ಕಮರೊಟ್ಟು ಚೆಕ್ಪೋಸ್ಟ್ನಲ್ಲಿ 25ನೇ ಸಂಭ್ರಮ
Team Udayavani, Jun 19, 2019, 3:00 AM IST
ಸಸ್ಪೆನ್ಸ್ ಥ್ರಿಲ್ಲರ್ ಜೊತೆಗೆ ಹಾರರ್ ಕಥಾಹಂದರ ಹೊಂದಿದ “ಕಮರೊಟ್ಟು ಚೆಕ್ಪೋಸ್ಟ್’ ಚಿತ್ರ ಈಗ ಯಶಸ್ವಿ 25 ದಿನಗಳತ್ತ ದಾಪುಗಾಲು ಇಟ್ಟಿದೆ. ಇದೇ ಖುಷಿಯಲ್ಲಿ ಚಿತ್ರತಂಡ ಸೆಲೆಬ್ರಿಟಿ ಶೋ ಏರ್ಪಡಿಸುವ ಮೂಲಕ ಮತ್ತಷ್ಟು ಮೆಚ್ಚುಗೆ ಪಡೆದಿದೆ.
ಯಶವಂತಪುರದಲ್ಲಿರುವ ವೈಷ್ಣವಿ ಮಾಲ್ನಲ್ಲಿ ಆಯೋಜಿಸಿದ್ದ ಸೆಲೆಬ್ರಿಟಿ ಶೋನಲ್ಲಿ, ನಟರಾದ ನೆನಪಿರಲಿ ಪ್ರೇಮ್, ಪ್ರಥಮ್, ರಾಕೇಶ್ ಅಡಿಗ, ಮಯೂರಿ, ಕವಿರಾಜ್, ಜೆಕೆ, ದಯಾಳ್, ನಾಗೇಂದ್ರಅರಸ್, ಪ್ರಥಮ್, ಆಶಿಕಾ ರಂಗನಾಥ್, ವಿಕ್ಕಿ, ಅನೂಷಾ, ಗಾಯಕಿ ಶಮಿತಾ ಮಲ್ನಾಡ್, ಸಂಗೀತ ನಿರ್ದೇಶಕ ಡಾ.ಕಿರಣ್, ಖಳನಟ ಸುಧಿ, ಪ್ರಿಯಾಂಕ, ಆ್ಯಂಡಿ, ಸೇರಿದಂತೆ ಸಿನಿಮಾರಂಗದ ಗಣ್ಯರು ಚಿತ್ರ ವೀಕ್ಷಿಸಿ, ಚಿತ್ರದಲ್ಲಿರುವ ತಾಂತ್ರಿಕತೆ ಹಾಗು ಕಲಾವಿದರ ಶ್ರಮ ಮತ್ತು ತಂಡದ ಪ್ರಯತ್ನಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ.
ಬಿಡುಗಡೆಯಾದ ವಾರದಿಂದ ಮೆಚ್ಚುಗೆ ಪಡೆದ ಚಿತ್ರ, ಈಗ ನಾಲ್ಕನೇ ವಾರವೂ ಅದೇ ಮೆಚ್ಚುಗೆ ಪಡೆದುಕೊಂಡಿದೆ. ಚಿತ್ರದ ಗಳಿಕೆ ಹಾಗು ಕೇಳಿಬಂದ ಮಾತುಗಳಿಂದಾಗಿ ವಿತರಕ ಜಯಣ್ಣ ಅವರು ಸ್ವತಃ ಚಿತ್ರದ ಬಗ್ಗೆ ಕಾಳಜಿ ವಹಿಸಿ, ರಾಜ್ಯದ ಹಲವು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಮಾಡಲು ಸಹಕರಿಸಿದ್ದಾರೆ ಎಂಬುದು ನಿರ್ದೇಶಕ ಪರಮೇಶ್ ಅವರ ಮಾತು.
ಆರಂಭದಲ್ಲಿ ಚಿತ್ರ ಕಡಿಮೆ ಚಿತ್ರಮಂದಿರಗಳಲ್ಲೇ ತೆರೆಕಂಡಿತ್ತು. ಆ ನಂತರದ ದಿನಗಳಲ್ಲಿ ಚಿತ್ರಕ್ಕೆ ಬಂದ ಒಳ್ಳೆಯ ಪ್ರತಿಕ್ರಿಯೆಯಿಂದ ವಾರಕ್ಕೆ ಹತ್ತು ಚಿತ್ರಮಂದಿರಗಳು ಹೆಚ್ಚಿಗೆಯಾಗಿ ಈಗ ಮಲ್ಟಿಪ್ಲೆಕ್ಸ್ ಸೇರಿದಂತೆ ಸುಮಾರು 60 ಚಿತ್ರಮಂದಿರಗಳಲ್ಲಿ “ಕಮರೊಟ್ಟು ಚೆಕ್ಪೋಸ್ಟ್’ ಪ್ರದರ್ಶನವಾಗುತ್ತಿದೆ ಎಂಬುದು ನಿರ್ದೇಶಕರ ಹೇಳಿಕೆ.
ಚಿತ್ರಕ್ಕೆ ಚೇತನ್ರಾಜ್ ನಿರ್ಮಾಪಕರಾಗಿದ್ದು, ಎ.ಟಿ.ರವೀಶ್ ಸಂಗೀತವಿದೆ. ಚಿತ್ರದಲ್ಲಿ ನಾಯಕ, ನಾಯಕಿಯರಾಗಿ ಉತ್ಪಲ್, ಸತನ್, ಸ್ವಾತಿಕೊಂಡೆ, ಅಹಲ್ಯಾ ನಟಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Lok Sabha Elections; ಕುಮಾರಸ್ವಾಮಿ ಪರ ಕೊನೆಗೂ ಪ್ರಚಾರಕ್ಕೆ ಬಾರದ ಸುಮಲತಾ
ಮಹಿಳೆಯರಿಗೆ 2 ಸಾವಿರ ಕೊಟ್ಟು ಗಂಡಸರ ಜೇಬಿಗೆ ಕತ್ತರಿ: ಕುಮಾರಸ್ವಾಮಿ
OBC ವರ್ಗಕ್ಕೆ ಕಾಂಗ್ರೆಸ್ನಿಂದ ಅನ್ಯಾಯ: ಸುನಿಲ್ ಕುಮಾರ್
ಸರಕಾರದ ಖಜಾನೆ ಖಾಲಿ, ರೈತರಿಗೆ ಪರಿಹಾರ ನೀಡಲು ಹಣವಿಲ್ಲ: ವಿಜಯೇಂದ್ರ
Bangalore Rural; ಬಿಜೆಪಿಗೆ ಅಭ್ಯರ್ಥಿ ಇರಲಿಲ್ಲ, ಎಚ್ಡಿಕೆಗೆ ಧೈರ್ಯ ಇರಲಿಲ್ಲ: ಡಿಕೆಶಿ