ನಟಿ ಜೆನೆಲಿಯಾ & ರಿತೇಶ್ ದಂಪತಿಗೆ ಕಿಚ್ಚನ ಭರ್ಜರಿ ಔತಣ…!

Team Udayavani, Feb 14, 2021, 1:55 PM IST

ನಟಿ ಜೆನೆಲಿಯಾ ಹಾಗೂ ರಿತೇಶ್ ದೇಶಮುಖ್ ದಂಪತಿಗೆ ಬಹುಭಾಷಾ ನಟ ಹಾಗೂ ಕನ್ನಡದ ಕಿಚ್ಚ ಸುದೀಪ್ ಭರ್ಜರಿ ಔತಣ ಕೂಟ ನೀಡಿದ್ದಾರೆ.

ಸ್ಯಾಂಡಲ್ ವುಡ್ ಬಾದ್ ಷಾ ಕಿಚ್ಚ ಸುದೀಪ್ ಅವರಿಗೆ ಎಲ್ಲ ಚಿತ್ರರಂಗದಲ್ಲಿಯೂ ಆತ್ಮೀಯ ಸ್ನೇಹಿತರಿದ್ದಾರೆ. ರಿತೇಶ್ ಹಾಗೂ ಜೆನೆಲಿಯಾ ಕೂಡ ಸುದೀಪ್ ಅವರಿಗೆ ಒಳ್ಳೆಯ ಸ್ನೇಹಿತರು. ಈ ಸೆಲಬ್ರಿಟಿ ಜೋಡಿಗೆ ಸುದೀಪ್ ಅವರು ನಿನ್ನೆ ರಾತ್ರಿ ( ಫೆ.13 ಶನಿವಾರ) ಡಿನ್ನರ್ ಪಾರ್ಟಿ ನೀಡಿದ್ದಾರೆ. ಅದರಲ್ಲೂ ವಿಶೇಷವಾಗಿ ಹಲವು ಬಗೆಬಗೆಯ ಸಸ್ಯಾಹಾರಿ ತಿಂಡಿಗಳನ್ನು ಸಿದ್ಧಪಡಿಸಿ ಉಣಬಡಿಸಿದ್ದಾರೆ.

ಇದನ್ನೂ ಓದಿ :ಕನ್ನಡ ಇದು ನಮ್ಮ ಮೂಲ ಆಸ್ತಿ. ಅದು ಕ್ಷೀಣಿಸಬಾರದು :ಇಟಗಿ

ಈ ಸುಂದರ ಕ್ಷಣಗಳ ಫೋಟೋಗಳನ್ನು ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಜೆನೆಲಿಯಾ, ಮುಂಬರುವ ಹಲವು ಸುಂದರ ಸಂಜೆಗಳಿಗೆ ಇದು ಪ್ರಾರಂಭ ಎಂದಿದ್ದಾರೆ. ಜತೆಗೆ ಈ ಡಿನ್ನರ್ ಪಾರ್ಟಿಯಲ್ಲಿ ಸುದೀಪ್ ಪತ್ನಿ ಪ್ರಿಯಾ ಹಾಗೂ ಮಗಳು ಶಾನ್ವಿ ಅವರನ್ನು ಮಿಸ್ ಮಾಡಿಕೊಂಡೆ ಎಂದು ಬರೆದುಕೊಂಡಿದ್ದಾರೆ. ಸುದೀಪ್ ಕೂಡ ರಿತೇಶ್ ಹಾಗೂ ಜೆನೆಲಿಯಾ ಜೋಡಿಗೆ ಶುಭ ಹಾರೈಸಿದ್ದಾರೆ.

ಇನ್ನು ಕಿಚ್ಚ ಸುದೀಪ್ ಸದ್ಯ ಹಲವು ಬಿಗ್ ಬಜೆಟ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಸುದೀಪ್ ಅವರ ಕೋಟಿಗೊಬ್ಬ 3 ಸಿನಿಮಾ ಬಿಡುಗಡೆಯ ಹೊಸ್ತಿಲಲ್ಲಿದೆ. ಇತ್ತ ಬಹುನಿರೀಕ್ಷಿತ ವಿಕ್ರಾಂತ ರೋಣ ಸಿನಿಮಾದ ಶೂಟಿಂಗ್ ಕೂಡ ನಡೆಯುತ್ತಿದೆ.