ಸಂಬಂಧಗಳಲ್ಲಿ ಏಳುಬೀಳು, ಮುಂಗೋಪದಿಂದ ಕೆಲಸ ಹಾಳು: ಹೇಗಿದೆ ಇಂದಿನ ದಿನ ಭವಿಷ್ಯ !

Team Udayavani, Jan 16, 2021, 7:23 AM IST

ಮೇಷ: ಏಕಾಂತದಲ್ಲಿ ಕಾಲ ಕಳೆಯುವುದರಲ್ಲಿ ಸುಖದ ಅರಿವಾಗುತ್ತದೆ. ಸಂಬಂಧಗಳನ್ನು ಸರಿಯಾದ ದಿಕ್ಕಲ್ಲಿ ನಡೆಸಬಹುದು. ಸಂಬಂಧಗಳಲ್ಲಿ ಏಳುಬೀಳುಗಳನ್ನು ತುಂಬಾ ಕಾಣುವಿರಿ. ಆದರೂ ಸುಧಾರಿಸಿಕೊಳ್ಳಿರಿ.

ವೃಷಭ: ಅವಿವಾಹಿತರು ನಿಮ್ಮ ಸಂಗಾತಿಯಿಂದ ಮಿಶ್ರ ಪ್ರತಿಕ್ರಿಯೆ ಸ್ವೀಕರಿಸಬಹುದು. ಮನೆಯಲ್ಲಿ ಅತಿಯಾದ ಕಿರಿಕಿರಿ ಕಂಡುಬರಬಹುದು. ಖರ್ಚುವೆಚ್ಚ ಕಡಿಮೆ ಮಾಡುವತ್ತ ನಿಮ್ಮ ಚಿತ್ತವಿರಲಿ.

ಮಿಥುನ: ಕೆಲವರಿಗೆ ಭಾವೀ ಸಂಗಾತಿ ಸಿಗಲಿದ್ದಾರೆ ಅನ್ನುವುದು ನೆಮ್ಮದಿಯ ಸಂಗತಿ. ಈ ದಿನಗಳು ನಿಮಗೆ ಸಂತಸದ ದಿನಗಳಾದಾವು. ಹಾಗಂತ ಅತೀ ಅವಸರ ಬೇಡ. ಹೊಸಬರ ಪರಿಚಯದಿಂದ ಸಂತಸ.

ಕರ್ಕ: ಯಾವ ಕಾರ್ಯದ ಅಂತಿಮ ನಿರ್ಧಾರಕ್ಕೆ ಬರ ಬೇಕಾದರೆ ಕಾಲ ಹಾಗೂ ಜಾಣ್ಮೆ ಎರಡೂ ಉಪಯೋಗಿ ಸಿರಿ. ಕಡು ಮುಂಗೋಪದಿಂದ ಕೆಲಸ ಹಾಳಾದೀತು. ಜಾಗ್ರತೆ ಮಾಡಿರಿ. ಯಾರೊಂದಿಗೂ ಅತೀ ಸಲುಗೆ ಬೇಡ.

ಸಿಂಹ: ನಿಮ್ಮ ಬಗ್ಗೆ ಜನ ಎನೋ ಅನ್ನುತ್ತಾರೆ, ಏನು ಮಾತಾಡುತ್ತಾರೆ ಅನ್ನೋದು ನಿಮಗೆ ತಲೆಬಿಸಿ ಬೇಡ. ನಿಮ್ಮ ನಡವಳಿಕೆಯಲ್ಲಿ ಬದಲಾವಣೆ ತನ್ನಿರಿ. ಮೌನದಿಂದ ಎಲ್ಲವನ್ನೂ ಸ್ವೀಕರಿಸಿರಿ.

ಕನ್ಯಾ: ಯಾವ ಮಾತಿಗೂ ವಿಚಲಿತರಾಗದಿರಿ. ಅಭದ್ರತೆ ಅನ್ನೋದು ಮಾಯವಾಗಿರುತ್ತದೆ. ನಿಮ್ಮ ಚಿಂತನೆಗಳನ್ನು ಕಾರ್ಯರೂಪಕ್ಕೆ ತನ್ನಿರಿ. ಅದರಿಂದ ನಿಮಗೆ ಒಳ್ಳೆಯ ಫ‌ಲಿತಾಂಶ ಸಿಗಲಿದೆ. ಶುಭವಿದೆ.

ತುಲಾ: ನಿಮಗೆ ಹೊಸ ಜನರ ಪರಿಚಯ, ಗೆಳೆಯರ ಹಾಗೂ ಗೆಳೆತಿಯರ ಸಂಗ ಆನಂದವನ್ನು ನೀಡಬಲ್ಲದು. ಆದರೆ ಅವರ ಜೊತೆ ಸಂಬಂಧ ಬೆಳೆಸುವ ಮುನ್ನ ಯೋಚಿಸಿದರೆ ಉತ್ತಮ. ಯಾವುದಕ್ಕೂ ಮುನ್ನ ಯೋಚಿಸಿರಿ.

ವೃಶ್ಚಿಕ: ಹೊಸಬರನ್ನು ಭೇಟಿಯಾಗುವ ಅವಕಾಶವು ಸಿಗುವುದರಿಂದ ಒಳ್ಳೆಯ ಅವಕಾಶಗಳು ಬರುತ್ತವೆ. ಮನೆಯಲ್ಲಿ ಶಾಂತಿ, ಸಮಾಧಾನವು ಕಂಡು ಬರುವುದು. ನಿಮಗೆ ಒಗ್ಗದವರ ಜೊತೆ ಜೀವನವನ್ನು ಸೇರಿಸಬೇಡಿ.

ಧನು: ಶಾಂತಿಯಿಂದ, ಸಮಾಧಾನದಿಂದ ಕೆಲಸ ಮಾಡಲು ಬಯಸುವ ನಿಮಗೆ ಶಾಂತಿ ದೊರಕುವುದು. ನಿಮಗೆ ಸಿಕ್ಕಿದ ಅವಕಾಶವನ್ನು ಚೆನ್ನಾಗಿ ಉಪಯೋಗಿಸಿಕೊಳ್ಳಿರಿ. ಒಂಟಿಯಾಗಿರುವವರಿಗೆ ಜಂಟಿಯಾಗುವ ಆಸೆ.

ಮಕರ: ನೀವೀಗ ಎಲ್ಲರ ಆಕರ್ಷಣೆಯ ಬಿಂದುವಾಗಲಿದ್ದೀರಿ. ಪ್ರೀತಿಯ ಮಾತು, ಬದ್ಧತೆ ಮತ್ತು ಶಿಫಾರಸುಗಳಲ್ಲೂ ವಂಚನೆಯ ನೆರಳು ಕಾಣಿಸಬಹುದು. ವಿವಾಹಿತರಿಗೆ ಮನೆಯಲ್ಲಿ ಅತಿಥಿಗಳ ಕಾಟ ಕಂಡು ಬಂದೀತು.

ಕುಂಭ: ಅನಾವಶ್ಯಕವಾಗಿ ನಿರಾಸೆಗೊಳ್ಳುವ ಪ್ರಸಂಗ ಎದುರಾಗಬಹುದು. ಬದಲಾವಣೆಗೆ ಹೊಂದಿ ಕೊಳ್ಳಲು ಕಲಿತರೆ ಉತ್ತಮವಿದೆ. ಇತರರೊಂದಿಗೆ ಸಂವಹನ ಸಾಧಿಸಲು ವಿಫ‌ಲರಾಗುವಿರಿ. ಸಮಾಧಾನದಿಂದ ವರ್ತಿಸಿ.

ಮೀನ: ಸುಗಮವಾದ ದಿನವಿದು. ಆಪ್ತರೊಬ್ಬರ ಕುರಿತಂತೆ ಅತೀ ಭಾವುಕರಾಗಿ ವರ್ತಿಸುತ್ತೀರಿ. ಅವರ ರಕ್ಷಣೆ ಮಾಡಲು ಹೋಗಿ ನೀವು ಹೊಂಡಕ್ಕೆ ಬದ್ದೀರಿ ಜೋಕೆ. ಹೃದಯ ಭಾವಕ್ಕೆ ಆದ್ಯತೆ ಪಡೆಯುವುದು.