ಬರಹಗಾರರಿಗೊಂದು ವೇದಿಕೆ

ನಿರ್ಮಾಪಕ ಕೆ.ಮಂಜು ಹೊಸ ಸ್ಕ್ರಿಪ್ಟ್ ಯೋಜನೆ

Team Udayavani, Jun 20, 2019, 3:00 AM IST

ಸಿನಿಮಾವೊಂದಕ್ಕೆ ಬರಹಗಾರ ತುಂಬಾ ಮುಖ್ಯವಾಗುತ್ತಾನೆ. ಒಂದು ಸಿನಿಮಾದ ನಿಜವಾದ ಸತ್ವ ಆತನ ಕೈಯಲ್ಲಿರುತ್ತದೆ. ಆದರೆ, ಎಷ್ಟೋ ಬಾರಿ ಆ ಬರಹಗಾರನೇ ಸಿನಿಮಾ ತಂಡದಲ್ಲಿ ಮೂಲೆಗುಂಪಾಗಿರುತ್ತಾನೆ. ಅಪೂರ್ಣ ಸ್ಕ್ರಿಪ್ಟ್ನೊಂದಿಗೆ ಸಿನಿಮಾ ಮಾಡಿ, ಅದೆಷ್ಟೋ ಸಿನಿಮಾಗಳು ಸೋತಿವೆ. ಆದರೆ, ನಿರ್ಮಾಪಕ ಕೆ.ಮಂಜು ಪ್ರತಿಭಾನ್ವಿತ ಬರಹಗಾರರಿಗೆ ವೇದಿಕೆ ಸಿನಿಮಾದಲ್ಲಿ ವೇದಿಕೆ ಕಲ್ಪಿಸಲು ಮುಂದಾಗಿದ್ದಾರೆ.

ಅದಕ್ಕಾಗಿ ಅವರು “ಕೆ.ಮಂಜು ಸ್ಕ್ರಿಪ್ಟ್’ ಎಂಬ ಯೋಜನೆ ಹೆಸರಿನಲ್ಲಿ ಲೇಖಕರಿಂದ ಸ್ವರಚಿತ ಸ್ಕ್ರಿಪ್ಟ್ಗಳನ್ನು ಆಹ್ವಾನಿಸಲಾಗಿದೆ. ಈ ಸ್ಕ್ರಿಪ್ಟ್ಗಳನ್ನು ನಿರ್ಮಾಪಕರು, ನಿರ್ದೇಶಕರನ್ನೊಳಗೊಂಡ ತಂಡವೂ ಪರಿಶೀಲನೆ ನಡೆಸಿ, ಅತ್ಯುತ್ತಮ ಎನಿಒಸಿದ ಸ್ಕ್ರಿಪ್ಟ್ಗಳನ್ನು ಕೆ.ಮಂಜು ಅವರ ಖರೀದಿಸಿ ಸಿನಿಮಾ ಮಾಡಲಿದ್ದಾರೆ. ಈ ಯೋಜನೆಗೆ ಒಂದಷ್ಟು ಷರತ್ತುಗಳನ್ನು ಕೂಡಾ ವಿಧಿಸಲಾಗಿದೆ.

ಲೇಖಕರು ಯಾವುದೇ ಕಾದಂಬರಿ, ನಾಟಕ ಆಧರಿಸಿದ ಅಥವಾ ಇನ್ಯಾವುದೇ ರೀತಿಯಲ್ಲಿ ಅವಲಂಭಿತವಾದ ಕಥೆಗಳನ್ನು ಸಲ್ಲಿಸುವಂತಿಲ್ಲ. ಸ್ವರಚಿತ ಕಥೆಗಳಿಗಷ್ಟೇ ಆಹ್ವಾನ. ಸ್ಕ್ರಿಪ್ಟ್ನಲ್ಲಿ ಸಂಭಾಷಣೆ ಕಡ್ಡಾಯವೇನಲ್ಲ. ಕೈ ಬರಹದ ಸ್ಕ್ರಿಪ್ಟ್ಗಳನ್ನು ಸ್ವೀಕರಿಸಲಾಗುವುದಿಲ್ಲ ಹಾಗೂ ಚಿತ್ರಕಥೆ ಕನ್ನಡದಲ್ಲೇ ಇರಬೇಕು. ಒಬ್ಬರಿಗೆ ಒಂದೇ ಸ್ಕ್ರಿಪ್ಟ್ ಕಳುಹಿಸುವ ಅವಕಾಶವಿರುತ್ತದೆ.

ಆಯ್ಕೆಯಾದ ಚಿತ್ರಕಥೆಗೆ ನಿರ್ಮಾಪಕ ಕೆ.ಮಂಜು ಅವರು ಒಂದು ಲಕ್ಷ ರೂಪಾಯಿ ನೀಡುವ ಜೊತೆಗೆ ಅದರ ಹಕ್ಕುಸ್ವಾಮ್ಯವೂ ಅವರ ಬಳಿಯೇ ಇರಲಿದೆ. ಜುಲೈ 15ರ ಒಳಗಾಗಿ ಸ್ಕ್ರಿಪ್ಟ್ ಕಳುಹಿಸಬೇಕು ಎಂದು ಕೆ.ಮಂಜು ತಿಳಿಸಿದ್ದಾರೆ. ಈ ಮೂಲಕ ಕೆ.ಮಂಜು ಅವರು ಮುಂದಿನ ದಿನಗಳಲ್ಲಿ ಸ್ವರಚಿತ ಕಥೆಗಳಿಗೆ ಹೆಚ್ಚಿನ ಆದ್ಯತೆ ನೀಡುವ ಸೂಚನೆ ನೀಡಿದ್ದಾರೆ.


ಈ ವಿಭಾಗದಿಂದ ಇನ್ನಷ್ಟು

  • ದರ್ಶನ್‌ ನಾಯಕರಾಗಿರುವ "ಒಡೆಯ' ಚಿತ್ರ ಈ ವಾರ (ಡಿ.12) ಬಿಡುಗಡೆಯಾಗುತ್ತಿದೆ. ಈ ಚಿತ್ರದ ಮೂಲಕ ಸನಾ ತಿಮ್ಮಯ್ಯ ಎಂಬ ಕೊಡಗಿನ ಬೆಡಗಿ ಚಿತ್ರರಂಗಕ್ಕೆ ಲಾಂಚ್‌ ಆಗುತ್ತಿದ್ದಾರೆ....

  • ನಟಿ ಶಾನ್ವಿ ಶ್ರೀವಾತ್ಸವ್‌ ಸಖತ್‌ ಖುಷಿಯಾಗಿದ್ದಾರೆ. ಅವರ ಖುಷಿಗೆ ಮುಖ್ಯವಾಗಿ ಎರಡು ಕಾರಣ. ಮೊದಲನೇಯದಾಗಿ ಅವರ ನಟನೆಯ "ಅವನೇ ಶ್ರೀಮನ್ನಾರಾಯಣ' ಚಿತ್ರ ಬಿಡುಗಡೆಗೆ...

  • ನಟ ರಿಷಿ ಅಭಿನಯದ "ಸಾರ್ವಜನಿಕರಿಗೆ ಸುವರ್ಣಾವಕಾಶ' ಚಿತ್ರದ "ದೇವರೆ ದೇವರೆ...' ವಿಡಿಯೋ ಹಾಡು ಈಗಾಗಲೇ ಬಿಡುಗಡೆಯಾಗಿ ಎಲ್ಲೆಡೆ ಮೆಚ್ಚುಗೆ ಪಡೆದಿದ್ದು ಗೊತ್ತೇ...

  • ಶನಿವಾರ ಬಿಗ್‌ಬಾಸ್‌ ಕನ್ನಡ ನೋಡಿದವರಿಗೆ ಒಂದು ಅಚ್ಚರಿ ಕಾದಿತ್ತು. ಅದು ಬಿಗ್‌ಬಾಸ್‌ ಶೋನಲ್ಲಿ ಸಲ್ಮಾನ್‌ ಖಾನ್‌ ಕಾಣಿಸಿಕೊಂಡಿರೋದು. ಕನ್ನಡ ಕಿರುತೆರೆ ಮೇಲೆ...

  • ಕಲಾವಿದರು ಕಿರುತೆರೆ, ಹಿರಿತೆರೆಯಲ್ಲಿ ತಮಗೆ ಇಷ್ಟವಾದ ಪಾತ್ರಗಳನ್ನು ಮಾಡುತ್ತಾರೆ. ಅದೇ ಕಾರಣದಿಂದ ಸಿನಿಮಾ ಮಂದಿ ಕಿರುತೆರೆಯಲ್ಲಿ, ಕಿರುತೆರೆ ಮಂದಿ ಸಿನಿಮಾದಲ್ಲಿ...

ಹೊಸ ಸೇರ್ಪಡೆ