂರಿನ ಇಂದಿರಾನಗರದಲ್ಲಿ ತನ್ನ ಮೊದಲ ಸಣ್ಣ ಉದ್ಯಮವನ್ನು ಆರಂಭಿಸುವ ಐಡಿ ಫ್ರೆಶ್ ಇಡ್ಲಿ ದೋಸಾ ಹಿಟ್ಟಿನ ಪ್ಯಾಕೆಟ್ ನೋಡ ನೋಡುತ್ತಿದ್ದಂತೆ ಜನರಲ್ಲಿ ದಿನ ಬಳಕೆಯ ಮೊದಲ ಆಯ್ಕೆ ಆಗಿ ನಿಲ್ಲುತ್ತದೆ.

ವಹಿವಾಟನ್ನು ವಿಸ್ತರಣೆ ಮಾಡುವ ಉದ್ದೇಶದಿಂದ ಚೆನ್ನೈ ನಗರದಲ್ಲಿ ಐಡಿ ಫ್ರೆಶ್ ಮಾರುಕಟ್ಟೆ ಪ್ರವೇಶ ಮಾಡಲು ಸಿದ್ಧವಾಗುತ್ತದೆ. ಅಲ್ಲಿಯ ಜನರಲ್ಲಿ ಅಡುಗೆ ಸೋಡಾ ಮಿಶ್ರಿತ ಹಿಟ್ಟು ಹೆಚ್ಚು ಆಪ್ತವಾಗಿರುತ್ತದೆ. ಯಾವುದೇ ಮಿಶ್ರಣವಿಲ್ಲದೆ ಶುದ್ದ ಹಿಟ್ಟಿನ ಐಡಿ ಫ್ರೆಶ್ ಚೆನ್ನೈ ಅಲ್ಲಿ ಅಸ್ತಿತ್ವ ಪಡೆಯಲು ಆಗುವುದಿಲ್ಲ. ಆದರೆ ಮುಸ್ತಾಫ ಸೋಲು ಒಪ್ಪಿಕೊಳ್ಳುವುದಿಲ್ಲ.ಮುಂದೆ ತನ್ನ ಐಡಿ ಫ್ರೆಶ್ ಉದ್ಯಮ ಹೈದಾರಬಾದ್ ಚನ್ನೈ, ಮುಂಬಯಿ ನಲ್ಲಿ ಬೆಳೆದು ನಿಲ್ಲುತ್ತದೆ.

ಪ್ರಯತ್ನಕ್ಕೆ ಪ್ರತಿಫಲ ಕೊಟ್ಟ ಹೊಡಿಕೆದಾರರು : 2014 ರಲ್ಲಿ ಹೆಲಿಯನ್ ವೆನ್ ಚರ್ ಸಂಸ್ಥೆ  ಮುಸ್ತಾಫರ ವಹಿವಾಟಿನಲ್ಲಿ ಹೊಡಿಕೆ ಮಾಡುತ್ತಾರೆ.ಇದರಿಂದ ಐಡಿ ಫ್ರೆಶ್ ಫುಡ್ ಹೊರದೇಶಕ್ಕೂ ತಲುಪುವಂತೆ ಆಗುತ್ತದೆ. ದುಬೈ ದೇಶದಲ್ಲಿ ಇಂದಿಗೂ ಐಡಿ ಫ್ರೆಶ್ ಫುಡ್ ಗೆ ಪ್ರತ್ಯೇಕವಾದ ಮಾರುಕಟ್ಟೆ ಇದೆ ಅನ್ನುವ ಖುಷಿಯನ್ನು ವ್ಯಕ್ತ ಪಡಿಸುತ್ತಾರೆ ಮುಸ್ತಾಫ.

ಪರೋಟ,ಚಪಾತಿ, ಪನ್ನೀರ್ ನಲ್ಲೂ ಇದೆ ಈ ಐಡಿ ರುಚಿ : 550 ಚದರ ಉದ್ದದ ಜಾಗ ನೋಡು ನೋಡುತ್ತಿದ್ದಂತೆ 15 ಸಾವಿರ ಚದರ ವಿಸ್ತರಣೆಗೊಳ್ಳುತ್ತದೆ ಅಲ್ಲಿಂದ ಇನ್ನೂ ಹೆಚ್ಚು ಬೆಂಗಳೂರಿನ ಹೊಸಕೋಟೆಯಲ್ಲಿ 75 ಸಾವಿರ ಚದರ ಉದ್ದದ ವಿಸ್ತರಣೆವುಳ್ಳ ಜಾಗದಲ್ಲಿ ಐಡಿ ಫ್ರೆಶ್ ಉದ್ಯಮವನ್ನು ನಡೆಸುತ್ತದೆ. ಇಡ್ಲಿ ದೋಸಾ ಹಿಟ್ಟಿನಿಂದ ಆರಂಭವಾದ ಉದ್ಯಮ ಮುಂದೆ ಪರೋಟ,ಚಪಾತಿ,ಮೊಸರು,ವಡ ಹೀಗೆ ಎಲ್ಲಾ ಬಗೆಯ ರುಚಿಯನ್ನು ಜನರಿಗೆ ಪ್ಯಾಕ್ಯೇಜ್ ಮಾಡಿ ಮಾರುಕಟ್ಟೆಗೆ ತಲುಪಿಸಿ ಯಶಸ್ಸುಗಳಿಸುತ್ತದೆ.

25 ಸಾವಿರದಿಂದ ಆರಂಭವಾದ  ಉದ್ಯಮ ಇಂದು  100 ಕೋಟಿ ಲಾಭಗಳಿಸುವ ಮಟ್ಟಕ್ಕೆ ಬೆಳೆದು ನಿಂತಿದೆ. ಸಾವಿರಾರು ಬಡ ಜನರಿಗೆ ಮುಸ್ತಾಫ ಕೆಲಸವನ್ನು ನೀಡುತ್ತಿದ್ದಾರೆ.

ಇಂದು ಐಡಿ ಫ್ರೆಶ್ ವಿಶ್ವದ ಯಶಸ್ವಿ  ಸ್ಟಾರ್ಟಪ್ ಗಳ ಪಟ್ಟಿಯಲ್ಲಿ  ನಿಲ್ಲುವಂಥ ಮಟ್ಟಕ್ಕೆ ಬೆಳೆದು ನಿಂತಿದೆ. ಪ್ರತಿದಿನ 60  ಕೆ.ಜಿಗೂ ಹೆಚ್ಚಿನ ಹಿಟ್ಟನ್ನು ತಯಾರಿಸಿ ದೇಶ ವಿದೇಶದ ನಾನಾ ಭಾಗದ ಮಾರುಕಟ್ಟೆಗೆ ತಲುಪಿ 5 ಮಿಲಿಯನ್ ಗೂ ಅಧಿಕ ಪ್ಯಾಕೇಜ್ ಐಡಿ ಫ್ರೆಶ್ ಫುಡ್ ಮಾರಾಟವಾಗುತ್ತಿದೆ. ಮುಸ್ತಾಫ ಅವರಿಗೆ ಐಐಎಂ ಬೆಂಗಳೂರಿನಿಂದ “ ಟೈಕೂನ್ಸ್ ಆಫ್ ಟುಮಾರೊ” ಪ್ರಶಸ್ತಿ ಸೇರಿದಂತೆ ಹಲವಾರು ಪ್ರಶಸ್ತಿಗಳು ದೊರಕಿವೆ.

ದೇಶ ವಿದೇಶಗಳಿಗೆ ಹೋಗಿ ಮುಸ್ತಾಫ ತಮ್ಮ ಬದುಕಿನ ಯಶೋಗಾಥೆಯನ್ನು ಹಂಚಿಕೊಳ್ಳುತ್ತಿದ್ದಾರೆ.ಎಲ್ಲಾ ವೇದಿಕೆಯಲ್ಲೂ ತನ್ನ ಬಡತನದ ದಿನಗಳನ್ನು ಹೇಳಿಕೊಂಡೇ ತಮ್ಮ ಮಾತನ್ನು ಆರಂಭಿಸುತ್ತಾರೆ.

 

-ಸುಹಾನ್ ಶೇಕ್

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಮುಗಿಯದ ಬಿಜೆಪಿ ಅತೃಪ್ತಿ? ಸಭೆಯ ಫೋಟೊ ವೈರಲ್‌; ನಿರಾಣಿ ಸ್ಪಷ್ಟನೆ

ಮುಗಿಯದ ಬಿಜೆಪಿ ಅತೃಪ್ತಿ? ಸಭೆಯ ಫೋಟೊ ವೈರಲ್‌; ನಿರಾಣಿ ಸ್ಪಷ್ಟನೆ

ಯೋಗ ಮಾರ್ಗ ಗಮನ,ಆಯುರ್ವೇದ ಮಹತ್ವ ಸಾರಿದ ಪ್ರಧಾನಿ

ಯೋಗ ಮಾರ್ಗ ಗಮನ,ಆಯುರ್ವೇದ ಮಹತ್ವ ಸಾರಿದ ಪ್ರಧಾನಿ

ಮಹಾರಾಷ್ಟ್ರ, ಗುಜರಾತ್‌ ಕಡೆಗೆ ಚಂಡಮಾರುತ

ಮಹಾರಾಷ್ಟ್ರ, ಗುಜರಾತ್‌ ಕಡೆಗೆ ಚಂಡಮಾರುತ

ಅನಧಿಕೃತ ಹತ್ತಿಬೀಜ ದಾಸ್ತಾನು ಮೇಲೆ ದಾಳಿ: 2 ಕೋಟಿಗೂ ಅಧಿಕ ಮೌಲ್ಯದ ಹತ್ತಿ ಬೀಜ ಜಪ್ತಿ

ಅನಧಿಕೃತ ಹತ್ತಿಬೀಜ ದಾಸ್ತಾನು ಮೇಲೆ ದಾಳಿ: 2 ಕೋಟಿಗೂ ಅಧಿಕ ಮೌಲ್ಯದ ಹತ್ತಿ ಬೀಜ ಜಪ್ತಿ

ವಲಸೆ ಕಾರ್ಮಿಕರ ಮಕ್ಕಳಿಗೆ ಇದ್ದಲ್ಲಿಯೇ ಪರೀಕ್ಷೆ ಬರೆಯಲು ಅವಕಾಶ

ವಲಸೆ ಕಾರ್ಮಿಕರ ಮಕ್ಕಳಿಗೆ ಇದ್ದಲ್ಲಿಯೇ ಪರೀಕ್ಷೆ ಬರೆಯಲು ಅವಕಾಶ

ಬೀದರ್ ಜಿಲ್ಲೆಯಲ್ಲಿ ಕೋವಿಡ್ ಗೆ ಐದನೇ ಬಲಿ

ಬೀದರ್ ಜಿಲ್ಲೆಯಲ್ಲಿ ಕೋವಿಡ್ ಗೆ ಐದನೇ ಬಲಿ

ಸ್ಪೀಕರ್‌ ವಿರುದ್ಧ ಹಕ್ಕು ಚ್ಯುತಿ ಮಂಗಳವಾರ ನಿರ್ಧಾರ: ಎಚ್‌.ಕೆ. ಪಾಟೀಲ್‌

ಸ್ಪೀಕರ್‌ ವಿರುದ್ಧ ಹಕ್ಕು ಚ್ಯುತಿ ಮಂಗಳವಾರ ನಿರ್ಧಾರ: ಎಚ್‌.ಕೆ. ಪಾಟೀಲ್‌

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ವಿಕೆಟ್ ಹಿಂದೆ ನಿಲ್ಲಲಾಗದವರು:16 ತಿಂಗಳ ಅಂತರದಲ್ಲಿ ಟೀಂ ಇಂಡಿಯಾದಲ್ಲಿ ಆಡಿದ್ದರು 5 ಕೀಪರ್ಸ್

ವಿಕೆಟ್ ಹಿಂದೆ ನಿಲ್ಲಲಾಗದವರು:16 ತಿಂಗಳ ಅಂತರದಲ್ಲಿ ಟೀಂ ಇಂಡಿಯಾದಲ್ಲಿ ಆಡಿದ್ದರು 5 ಕೀಪರ್ಸ್

Web-tdy-1

ಸೈಕಲ್ ಮೆಕ್ಯಾನಿಕ್ ಸಮಾಜ ಸೇವೆ ಮಾಡಿ ಪದ್ಮ ಶ್ರೀ ಗೌರವ ಪಡೆದದ್ದು ಹೇಗೆ ಗೊತ್ತಾ ?

ವಿಟಮಿನ್ ಸಿ ಆಹಾರ

ಇವು ರೋಗ ನಿರೋಧಕ ಶಕ್ತಿ ಹೆಚ್ಚಿಸುವ “ವಿಟಮಿನ್ ಸಿ” ಆಹಾರಗಳು…

Mehandi

ಕೈಗಳ ಸೌಂದರ್ಯವನ್ನು ವರ್ಧಿಸುವ ಮೆಹಂದಿಯಲ್ಲಿದೆ ಹಲವಾರು ಔಷದೀಯ ಗುಣಗಳು

ನಾಲ್ಕುವರೆ ವರ್ಷ ಸ್ಮಶಾನದಲ್ಲಿ ಕಳೆದ ಈ ಕನ್ನಡಿಗ ಈಗ ಟೀಂ ಇಂಡಿಯಾದ ಪ್ರಮುಖ ಶಕ್ತಿ

ನಾಲ್ಕೂವರೆ ವರ್ಷ ಸ್ಮಶಾನದಲ್ಲಿ ಕಳೆದಿದ್ದ ಈ ಕನ್ನಡಿಗ ಈಗ ಟೀಂ ಇಂಡಿಯಾದ ಪ್ರಮುಖ ಶಕ್ತಿ!

MUST WATCH

udayavani youtube

COVID-19 : ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ Homeopathy Medicine | Udayavani

udayavani youtube

Preserving the heritage -World Famous Udupi Mattugulla Documentary by Udayavani

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

ಹೊಸ ಸೇರ್ಪಡೆ

ಮುಗಿಯದ ಬಿಜೆಪಿ ಅತೃಪ್ತಿ? ಸಭೆಯ ಫೋಟೊ ವೈರಲ್‌; ನಿರಾಣಿ ಸ್ಪಷ್ಟನೆ

ಮುಗಿಯದ ಬಿಜೆಪಿ ಅತೃಪ್ತಿ? ಸಭೆಯ ಫೋಟೊ ವೈರಲ್‌; ನಿರಾಣಿ ಸ್ಪಷ್ಟನೆ

krushee lake

ಕೆರೆಗಳಿಗೆ ಮರುಜೀವ ನೀಡಿದ ಕೋವಿಡ್‌ 19

ವೇಗಿ ಶಾರ್ದೂಲ್ ಠಾಕೂರ್‌ ವಿರುದ್ಧ ತನಿಖೆ ತೂಗುಗತ್ತಿ?

ವೇಗಿ ಶಾರ್ದೂಲ್ ಠಾಕೂರ್‌ ವಿರುದ್ಧ ತನಿಖೆ ತೂಗುಗತ್ತಿ?

clean mys

ಸ್ವಚ್ಛ ಮೈಸೂರಿಗೆ ಎಲ್ಲರೂ ಕೈಜೋಡಿಸಿ

ಹೆಜಮಾಡಿ ಮಹಾಲಿಂಗೇಶ್ವರ ದೇಗುಲ: ಭೂದಾನ ಶಾಸನ ಪತ್ತೆ

ಹೆಜಮಾಡಿ ಮಹಾಲಿಂಗೇಶ್ವರ ದೇಗುಲ: ಭೂದಾನ ಶಾಸನ ಪತ್ತೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.